Nakoaia Ibonga 26:42 - Te B'aib'ara

⁴² N na kaawakina te berita are I a tia ni karaoia nakoia ami bakatibu ake Aberaam, Itaaka ao Iakob'a. N na kakab'aiaa abami,

Nakoaia Ibonga 26:42 ပူးပေါင်းရင်းမြစ်များ

Karikani B'aai 15:18

Ao E a karaoa ana berita te UEA n te tabo aei ma Aberam, ao E taku, “I berita b'a N na anganiia kanoam te aba aei ni kabane ni moa man tian Aikubita nakon te karaanga are Iuberetiti,

Karikani B'aai 26:2

Ao E a tia ni kaoti te UEA nakon Itaaka ma n taku, “Ko na aki nako Aikubita; tiiku n te aba aei n aron are I tuangko b'a ko na tiku iai.

Karikani B'aai 26:24

Ao E kaoti te Atua nako ina n te tairiki anne, ao E taku, “Boni Ngai Atuan tamam are Aberaam. Ko na aki maaku; I mena iroum. N na bon kakab'aiako ma n anganiko am kariki aika m'aiti i bukin au berita ma Aberaam are Au toro.”

Karikani B'aai 26:5

N na bon kakab'aiako i bukina ngke e a tia n ongotaeka tamam are Aberaam i Rou, e kaawakin Au tua ma Au kaetieti ni kabane.”

Karikani B'aai 28:13

Ao e tei te UEA i rarikina, ao E taku, “Boni Ngai te UEA, are Atuan Aberaam, ao Itaaka. N na anganiko ma am kariki te aba aei ae ko wene iai.

Karikani B'aai 28:15

Uringnga b'a N na bon kakawakiniko n taabo nako ike ko nako iai, ao N na manga kaokiko nakon te aba aei. N na bon aki kitaniko ni karokoa I tia ni karaoi b'ai ni kabane ake I a tia ni berita iai.”

Karikani B'aai 35:11

Ao E taku te Atua nako ina, “Boni Ngai te Atua ae moan te M'aaka. Karikiia natim aika m'aiti kurikuri. A na riki botannaomata mai roum, ao ko na riki b'a aia bakatibu taian uea.

Karikani B'aai 35:12

N na anganiko te aba are I anga ngkoa nakon Aberaam, ao nakon Itaaka, ao N na angania naba am kariki ake i mwiim.”

Karikani B'aai 9:15

ao N na uringa iai au Berita nako imi ma maan ni kabane ake a na aki manga tiringaki b'aai aika maiu ni kabane n te ieka.

Karikani B'aai 9:16

Ngkana e kaoti Nei Wirara i buakon taian nang, ao ane N na nooria, ao N na uringa iai au boraraoi i marenau ma ngkami ae akea tokina.

Etita 4:14

Ngkana ko aki kakarongoa n te aekaki n tai aei, ao ane e na roko te buoka mai karawa nakoia taian I-Iutaia, ao ane a na kamaiuaki, ma ane ko na mate ngkoe ma ana utu tamam, ma ni kamaunaaki. Antai ae e ataia, ao tao ko boni karikaki b'a te ueanaine i bukin te tai aei.

Taian Areru 106:45

E uringa ana boraraoi i bukiia, ao E bita nanona n nanoanga n ai aroni m'aitin ana ataataiaomata;

Taian Areru 136:23

E aki m'anuokiniira ngke ti konaaki; b'a akea tokin ana Tangira.

Te Otinako 2:24

ao E ongo tangiia ae e korakora te Atua. E aki m'aninga ana berita are E karaoia ma Aberaam, Itaaka, ao Iakob'a,

Te Otinako 6:5

I a tia ngkai n noora aron rawawataia Iteraera irouia kaain Aikubita, ao N na karaoa nanon Au berita.

Itaia 14:1

E na nanoangaea Iteraera te UEA ao e na manga karikiia b'a ana aomata aika a rineaki. E na kaokiia nakon abaia, ao a na iraki irouia ianena b'a a na riki b'a Iteraera naba.

Etekiera 16:60

Ma I ururinga te boraraoi are I karaoia ma ngkoe ngke ko uarereke, ma ngaia ae, N na karaoa te berita nakoim are e na akea tokina.

Ioera 2:18

E rangi n tabeaianga nanon te UEA i bukin te aba aei ao E nanoangaiia ana aomata.

Ruka 1:72

B'a E na kaota te nanoanga nakoia ara bakatibu; ao b'a E na uringa ana berita are raoiroi,

Te Tua-Kaua 4:31

E na nanoangaingkami te UEA ae Atuami, E na bon aki tiringingkami ke ni kitaningkami. E na bon uringa ana Berita, ao E na bon kaawakina ana Boraraoi are E a tia ni karaoia ma ami bakatibu.

Te Tua-Kaua 9:27

A kakaonimaki nakoim ara bakatibu ake Aberaam, Itaaka, ao Iakob'a. Ko na uringiia, ao ko na aki uring aia taningabono, aia buakaka ao aia bure Iteraera te UEA.

Tani Motiki-taeka 2:1

Ao E m'ananga Ana anera te UEA mai Kirekara nako Bokim ao E anganiia Iteraera te rongorongo aei: I berita nakoia ami bakatibu b'a N nang anga te aba aei nakoia ami utu, ao e karokoia ami aomata aikai mai Aikubita. Ti karaoa ngkoa te berita, ao I berita b'a e na aki uruaki.