Nakoaia Ibonga 26:16 - Te B'aib'ara

¹⁶ N na katuuaingkami korakora, ao kam na uruaki. Kam na aoraki n te aoraki ae e aki kona ni katokaki, ao te biiua ae e na karika te matakii ma te rawaawata. A na kang uaan arokami ami kairiribai,

Nakoaia Ibonga 26:16 ပူးပေါင်းရင်းမြစ်များ

1.Uea 8:37

N taai tabetai, a na m'autakataka taian aroka, ke a na mka, ke a na kanaki irouia rookati ke taian taake, ao ane a na mate ni baki am Aomata. N tabetai ane a na katobibiaki aia kaawa irouia aia kairiribai, ke a na aoraki am Aomata n aoraki aika a kamaamate,

Iobi 18:11

E otab'aniniaki ni b'aai aika kakamaaku, a iririia n taabo nako ike e nako iai.

Iobi 20:25

E na rinnako te kainikatebe i nanon rab'atana. E na ewaranako te ato ma n otinako taran te kainikatebe mai akuuna, ao e na roko i rouna te maaku ae korakora.

Iobi 31:8

ao ke e kamaunaaki arokau, ke ni kanaki uaan arokau i rouia tabem'aang.

Taian Areru 109:6

A taku au kairiribai “Rinea te aomata ae moti buaka b'a e na motika taekan aiau n te kabowi,

Taian Areru 73:19

A mate nabangkekei; A roko n tokiia ae kakamaaku.

Taian Areru 78:33

Ma ngaia are E katoki aia bong ni maiu, kanga ai aron tokin te ike; Ao E motiki maiuia n te kabuanib'ai ae karina rokona.

Te Otinako 15:26

Ao E taku, “Ngkana kam na ongotaeka i Rou ni karaoi b'aai ni kabane ake I taku b'a a raoiroi, ao ni kaawakin au babaire, ao N na bon aki katuaaingkami n taian aoraki ake I karokoi ngkoa i aoia kaain Aikubita. Bon te UEA Ngai ae I kamaiungkami.”

Taeka n Rabakau 3:33

E kab'aka te karereanti i aon mwengaia aomata nako aika a buakaka, ma e kakab'aiai mwengaia aomata ni kabane aika a raoiroi.

Itaia 10:4

Kam na kangaa ni biri nako man te tauaki ke n te tiringaki? E bon teimatoa naba n un te UEA, ao e tuai man kab'ara nanona mairoumi!

Itaia 62:8

E a tia n anga ana taeka te UEA ao e karaoa te berita aei: N na aki manga anga riki nakoia ami kairiribai taian uita ao taiani kureebe aika kam bon bekutata ni karaoia.

Itaia 7:2

Ngke e roko te rongorongo n ana bareti te uea ae a bootaki ana taanga ni buaka Turia ma Iteraera, ao e a rangi ni maaku te Uea are Aati ma aomata ni kabane i Iuta ao a ruru kaanga taian aroka n tain te angibuaka.

Ieremia 12:13

Au aomata, kam unika te uita, ma kam boboti taian uteute; a tia ni m'akuri korakora, ma bon akea ae a karekea. I bukin uniu ae korakora ao a mate aia ununiki!

Ieremia 15:3

N na katuaaingkami ni kawai aika aua aika a kakaokoro. Ane kam na mate n te buaka ao a na katitikaki nako rab'atami irouia kamea, a na kanaki irikomi irouia mannikiba, ao a na kam'akeruaki riimi irouia maan aika a aki manana.

Ieremia 15:8

A m'aiti riki aine aika a mate buuia i aon Iuta nakon tanon te bike. E na roko buakanakimi ae kamimii n te tawanou! Ao tiina i Ierutarem ana tang i bukiia natiia.

Ieremia 20:4

Ane ko na maaku, ao ko na manga kakamaakuia raom. Ane ko na nooria kairiribai aika a tiringaki n te buaka. Ao i mwina, N na karaoa uean B'aburon b'a e na anai aomata ni kabane mai Iuta b'a taenikai, e na tiringiia tabem'aang ao e na katikitikiia tabem'aang nako B'aburon.

Ieremia 5:17

A na kana uaan arokami ma ami nanai ni man te botannaomata aei A na bon aki katuka te uaa teuana i aon ami kureebe ke arokami. E ngae ngke kam mano i akuun ami nono aika a matenten, ma e na bon uruaki naba ami kaawa nako ao a na bon tiringaki naba natimi.

Etekiera 24:23

Kam na aki buuti ami m'aita ma ami kauniwae. Kam na aki am'arake ke n tanginiwenei, ma kam na kabongnga n ririaki ma ni ngirangira i bukin ami bure nako.

Etekiera 33:10

E taku te UEA: Etekiera ae natin te aomata, a ngurengure Iteraera b'a a taku b'a e a rangi ni korakora riki katuaeakiia nakon ae a konaa ni kaaitaraa. A akea kaantaningaan te maiu irouia, ao a bukinai iai.

Amota 5:11

Kam a tia ni karawawataia aika kainano ao ni kurib'ai aia uita. Ao kam na bon aki maeka n auti atibu aika tamaroa aika kam karaoi ke ni mooi ni wain man ooni kureebe aika kam uniki

Mika 6:15

Ko na unika te uita, ma ko na bon aki taiia uaana. Ko na ongira te b'aa man te oriwa, ma ko na bon aki kamanenaa. Ko na karaoa te wain, ma ko na bon aki mooi iai.

Akai 1:6

E buubura riki ae ko taia nakon ae ko unikia, e aki konaa n tau m'aitin kanam ma nimam, ko na aki mano raoi ni kunnikaim, ao a na kaawakinaki boom n taiani baeki aika a kirib'angab'anga.

Tekaria 14:12

Aio te b'ai ae E na karaoia te UEA nakoia aika a buakana Ierutarem: ngkana a tei ikekei, e na kam'aungi irikoia ao a na b'aka reben kanoan mataia ni kabane mai mataia ao e na nna nako neweia n oti nako.

Maraki 2:3

N na katuaaia ami kariki ma ni kabira matami ni butaeia maan ake kam anga b'a taiani karea, ao e a tib'a bane aia m'akuri ma ngkami.

Te Tua-Kaua 28:51

A na anai ami kao, tiibu, kooti, uita, wain, ao b'aan te oriwa, ao ma ni katikuingkami b'a kam na mate ni baki.

Te Tua-Kaua 32:25

Ti te bo aroia aika ikawai ma ataei a na mate i nanon kawain te kaawa ao a na maaku i nanon aia auti.

Ebera 10:31

Te b'ai ae kakamaaku te b'akara nanoni bain te Atua ae maiu.

Tani Motiki-taeka 6:11

Ao n te tai teuana, te UEA e kanakoa ana Anera nakon te kaawa are Obera, ao e tekateka te anera arei i aan te aroka ae buubura are arokan Ioati, are kaain te kaainga are Abietera. Ao e tabe n oroi kunin ana uita Kiteon n te m'anono ae kaan ma te anera arei, n te tabo ae aki kona n nooraki iai irouia kaain Miiria.

1.Tamuera 2:33

Ngkana I karika temanna man ami utu b'a te ibonga, ao e na onrake maiuna n te nanokawaki ma te rawawata. Ma a na mate angiia m'aanen ami utu n te mate ae kakamaaku!