Nakoaia Ibonga 26:43 - Te B'aib'ara

⁴³ ao N na kamotirawaa n te tai are kam mena iai n te aba n iruwa, ao kam na kab'aka boon aroaromi ni kakatei nako Iu ma au tua nako.

Nakoaia Ibonga 26:43 ပူးပေါင်းရင်းမြစ်များ

2.Rongorongo 33:12

Ngke e taua Manate b'a te taenikai ikekei, e bubutiia te UEA ae te Atua kab'araan ana bure ao buokana.

2.Rongorongo 36:21

E a riki Iuta b'a te rereua ae akea kaaina, ao e tiku n arona anne ni karokoa itibwi te ririki, ni kakororaoi ririki ni kabane ake e aki kariaiakaki b'a e na motirawa iai. A riki baikai n aron are e tia n taekinna

Iobi 5:17

E na kukurei te aomata ae kaetaki arona i roun te Atua! Tai kauna nanom ngkana E boaiko.

Taian Areru 119:67

I m'ain are Ko karawawataai, ao I aki toki ni bure; Ma ngkai I ongeaba nakon am Tua.

Taian Areru 119:71

E manena nako iu karawawataau, b'a I reireiaki iai n am Tua.

Taian Areru 119:75

Te UEA, a eti am Moti; ao Ko aki kairua ngke Ko karawawataai.

Taian Areru 50:15

Kam na weteai n tain te kaangaanga; N na kamaiungkami, ao kam na neboai.

Taian Areru 50:17

Ko rawa ni kaetan arom, Ao ko ribaai au tua.

Itaia 26:16

Ngkana ko katuaaia ara aomata, ao a rairaki man tataro nakoim, ara UEA.

Ieremia 31:19

Ngke ti uarereke ngkoa, ti m'aninga nako ao ti bure, ma i mwiina ti uringaaba n te b'ai ae ti a tia ni karaoia. Ti mamaa ao ti b'ainrang. ao ti tangiria n okiriko.”

Taniera 9:14

Te Atua ae te UEA, ko katauraoi nakon karekeani kaira, Ko karaoa anne i bukina ngke Ko boni karaoa ae e eti n taai nako, ao tiaki kan ongo iroum.

Nakoaia Ibonga 26:11

N na maeka i buakomi ao N na aki manga taraingkami ma te riribai.

Nakoaia Ibonga 26:15

Ngkana kam rawa n ongo n au tua ma au Kaetieti nako, ao ngkana kam urui au boraraoi,

Nakoaia Ibonga 26:30

N na urui ami auti n taromauri nako, N na urui ni kab'akai ami bao n angakarea i bukin te boiarara, ao N na katokai rab'atami ngkae a mate i aon nako ami bouannanti. Ao kam na riribaaki i Rou.

Nakoaia Ibonga 26:41

Ngkana ko taekinna ma te nanorinano b'a ko a tia ni moana maiuakinan ae e eti,

Amota 5:10

Ngkami aika aomata kam ribaia ake a karaoa te motikitaeka ae riai ao n taekini taeka aika koaua n te bowi.

Tekaria 11:8

E aki koro teuana te nam'akaina, I aki konaa n taotaona nanou irouia taani kaawakin tiibu aika teniman aika a ribaai, ao I karaoi taekaia.

Ioane 7:7

Akea bukin ae kam na ribaaki iai irouia aomata nako; ma iai bukin ribakiu i rouia, b'a I aki toki n tuangiia b'a a bubuaka aia m'akuri.

I-Rom 8:7

B'a nanon te rab'ata bon te riba te Atua, b'a e aki mena i aan ana tua te Atua, ao e bon aki kona;

Te Tua-Kaua 32:36

E na ti kona n nanoangaia te UEA ma n anganiia te motikitaeka ae eti ngkana ai ti tabeman ana Aomata, ao akea korakoraia ao a riki tabeman mai buakoia b'a buure, ao E a tib'a nanoangaia te UEA ao E a anganiia te motikitaeka ae eti.