Nakoaia Ibonga 26:21 - Te B'aib'ara

²¹ Ngkana kam teimatoa n eekinakoai, ao N na katuaaingkami itiua te tai matoatoan aron kakatuaean ami bure.

Nakoaia Ibonga 26:21 ပူးပေါင်းရင်းမြစ်များ

Taian Areru 79:12

Te Uea, kaitiua te tai nakoia botannaomata booni mwin aia taetae n iowawa ni kabane nakoim.

Te Otinako 9:14

Bon aei te tai are N na aki ti katuaaia am mataniwi ma am aomata, ma N na bon katuaaeko naba, b'a ko aonga n ataia b'a bon akea ae ai arou n te aonnaba aei ni kabutaa.

Itaia 5:25

Bon ana Aomata te UEA ngkami, ma kam a tia n rangi ni kaunna, ao e a oroingkami ni baina ae e m'aaka. A ruru taiani maunga, ao e onrake te kaawa ae e buubura n taiani mate kaanga taiani maange. E bon teimatoa naba n un te UEA, ao e tauraoi ni manga oroi riki ngkami.

Etekiera 21:14

Etekiera, ko na kauringiia aomata, ao i mwiina, ko na kaota kukureim n Au tokanikai n ubouboi baim. E na okioki ni buaka Au kabaang ae e mamanibuaka n tiringiia Au aomata ni kabane oron te kabaang.

Nakoaia Ibonga 26:18

I mwina, ngkana kam bon teimatoa naba ni bonotaninga i Rou, ao N na katuaaingkami itiua te tai i bukin teuana ami bure,

Nakoaia Ibonga 26:23

Ngkana kam teimatoa n riki b'a au kairiribai mai mwin ngkai,

Nakoaia Ibonga 26:24

ao N na teimatoa naba n riki b'a ami kairiribai n te aro ae korakora riki.

Nakoaia Ibonga 26:27

I mwin aei ngkana kam boni kakaitaraa naba,

Te Kaotioti 15:1

Ao I a manga nora te b'ai teuana i karawa ae e kamimii taraana, ae te b'ai ae ab'ab'aki ae kamimii: bon anera aika itiman, ao iai i rouia kabaneani b'aai ni kamamate; ngaiia aika kaota tokin unin te Atua.