Nakoaia Ibonga 26:19 - Te B'aib'ara

¹⁹ ni karokoa e baabane raoi ami kamoamoa ni kamanatuaaki. N na aki kab'aka te karau, ao e na riki karawa i aomi b'a kaanga te biti, ao te tano ane i aani waemi b'a kaanga te buraonti.

Nakoaia Ibonga 26:19 ပူးပေါင်းရင်းမြစ်များ

1.Uea 17:1

Eria bon te burabeti mai Titibe i Kireata. Ao e nakon Aaba n te bong teuana ao e taku, Bon ana Toro te UEA ae E maiu, ae Atuan Iteraera ngai. Ao I tuea n arana b'a e na bon aki b'aka te karau ni karokoa te tai are I a manga taetae iai b'a e na b'aka. Ao a na bon akea naba te aoi ae e na ruo nako aon te tano.

1.Uea 8:35

Ngkana tao arona b'a a bure am a Aomata nakoim, ao katuaaia n taua te karau b'a e na aki b'aka nakoia. Ao ngkana arona b'a a manga rairaki nakon te Tembora arei ma n tataro n Aram ma ni katoka karaoan te bure,

Itaia 2:12

E a tia te UEA ae Moan te M'aaka n rinea te bong are a na b'aka iai aomata ake a kamoamoa ao a kainikatonga.

Itaia 25:11

Ane a na inimaki ni kakaaea angan otinakoia, ma e na kab'ainrangiia te Atua e ngae ngkana a kai nanoia.

Itaia 26:5

E a tia te Atua ni kab'akaia ara kairiribai man aia kaawa are e buubura are i aon te maunga ao e taunna n te baareka.

Itaia 28:1

E a reke n te kaangaanga te kaawa ae e buubura are Taamaria are e mena ietan te M'arua are e maiu aona! a koro ni manging ana taani kairiiri, ake a kaonia n tain am'arake ma taiani wain. Ma ane a na katotoongi taiani uee aika a na b'ata ma n rai.

Ieremia 13:9

Ieremia, N na kamanenaa B'aburon ni kamaunaa aia kainikatonga kaain Iuta ao kaain Ierutarem iai.

Ieremia 3:3

Ma ngaia are, I rawa Ngai ae te UEA ni kab'aka te karau n te aumeaang. Ma ko aki mamaa naba n te b'ai ae ko a tia ni karaoia kaanga te aine ae ainen matawa.

Etekiera 24:21

b'a e a tauraoi n urua te Tembora ike kam kainikatonga iai ao are kam taku b'a kam mano raoi iai. A na tiringaki natimi aika a maeka ngkai Ierutarem.

Etekiera 30:6

A na bane n tiringaki tautaeka ake a na buokiko n te buaka, ao e na b'aka kainikatongam. A na mate aomata mai Miketora i meaang nako Tewene i maiaki. Bon aei au taeka Ngai ae te UEA.

Etekiera 33:28

N na karika te aba ni kabuta b'a te aba ae akea manenana ao ni kamaunaa te m'aaka are kam kainikatonga iai. A na akea naba arokan aon taiani maunga, ao bon akea ae e na kataia n riaoi.

Etekiera 7:24

ma ngaia are, N na tuangiia botannaomata ake taiani kabanea ni buakaka b'a a na roko n anai mwengami. A na katoka te kainikatonga ane i nanon ami taanga ni buaka ae e korakora, ao a na karaoi ami tabo n taromauri b'a taabo aika a aki tau ni kamanenaaki.

Taniera 4:37

Ma ngaia are ngkai, I neboa Ueani karawa ngai ae Nebukaneta, ao ni karinea ma ni kamoamoa ueani karawa. A bane ni koaua ma n eti baika E karaoi, ao E kona ni karinanoa te aomata ae e kainikatonga.”

Teb'ania 3:11

N te tai arei, ao N na kam'awaia taan kairiri aika a kamoamoa mani kainikatonga, ao ane ko na aki manga kainikatonga n au maunga are e tabu.

Ruka 4:25

“Bon te koaua ae I tuangngkami, b'a a m'aiti aine ake a mate buia i aon Iteraera n ana tai Eria, ngke e aki b'aka te karau i nanon tenua te ririki ao onoua nam'akaina, ao e roko te rongo ae korakora i aon te aba ni kabutaa.

Te Tua-Kaua 11:17

ao ane na un te UEA, ao E na aki karokoa te karau. Ao ane a na akea te b'ai ae na riki n ami katawanang, ao kam na maunanako man te aba ae e raoiroi ae a tia n anganingkami te UEA.

Te Tua-Kaua 28:23

E na karika karawa are i etan atuura kaanga taraan taubuki ae te buraati are na totokoa b'akan te karau, ao e na kamatoa te tano are i aani waemi kaanga ai aron matoatoan te biti. Ao a na m'auteretere ma ni matoatoa taiani uita ma taiani b'aare n te angimainiku ae kabuebue ke a na mate n aorakin taian aroka.

1.Tamuera 4:11

Ao a mate Obeni ma Bineati, ao e anaaki te Atiniberita.

1.Tamuera 4:3

Ao a okirikaaki tautian Iteraera nakon aia kaemb'a, ao a taku taani kairiiri, “E aera te UEA ngkai E kakonaakira n te bong aei irouia kaain Biritia? Ti na anaa te Atiniberita are a kaawakinaki iai aia boraraoi te UEA ma Iteraera. Ao ane na buokiira iai te UEA ni kamaiura mairouia ara kairiribai.”