Nakoaia Ibonga 26:30 - Te B'aib'ara

³⁰ N na urui ami auti n taromauri nako, N na urui ni kab'akai ami bao n angakarea i bukin te boiarara, ao N na katokai rab'atami ngkae a mate i aon nako ami bouannanti. Ao kam na riribaaki i Rou.

Nakoaia Ibonga 26:30 ပူးပေါင်းရင်းမြစ်များ

Karikani B'aai 19:13

b'a ti nang kamaunaa te tabo aei. E a tia n ongo te UEA rongorongoia aomata aikai ae aki raoiroi, ao E kanakomaira b'a ti na kamaunaa Tootom.”

1.Uea 13:2

E kanakoai te UEA ma taekan te baonikarea aei. E na bungiaki te tei ae arana Iotia man ana utu Tawita. E na kareana te ibonga are e kakaraoa ana angakarea ikai, ao a na kabuokaki riia aomata i aona.

1.Uea 13:32

I boni kakoaua b'a a na bane ni koro bukin b'aai ake e a tia n taekin i bukin te baonikarea are i Betaera ao te baangota are i Tamaria.

2.Uea 23:16

Ao ngke e taratara nako ao e noori taian ruanimate i aon te tabuki. E anai tain ri mai iai ao e kabuoki i aon te baonikarea, b'a e aonga n aki manga konaa ni kamanenaaki. E riki aei n aron are e a tia n taekinna ana burabeti te Atua ngke e teitei Ieroboam i rarikin te baonikarea, i nanon tain te bootaki i bukin te toa. Ao e noora ruanimaten te burabeti Iotia are e taekinna b'a a na koro bukin baikai.

2.Uea 23:20

E tiringiia ibonga ake a m'akuri iai ao e kabuoki riia i aon taiani baonikarea. I mwiin baikai ni kabane, ao e a okira Ierutarem Iotia.

2.Uea 23:8

E bon kani bane kaawan nako Iuta ni karaoaki iai taian angakarea irouia ibonga nakon te UEA ni bangotan te aba. E kairiia ibonga aikai Iotia nako Ierutarem ao e kam'araai aia baangota b'a a na aki kamanenaaki i bukin te taromauri. Ni kabane taiani baangota ake mai Keeb'a are i meangin Ierutarem nako Beerateb'a i maiaki. E bon kamaunaa naba te baangota are i Beerateb'a are e mena i maingin te mataroa are Iotua, are e ingoanaki n aran te kabanea n rietaata ni mataniwi n te kaawa ae e buubura anne.

2.Rongorongo 23:17

ao i mwiina, a kabane biriia nakon ana Tembora Baara ma n urubekeia. A urui taian baonikarea ao taian bouannanti ao a tiringa Matan are ana ibonga Baara i matan te baonikarea.

2.Rongorongo 31:1

I mwiin te Toa are te Riao, ao a okiri kaawan nako i Iuta aomata ao a uruaki bannan nako antiia ianena aika taian atiibu ao a koroi ni kab'akai taiani boua aika a tabu ake b'ain taromaurian te anti are Nei Atera. A urui ni kabane baangotan te aba ao aia baonikarea ianena ake i Iuta, ao ai uana naba ma ake n aaba ake Beniamin, Eberaim, ao Manate Maeao. Ao e mwiina, a bane n okirikaaki nakoni mwengaia aomata.

Taian Areru 106:40

Ma ngaia are E un te UEA irouia ana botannaomata; Ao E ribaia.

Taian Areru 89:38

Ma Ko un iroun te uea are Ko rineia; Ko a tia n rawa i rouna ao Ko ribaia.

Itaia 27:9

Bon ti teuana te kawai ae e konaa iai ni kab'araaki iai ni kabane ana bure Iteraera: a riai ni kamaaenikuni atiibu nako ake aia baonikarea beekan ao aia tabo n taromauri.

Ieremia 14:19

Te UEA, Ko a katinanikua Iuta? Ko a ribaa Ierutarem? E aera ngkai ko orea rikaaki Iuta: n te ikoaki ae moan te korakora? Ti a kaman kakantaningaa te rau ao te tai ni kamaiu, ma bon akea te b'ai ae ti karekea b'a ti te b'ai ae e kakamaaku.

Ieremia 16:18

N na kataboroa tuaami i bukin ami bure i bukina ngkai kam a tia ni kabuakaka te aba. Kam a tia ni kaonna n taian bouannanti aika a aki maiu kaanga maate.

Etekiera 16:39

I mwiin anne, N na anga ngkoe nakoia am tangira, ake a na kab'akai taabo nako ake ko aki toki ni wewene ni bure iai. A na anai am kunnikai ma am b'ai ni katamaroa, ao a na katikuko ma akea kunnikaim ao akea am b'ai.

Etekiera 43:7

Etekiera ae natin te aomata, bon Au kaintokanuea te Tembora i aon te aba. N na maeka i buakoia Iteraera ikai n aki toki. A na aki manga oki ni kamatauningaai ngaiia ma aia uea n taromauri taian bouannanti ni baangotan te aba ke ni katei taian kanuringa i bukiia aia uea aika a tia ni mate.

Etekiera 6:13

Aikai aomata ake a aki toki n angaanga te b'ai ni kaboiarara nakoia taian bouannanti n taian baonikarea ake a karaoaki i aon taian tabuki ke taberan maunga ao i aan nuun kaai aika taian oke. Ma ngkana a nooria aomata aika a mate i rarikin taian baonikarea, ao ane a na ataai iai b'a bon te UEA Ngai.

Otea 10:2

Ko kam'am'ane ao ko aki kakaonimaki. Ma ngaia are, ko na anganaki boon am bure nako, i bukina b'a E na urua am baonikarea ao am banna te UEA.

Nakoaia Ibonga 20:23

Botannaomata ake I kakioia nako a boni karaoi naba m'akuri ni kamamaa aikai, ao I ribaia iai, ma ngaia are tai katotoong aroia.

Nakoaia Ibonga 26:11

N na maeka i buakomi ao N na aki manga taraingkami ma te riribai.

Nakoaia Ibonga 26:15

Ngkana kam rawa n ongo n au tua ma au Kaetieti nako, ao ngkana kam urui au boraraoi,

Amota 6:8

E a tia n anga te kauring te UEA ae rietaata ae moan te m'aaka ni kaangai, “I bati n ribaai aia kamoamoa Iteraera: I bati n ribaai naba mwengaia aika a raraoi, ao N na anga aia kaawa ae atuun aia tautaeka nakoia aia kairiribai.”

Amota 7:9

E na uruaki aia tabo n taromauri kanoan Itaaka. A na tiku n uruaki taabo ake a tabu i aon Iteraera. N na kamaunanakoa te utu ni uea are Ieroboam.”

Te Tua-Kaua 32:19

Bon natin te UEA ngkoa ngkami, ma kam kaunna. Ngaia are, E a aki kubaringkami