Nakoaia Ibonga 26:45 - Te B'aib'ara

⁴⁵ Ngke a mataku te botannaomata, ao I kamaiu ami bakatibu mai Aikubita b'a I aonga n riki b'a Atuaia. Eng, bon ami UEA Ngai, ao N na aki manga m'aninga ara boraraoi.

Nakoaia Ibonga 26:45 ပူးပေါင်းရင်းမြစ်များ

Karikani B'aai 12:2

N na anganiko am kariki aika rangi ni m'aiti, ao a na riki b'a te botannaomata ae korakora. N na kakab'aiako, ao N na kakannatoa aram, b'a ko aonga n riki b'a te kakab'aia nakoia aomata.

Karikani B'aai 15:18

Ao E a karaoa ana berita te UEA n te tabo aei ma Aberam, ao E taku, “I berita b'a N na anganiia kanoam te aba aei ni kabane ni moa man tian Aikubita nakon te karaanga are Iuberetiti,

Karikani B'aai 26:24

Ao E kaoti te Atua nako ina n te tairiki anne, ao E taku, “Boni Ngai Atuan tamam are Aberaam. Ko na aki maaku; I mena iroum. N na bon kakab'aiako ma n anganiko am kariki aika m'aiti i bukin au berita ma Aberaam are Au toro.”

Karikani B'aai 28:15

Uringnga b'a N na bon kakawakiniko n taabo nako ike ko nako iai, ao N na manga kaokiko nakon te aba aei. N na bon aki kitaniko ni karokoa I tia ni karaoi b'ai ni kabane ake I a tia ni berita iai.”

Karikani B'aai 9:15

ao N na uringa iai au Berita nako imi ma maan ni kabane ake a na aki manga tiringaki b'aai aika maiu ni kabane n te ieka.

Taian Areru 106:45

E uringa ana boraraoi i bukiia, ao E bita nanona n nanoanga n ai aroni m'aitin ana ataataiaomata;

Te Otinako 2:24

ao E ongo tangiia ae e korakora te Atua. E aki m'aninga ana berita are E karaoia ma Aberaam, Itaaka, ao Iakob'a,

Te Otinako 20:2

“Bon te UEA Ngai ae Atuami, are I kaotinakoi ngkami mai Aikubita, are kam toronaki iai ngkoa.

Te Otinako 6:6

Bon aei au rongorongo i bukin Iteraera: “Bon te UEA Ngai! Ao I katuaaea Aikubita ni m'aakau ae e korakora ao I kainaomatai ngkami man te tautoronaki.

Te Otinako 6:8

N na karokoi ngkami n te aba are I karaoa iai au berita ae e matoa nako ia Aberaam, Itaaka, ao Iakob'a, ao e na riki b'a ami b'ai. Bon te UEA Ngai.”

Etekiera 20:14

Ma N na bon ngareakiniia iai, i bukina b'a a tia n noorai botannaomata aika a bati ni kaotinakoia Iteraera mai Aikubita.

Etekiera 20:22

Ma I bon aki. B'a N na bon ngareakinaki iai irouia botannaomata nako ake a tia n noorai ni kaotinakoia mai Aikubita.

Etekiera 20:9

Ma I taraa n ae I a tia ni kewe i bukina ngke I a tia n berita i mataia ni kabane b'a N na kairiia ni kaotinakoia mai Aikubita.

Nakoaia Ibonga 11:45

Boni Ngai te UEA ae I kaotinakoingkami mai Aikubita, b'a I aonga n riki b'a Atuami. Kam na riai n tabuingkami b'a I tabu.

Nakoaia Ibonga 22:33

ao I kaotinakoingkami ni kabane mai Aikubita, b'a I aonga n riki b'a ami UEA.

Nakoaia Ibonga 25:38

Uringnga, bon te UEA Ngai ae Atuami. I kamaiu ngkami mai Aikubita ao I anganingkami te aba are Kanaan, b'a I aonga n riki b'a Atuami.

I-Rom 11:12

Ma ngkana a bati n reke kab'aiaia aomata nako i aonnaba i bukin aia bure Iteraera, ao a bati n reke kab'aiaia aomata aika tiaki I-Iutaia i bukin aroia Iteraera n tibanako ma nanon te Atua, ao ai batiraa riki te kab'aia ae e na reke i rouia ngkana a bane kaain te botannaomata ae Iteraera n rin i nanon te kamaiuaki!

Te Tua-Kaua 4:31

E na nanoangaingkami te UEA ae Atuami, E na bon aki tiringingkami ke ni kitaningkami. E na bon uringa ana Berita, ao E na bon kaawakina ana Boraraoi are E a tia ni karaoia ma ami bakatibu.

Te Tua-Kaua 9:27

A kakaonimaki nakoim ara bakatibu ake Aberaam, Itaaka, ao Iakob'a. Ko na uringiia, ao ko na aki uring aia taningabono, aia buakaka ao aia bure Iteraera te UEA.