Nakoaia Ibonga 26:12 - Te B'aib'ara

¹² N na nakonako ma ngkami—N na riki b'a Atuami, ao kam na riki b'a au aomata.

Nakoaia Ibonga 26:12 ပူးပေါင်းရင်းမြစ်များ

Karikani B'aai 17:7

“N na kakawakina au Berita ma ngkoe, ao nakoia naba kanoam n rooro aika na roko b'a te boraraoi ae akea tokina. N na riki b'a Atuami, ao Atuaia naba ami bakatibu.

Karikani B'aai 17:8

N na anganiko ma am kariki te aba ae te iruwa ngkoe iai ngkai. E na riki te aba ae Kanaan b'a aia b'ai ami bakatibu n akea tokina, ao N na riki b'a Atuaia.

Karikani B'aai 3:8

Ao ngke e moan tairiki i m'aain te roo, ao a ongongo m'akaikain waen te Atua ngke E nakonako i nanon te nne n aroka, ao a karabaia mai Rouna i buakon taian aroka.

Karikani B'aai 5:22

Ao e maiu n iraorao Enoka ma te Atua i nanon 300 riki te ririki i mwiina,

Karikani B'aai 5:24

E kabanea maiuna n iraorao ma te Atua, ao i mwiina, e a bon bua nako naba, b'a E anaia te Atua.

Karikani B'aai 6:9

Aio rongorongon Nooa. Bon iai natina mm'aane aika teniman aika Tem, Aam ao Iabeta.

2.Tamuera 7:7

I rineia taani kairiiri ao I tuangiia b'a a na riki b'a taani kaawakintiibu i bukiia au aomata aika Iteraera. Iai te tai ae I tia iai n tuanga temanna mai buakoia b'a e na karaoa te tembora man te tiira ibuku?

Taian Areru 50:7

Au botannaomata, kam na ongora, b'a N na taetae ni kaoti ami bure, ngkami aika Iteraera: Bon te Atua Ngai ae Atuami.

Te Otinako 29:45

N na maeka i buakomi b'a Atuami Ngai,

Te Otinako 29:46

ao kam na ataia iai b'a bon te UEA Ngai ae Atuami, are E kamaiungkami mai Aikubita, b'a I aonga ni konaa ni maeka i buakomi.

Te Otinako 3:6

Bon te Atua Ngai are I taataromauriaki irouia am bakatibu ake Aberaam, Itaaka, ao Iakob'a.” Ao e maaku Moote n taraa te Atua, ma ngaia are, e karabaa matana.

Te Otinako 6:7

N na karikingkami b'a au aomata, ao N na riki b'a Atuami. Ao ane kam na ataia iai b'a boni Ngai ae I kamaiungkami mairouia kaain Aikubita.

Itaia 12:2

I onimakiniko b'a ko na kamaiuai, te UEA ae te Atua, ao N na aki maaku A nako m'aakau ma korakorau mairoum, ao ko a tia ni kamaiuai.”

Itaia 41:10

Ko na aki maaku. Bon raou ngkoe. Ko na aki ruru ni maaku. Bon Atuam Ngai. N na kakorakorako, ngkana I kamanoko ni baiu ma n anganiko taian tokanikai.

Ieremia 11:4

E tuai man bitaki au babaaire man te tai are I kaotinako ia iai ami bakatibu mai Aikubita, te botannaomata ae kaanga ai aron te ura ae korakora are e karanaki iai te biti. I tuangiia ami bakatibu b'a ngkana a ongotaeka nakon Au tua, ao N na riki b'a Atuaia, ao ngaiia a na riki b'a Au aomata.

Ieremia 30:22

Kam na riki b'a Au aomata, ao Ngai N na riki b'a Atuami. Bon aei Au taeka Ngai ae te UEA.

Ieremia 31:33

Bon aei te boraraoi ae e boou ae I a manga karaoia Ngai ae te UEA ma ngkami Iteraera: “N na korea Au tua i nanoia ma aia iango. N na riki b'a Atuaia, ao a na riki b'a Au aomata.

Ieremia 32:38

A na riki b'a Au aomata, ao N na riki b'a Atuaia.

Ieremia 7:23

Ma I ti kaangai nako ia, “Ngkana kam ongo i Rou ma ni karaoi b'aai aika I tuangngkami, ao N na riki b'a Atuami, ao ngkami kam na riki b'a Au aomata, ao a na akea ami kangaanga.”

Etekiera 11:20

ma au tua nako ma au taeka n reirei nako. Kam na riki b'a au aomata, ao N na riki b'a Atuami.

Etekiera 36:38

A na manga kaonaki taiani kaawa aika a wene n uruaki n taian aomata, n aron Ierutarem ngkoa ngke e onrake n taian tiibu ake a na kareanaki i bukin te toa. Ao ane kam na ataia iai b'a bon te UEA Ngai.

Ioera 2:27

Iteraera, kam na ataia b'a I tei i bukimi. Bon te UEA Ngai ae Atuami akea riki anti tabem'aang. Kam na aki manga kamamaaeaki.

Tekaria 13:9

Ao i mwiina, N na kaitiakia ma ni karaoia b'a a na kataaki, kaanga te koora ma te tirewa ngkana a kaitiakaki ma n tuoaki. Ane a na tataro n arau, ao N na kaekaia. N na kaangai, “Au aomata ngkami,” ao a na kaeka ni kaangai, “Bon te UEA Ngkoe ae Atuara!”

Warekaia Iteraera 5:3

B'a ngkai I maeka i buakoia au aomata, ao a na riai ni kateimatoa itiakin aia maeka.”

Mataio 22:32

Bon Atuan Aberaam Ngai, ao Atuan Itaaka, ao Atuan Iakob'a? Tiaki Atuaia akana mate te Atua, ma bon Atuaia akana maiu.

2.I-Korinto 6:16

Ao tera reitakin ana um'antabu te Atua ma bouannanti? B'a ngaira bon ana um'antabu te Atua ae maiu, n ai aron ana taeka te Atua are kangai: “N na mamaeka i buakoia ao N na nakonako i buakoia; N na riki b'a Atuaia, ao a na riki b'a au aomata.”

Te Tua-Kaua 23:14

Kam na kaitiaka ami maeka man b'aai aika kam'araa ao ma ni b'aai aika ribaaki. E memena te UEA n ami maeka n taai nako, n tatauraoi ni kamaiungkami ma n anganingkami te tokanikai i aoia ami kairiribai, ma ngkana E noora te b'ai ae kam'araa i nanon ami maeka, ao E na bae rairaki ma ni kitana te tabo anne.

Te Tua-Kaua 23:15

Ngkana a roko i aon Iteraera tooro aika birinako man aaba tabeua i bukin kamanoaia, ao kam na aki anga nakoia aia toka.

Ebera 11:16

Ma a bon tangira te tabo ae raoiroi riki, are i karawa. Ma ngaia are E aki mamaa te Atua n atongaki i rouia b'a Atuaia, b'a E a tia ni katauraoa aia kawa i bukiia.

Te Kaotioti 2:1

Ko na koroboki nakon ana anera te ekaretia are i Ebeto ni kaangai: “Aio ana taeka Teuare tau itoi ake itiua i ataina, are E nakonako i buakoni kain-tei n taura ake koora ake itiua:

Te Kaotioti 21:7

Ane tokanikai ao e na b'aib'ai ni baikai; ao N na riki b'a Atuana, ao ngaia e na riki b'a natiu.