Nakoaia Ibonga 26:31 - Te B'aib'ara

³¹ N na kamaunai ami kaawa aika a uarereke ma ami auti nako n taromauri, ao N na aki manga kukurei ni boin nako ami karea.

Nakoaia Ibonga 26:31 ပူးပေါင်းရင်းမြစ်များ

Karikani B'aai 8:21

E kakukureia te Atua boiararan te karea aei, ao E taku te UEA i boni nanona, “N na bon aki manga karokoa te rekenikai n te aonnaba i bukin aia m'akuri aomata, b'a bon anuani maiuia karaoan te bure ma ngke a moan rikirake. N na bon aki manga kamaunai b'aai aika maiu ni kabane n aron ae I a tia ni karaoia n te tai aei.

2.Uea 22:19

I namakina rawawatam ngke ko warekia ae e na kamaunaaki te aba aei ma kaaina ni kabane. Ko bon raeuaaka naba kunnikaim i bukin rawawatan nanom, ao I ongo b'anaam ngke ko tang.”

2.Rongorongo 36:19

A kabuoka te Tembora ana taanga ni buaka Nebukaneta ao a urui b'aai ni kabane kateitei aika a kakaawaki ake i nanon oon te kaawa are e buubura arei.

Neemia 1:3

Ao a taku nako iu, “Bon iai aia kangaanga aika a m'aiti taenikai aika a okirikaaki. A bon rangi ni b'ainrang ngkai e a uruaki oon Ierutarem, ao a tia naba ni kabuokaki mataroana.”

Neemia 2:17

Ma ngke I a okirikaaki, ao I taku nakoia, “E a bon rangi ni urubekebeke Ierutarem n te koaua! A tia n uruaki mataroana ma ni b'aka ma ni buee, ao a bane b'aai nako ni uruaki. Ti a riai ni manga katea oon te kaawa b'a ti aonga ni manga kakatonga n ara kaawa ae e buubura aei.”

Neemia 2:3

ao I bon kaeka naba, “Teuae ko karineaki, Bon au kaantaninga b'a ko na maiu n aki toki! I nanokawaki i bukin au kaawa are e buubura ike a taunaki iai au bakatibu b'a e a urubekebeke, ao a tia ni kabuokaki mataroana ni kab'akaaki.”

Itaia 1:7

E a wene n uruaki abami; a mannang ami kaawa. E a anaaki abami man uruakaki irouia ianena ao Iruwa ngke kam boni matakuakiniia.

Itaia 6:11

Ao i mwiina, I a titirakina te UEA ni kaangai, “A toki n ningai baikai?” Ao e kaeka te UEA: Ni karokoa a mauna nako aia kaawa nako ao a rereua aia auti, ni karokoa akea kanoan aia tawaana,

Itaia 63:18

E aki rangi ni maan ni b'ainaki am tembora iroura. ao ngkai a tia ara kairiribai ni kab'aka.

Itaia 64:9

Ko na aki kabuakaka nanom ke ni katuka ara bure inanom n taai nako! Uringnga b'a bon am aomata ngaira ni kabane.

Itaia 66:3

Kam kareani taiani kaom'aane nako iu, ao kam tiriaomata; kam karean taian tiibu ataei nako iu ao kam karean taian kamea nakoia anti tabem'aang; kam karean taiani uita nako iu ao raraan taiani beeki nakon taian bouannanti; kam kabuoki b'ai ni kaboiarara nako iu ao kam neboi ami bouannanti. Kam a tia ni rinea are kam tangiria b'a kam na karaoia ni karaoi m'akuri aika a rangi n ribaaki aikai aika b'aai aika kam rangi n tangiri ni kan karaoi.

Ieremia 22:5

Ma ngkana kam aki katinanikuai, ao I berita ni bon arau b'a e na wene n uruaki te bareti aei.

Ieremia 26:6

ao N na urua te Tembora, n arou naba ngke I urua te kaawa are Tiro. Ao i mwiina, ane a na kamanenaa aran “Ierutarem” b'a te taeka ni karereanti nako ia aomata ni kabane i aon te aonnaba.

Ieremia 26:9

E aera ngkai ko taetae n aran te UEA b'a e na riki te Tembora aei kaanga Tiro ao e na uruaki te kaawa aei ao a na akea ae na maeka iai?” Ao i mwiin arei, a bootaki aomata ni katobibiai.

Ieremia 4:26

A riki b'a taian rereua taabo n ununiki ngkoa, ao a uruaki kaawa nako. E kariki b'aai aikai ni kabane unin te UEA ae e kakamaaku.

Ieremia 4:27

E taku te UEA: I a tia ni karaoa au babaaire, ao I aki kona ni manga bita nanou. E na kamaunaaki te aba aei, ma e na aki bane ni kamaunaaki. E na onikaki karawa nakon te rootongitong, ao e na tanginiwenei te aonnaba.

Ieremia 4:7

E na oti nako te taanga ni buaka, kaanga te raian mani nena. E na tiringiia botannaomata ma ni katikui ami kaawa ma akea kaaia ao ni urubekebeke.”

Ieremia 44:2

Bon te UEA Ngai ae Moan te M'aaka, ae Atuaia Iteraera. Kam noora arou ngke I kamaunaa Ierutarem ao kaawan nako Iuta. A wene n akea kanoaia ao n uruaki n te bong aei,

Ieremia 44:6

Ao n tokina, e a oro uniu kaanga te ieka ae e korakora, ao n te bong aei e a wene Ierutarem ao kaawan nako Iuta n akea kanoana ma n uruaki.

Ieremia 52:13

E kabuoka Ana Tembora te UEA, ao ana bareti te uea, ao auti ni kabane aika a kakannato i nanon te kaawa.

Ieremia 9:11

Ao I ongo ana kaeka te UEA, “Ngkana e tia Au m'akuri, ao e na riki Ierutarem ao kaawan nako Iuta b'a b'ariko ni b'ai aika a uruaki ike ti taian tiakaore aika a maeka iai.”

B'aeb'aeti 1:1

E a tiku b'a kaanga te kaawa ae akea kaaina ngke bon te kaawa ngkoa ae onrake n te aomata! E a riki b'a kaanga te aine ae e mate buuna ngke bon temanna ngkoa ngaia te botannaomata ae korakora! Boni ngaia ngkoa te uea n aine ni kaawa aika a korakora, ma e a riki b'a te toro.

B'aeb'aeti 1:10

E a tia te UEA n tabuia ianena b'a a na aki rin n te Tembora, ma a bon noriia aia kairiribai ngke a rin iai. A rin ni iraei kaub'ain te Tembora.

B'aeb'aeti 2:6

E urua te Tembora are ti tataromauria iai ni kamaerikirikia; E katoki bong aika a kakannato ma Taabati. E korakora riki unna irouia uea ma ibonga.

B'aeb'aeti 2:7

E rangi n ribaa ana baonikarea te UEA, ao e kamaunaa ana Tembora are e tabu; E kariaia rokoia kairiribai ni kamaenikuna oon te Tembora. A tatakarua i nanon te Tembora are ti tataromauri iai kairiribai ni kaota aia tokanikai.

Etekiera 12:20

A na bane ni wene n uruaki kawa nako ao e na riki te aba b'a te rereua ae akea kain aona. Ao i mwiina, a na ataia iai b'a bon te UEA Ngai.

Etekiera 21:15

Ane a na mauna ninikoriaia ao a na b'aka ni maaku. E tataninga Au kabaang iai mataroa ni kabane, n raneanea ma n tauraoi nakon tiritiri.

Etekiera 21:7

Ngkana a titirakiniko b'a bukin tera ngkai ko ngirangira, ao tuangiia b'a iai te rongorongo ae e na tong iai ma n ruru ni maaku iai ao a na bua ninikoriami. A na riki baikai n te tai ae e aki maan. Boni Ngai ae te UEA ae I karaoa te berita aei!

Etekiera 24:21

b'a e a tauraoi n urua te Tembora ike kam kainikatonga iai ao are kam taku b'a kam mano raoi iai. A na tiringaki natimi aika a maeka ngkai Ierutarem.

Etekiera 6:6

A na bane n uruakaki kaawa nako i aon Iteraera b'a e aonga ni kakoauaki b'a a bon bane n uruaki taian baangota, bouannanti, ao taian baonikarea, a na bane b'aai aika a tia ni karaoi Iteraera n riki b'a b'ariko ni b'ai aika a uruaki.

Etekiera 9:6

Tiringiia unim'aane, rorobuaka, ateiaine, tiina, ao ataei. Ma kam na aki kumeia aomata aika iai te kanikina i aon ram'aia. Ao kawaekoaia n tiringiia taani kairiiri ake a tei ikekei.”

Taniera 2:46

Ao i mwiin anne ao e bobaraaki te uea are Nebukaneta nako aontano, ao e anga ana taeka i bukin te karea ma te angab'ai b'a e na karaoaki i bukin Taniera.

Amota 7:9

E na uruaki aia tabo n taromauri kanoan Itaaka. A na tiku n uruaki taabo ake a tabu i aon Iteraera. N na kamaunanakoa te utu ni uea are Ieroboam.”

Mika 3:12

Ao i bukim, e na kamarauaki Tion kaanga te tawaana, ao e na riki Ierutarem b'a b'ariko ni b'ai aika a uruaki, ao tabukin te Tembora, e na riki b'a te buakonikai.

Teb'ania 3:6

E taku te UEA, “I a tia n teweia nako botannaomata. I a tia ni kamaunai aia kaawa, ao a tiku n uruaki aia oo ma aia taua. E a riki n rereua aia kaawa; a akea kaain te kaawa-bon akea nikiraia.

Ruka 21:24

ane a na tiringaki n te kabaang, ao ane a na kairaki nako b'a taenikai ao a na kauamaaeaki nako buakoia botannaomata i aonnaba; ao ane na uruaki Ierutarem irouia aomata aika tiaki I-Iutaia, ni karokoa tokin aia tai.

M'akuri 6:14

b'a ti ongo i rouna ngke e taku b'a e na urua te tabo aei Iesu are te I-Natareta, ao E na oniki katei ake e anganira Mote!”

Ebera 10:26

B'a ngkana ti boni kani kateimatoa arora ni karaoa te bure i mwin reken ataakin te koaua i roura, ao bon akea riki i bukira te karea teuana i bukini buure;