Nakoaia Ibonga 25:9 - Te B'aib'ara

⁹ n te katebwina ni bong n te kaitiua n nam'akaina, ae te Bong ni Kab'arabure, a na katangaki te naa ni bu i aon te aba ni kabane.

Nakoaia Ibonga 25:9 ပူးပေါင်းရင်းမြစ်များ

Taian Areru 89:15

Te UEA, ai kab'aia ra akana anene n taromauriko, Akana karaoia i matam ae Ko kukurei iai.

Taian Areru 89:16

A kim'areirei n taai nako i bukim, Ao a neboiko i bukin ae Ko raoiroi nakoia.

Itaia 27:13

E na ongo te aba tangin te bu ae e tangi m'aaka. Ao i mwiina, a na oki n taromauria te UEA i aon ana maunga ae e tabu i Ierutarem aomatan Iteraera ake a uaakinaki nako ngkoa nako Aturia ao Aikubita.

Nakoaia Ibonga 16:20

Ngkana ko a tia ni kaitiaka te Tabo are Moan te Tabu, te Um'antabunrianna, ao te baonikarea are te buraonti, ko na uota te kooti ni kamaiua nako matan te Um'antabunrianna.

Nakoaia Ibonga 16:29

Ni katebwinan bongin te kaitiua n nam'akaina: kam na aki am'aam'arake ni kaota nanokawakimi i bukin ami bure, bon akea temanna, n reitaki naba ma Ianena akana a maeka i buakomi, ao akea naba temanna ae kariaiakaki ni m'akuri.

Nakoaia Ibonga 16:30

Aio te bong are e na karaoaki iai te angakarea i bukin kab'araan ami bure i matau,

Nakoaia Ibonga 23:24

b'a e na kaangai nakoia Iteraera: E na riai n riki moa ni bongin te kaitiua n nam'akaina b'a te bongi ni motirawa ae e b'anin. Ma ngaia are, n tangin te naa ni bu, ao kam riai ni bootaki n taromauri ao n angakarea i aon te baonikarea.

Nakoaia Ibonga 23:27

N te Katebwina ni bongin te kaitiua n nam'akaina bon te Bong ae Kakannato i bukin te Kab'arabure: Boni bongin te taromauri; a riai aomata ni kabane n aki am'arake ni kaota nanokawakiia i bukin aia bure, ao a riai ni kabuokaki karea.

Nakoaia Ibonga 25:8

E taku te UEA nakoia ana Aomata: Ni katoa abwi ma ruaiwa te ririki

Nakoaia Ibonga 27:17

Ngkana e karaoaki te berita n Ririkin te Iubire, ao e na karokoaki boon te aba n are boni boona.

Nakoaia Ibonga 27:24

E ngae n anne, ma n tain Ririkin te Iubire are i mwiina, ao te aba e na kaokaki nakoia utu ake bon oin abaia te aba.

Warekaia Iteraera 10:10

Kam na katanga naba te bu ngkana kam anga karea n tain te Toa ae Moan Otin Nam'akaina ao taian toa riki ake tabeua. E na riki aei b'a te b'ai ni kauring b'a bon te UEA Ngai ae Atuami.

Warekaia Iteraera 36:4

E ngae ngke a oki te aba nakon are bon oin abana n te Ririki ni Kaokib'ai, E na aki reke i roura aban Terobeata--e na riki b'a aia b'ai te baronga are iein nako iai natina aine.”

I-Rom 10:18

Ma I taku, A tuai n ongo Iteraera? A bon tia-n ai aron taekana are kaangai: “E oti nako b'anaaia ni kabuta aonnaba ni kabane, Ao a nako aia taeka nako tabon aonnaba.”

I-Rom 15:19

Ao N na bon ninikoria naba n taekina aroni Kristo ni karaoani kanikina ma m'akuri aika kamimii ni m'aakan te Tamnei are Raoiroi. Ma ngaia are, ni m'anangau nakon taabo nako ake I a tia n roko iai, mai Ierutarem ni karokoa aonon Iruriko, ao I a tia n tataekina euangkerioni Kristo.

1.I-Tetaronike 1:8

B'a e aki ti katanoataki n aromi ana taeka te Uea i M'aketonia ma Akaia, ma e a tia naba n tanoata taekan onimakinan te Atua i roumi n taabo ni kabane; ma ngaia ae akea te bae kainanoaki b'a ti na taekinna.

Iotua 6:4

Itiman ibonga aika a na uouota kakateuana te buu i aoia, ao a na rimoan te Atiniberita. Ko na nakonako ni katobibia Ieriko itiua te tai n te kaitibong, ngkoe ma am tautia, ao ibonga, a na katang aia buu i nanon tain te nakonako.