Nakoaia Ibonga 26:22 - Te B'aib'ara

²² N na kanakoi man aika kawakawa aika a kaakang b'a a na buakaningkami, a na kaniia natimi ma ami naa ni man aika kawakawa nako. Ma ngaia are, a na tii tabeman ami koraki n tiku n te aro ae e na aki bongana te kawai.

Nakoaia Ibonga 26:22 ပူးပေါင်းရင်းမြစ်များ

2.Uea 17:25

N te moan tai ao a aki taromauriia te UEA aomata aikai, ma ngaia are, E kanakoia raian te UEA b'a a na tenaia, ao a mate tabeman irouia raian.

2.Uea 2:24

Ao e rairaki Eritai ao e kareke taraaia ataei ni maanee akekei. Ao i mwiina, e a kamaraiaia n aran te UEA. Ao ni bon te tai naba arei, ao a biri n otinako uoman taiani bea man te buakoako ao a raebitiia angaun ma uoman mai buakoia ataei ni maanee akekei.

2.Rongorongo 15:5

A bon m'aiti taian kamangaongao ni boong akekei are e aki tau iai te m'am'ananga nakon taabo nako i aon Iteraera.

Itaia 24:6

E a b'akaraki te aonnaba n te maraia; a mate aomatana i bukin aia bure.

Itaia 33:8

Akea riki ae e a manga m'am'ananga; akea kaain taiani kawai. A uruaki taian boraraoi i bukin te rau ao akea aaro ni karinerine aika kaotaki nakoia aika kawakin berita.

Ieremia 15:3

N na katuaaingkami ni kawai aika aua aika a kakaokoro. Ane kam na mate n te buaka ao a na katitikaki nako rab'atami irouia kamea, a na kanaki irikomi irouia mannikiba, ao a na kam'akeruaki riimi irouia maan aika a aki manana.

Ieremia 42:2

ao a taku, “Ti butiiko b'a ko na tataro i bukira nakon te UEA ae Atuam. A rangi ni m'aiti ngkoa kaain Iuta, ma n aron ae ko konaa n nooria ngkai ai ti tabeman ngkai nikirara.

B'aeb'aeti 1:4

Bon akea temanna ae roko n taromauri n te bong ae tabu. A uotaki nako ana ataeinaine, a tang taian ibonga. Akea kaain taian mataroa, e a kananokawaki Tion.

Etekiera 14:15

Ke ngkana tao arona b'a I katuaaea te botannaomata ni kanakoia maan aika aki manana b'a a na kaniia aomata ma ni kakamaakuia taan rikekei b'a e aonga n akea kaain te aba.

Etekiera 14:21

Boni Ngai ae te UEA ae te Atua, ae I berita b'a e na kakorakoraaki katuaaean Ierutarem. N na kanakoa te buaka, te baki, maan aika aki manana, ao te aoraki ae e kamaamate b'a e na tiringiia kaaina ma aia nanai ni man.

Etekiera 33:28

N na karika te aba ni kabuta b'a te aba ae akea manenana ao ni kamaunaa te m'aaka are kam kainikatonga iai. A na akea naba arokan aon taiani maunga, ao bon akea ae e na kataia n riaoi.

Etekiera 5:17

A na tiringaki natimi n te baki ao irouia maan aika a aki manana. N na katuaaingkami n taian aoraki aika a kakamaaku, ao a na oroingkami kairiribai ni kab'akaingkami n aia kabaang. Bon aei au taeka Ngai ae te UEA.

Nakoaia Ibonga 26:6

N na kakab'aiaa abami ma te rau, ao kam na motirawa ma te aki maaku. N na oroi ni kanakoi man aika kawakawa aika a kaakang,

Mika 3:12

Ao i bukim, e na kamarauaki Tion kaanga te tawaana, ao e na riki Ierutarem b'a b'ariko ni b'ai aika a uruaki, ao tabukin te Tembora, e na riki b'a te buakonikai.

Tekaria 7:14

Ao bon anne bukina ngkai I roko ma te ukeuke n anti ao I kamaaenikuniia nakon aia botannaomata nako ianena, ma ni kiitana abaia ae e tangiraki n akea kaaina ao n urubekebeke.

Te Tua-Kaua 32:24

Kam na oreaki n te baki ao taian aoraki ae kamaamate, ao n aia boitin maan aika kawakawa aika aki manana ao aia boitin taian naeta.

Tani Motiki-taeka 5:6

I nanon ana tai Tiamka are natin Anata te m'aane, ao ngkai naba i nanon ana tai Nei Iaera, a rangi ni kamaamate taian kawai nakoia taiani kaa ake a katikitikaki irouia maan. Ao a na riai taani m'ananga n toua te kawai are ribuki,