Nakoaia Ibonga 26:13 - Te B'aib'ara

¹³ Boni Ngai te UEA ae Atuami, ao I kamaiungkami mai Aikubita, b'a kam na aki manga riki b'a tooro. I a tia ni kainaomataingkami; ao ngkai kam nangi nakonako n tabeki atuumi.

Nakoaia Ibonga 26:13 ပူးပေါင်းရင်းမြစ်များ

Taian Areru 116:16

I neboiko, te UEA; n ai aron are kakaraoia tinau. Ko a tia ni kamaiuai man te mate.

Te Otinako 14:8

Ao e tao rimwiia Iteraera ake a m'ananga nako ma te kakatonga te uea, i bukina ngke a boni kataningamatoaaki i roun te UEA ae te Atua.

Te Otinako 20:2

“Bon te UEA Ngai ae Atuami, are I kaotinakoi ngkami mai Aikubita, are kam toronaki iai ngkoa.

Te Otinako 6:7

N na karikingkami b'a au aomata, ao N na riki b'a Atuami. Ao ane kam na ataia iai b'a boni Ngai ae I kamaiungkami mairouia kaain Aikubita.

Itaia 51:23

Ma I a anga nakoia am kairiribai nako, ake a karikiko b'a te baareka ma n toubekaiko.”

Itaia 9:3

Ara UEA, ko a tia ni kakorakoraia am botannaomata. E reke mairoum kukureia ao karaoan aia bootaki ni kukurei kaaina kaanga taani m'akuri n tain te tai ke kaanga tautia aika a tib'ai b'aai ake a tia n reke irouia.

Ieremia 2:20

Kam kiitanai n taai ake ngkoa ao kam urui taiani kabae ni kabane ake i marenara, kam rawa n riki b'a Au taani m'akuri. Ao ngkai kam a taromaurii anti tabem'aang n aromi ni wene ni bure i aon taian tabuki ke i aan nuuni kaai aika a korakora.

Ieremia 28:2

i mataia ibonga ma tabeman riki ake a ongora ao e taku: Bon te UEA Ngai ae Moan te M'aaka ae Atuaia Iteraera, ao N na urua te amo ae mena i roroaia botannaomata nako are e karikiia b'a tooro.

Ieremia 28:4

A na kariaiakaki te uea are Ieoiakin ma aomata ake tabeman ake a uotaki nako B'aburon b'a a na oki naba nako ikai. A riki b'aai aikai ni kabane i bukina ngke I urua m'aakan uean B'aburon!

Etekiera 30:18

Ko rangi ni kainikatonga i bukin m'aakan am botannaomata, ma ngkana I kamanatuaa te m'aaka anne ma n tiringa te kainikatonga anne, ao e na b'aka te rotongitong i aon te kaawa are Teabeneeti. E na rabuna te aba te nang ae roo ngkana ko a uotaki nako b'a te taenikai.

Etekiera 34:27

b'a e na buokiia ni karekei uaan arokaia ma ni karekei aia uita. N na kainaomataia man te tautoronaki ao N na karikiia b'a a na maeka n oin abaia n akea aia kangaanga. Ao i mwiina, a na ataia b'a bon te UEA Ngai.

Otea 11:4

I kairiia ma te akoi ao te tangira, ao I aki kairiia ma te roobu. I tauia i rarikiu; I b'aoua rikaaki ni kam'arakeia.

Nakoaia Ibonga 25:38

Uringnga, bon te UEA Ngai ae Atuami. I kamaiu ngkami mai Aikubita ao I anganingkami te aba are Kanaan, b'a I aonga n riki b'a Atuami.

Nakoaia Ibonga 25:42

I kairiia mai Aikubita b'a au taani m'akuri, ma a na aki kabooaki nako b'a tooro.

Nakoaia Ibonga 25:55

Iteraera, boni Ngai te UEA ae Atuami, ao I kaotinakoingkami mai Aikubita b'a au taani m'akuri ni koaua.

Naum 1:13

N nang kanakoa m'aakan Aturia mai aom, ao N na motiki kabaeam ake taurekereke.