Nakoaia Ibonga 25:55 - Te B'aib'ara

⁵⁵ Iteraera, boni Ngai te UEA ae Atuami, ao I kaotinakoingkami mai Aikubita b'a au taani m'akuri ni koaua.

Nakoaia Ibonga 25:55 ပူးပေါင်းရင်းမြစ်များ

Taian Areru 116:16

I neboiko, te UEA; n ai aron are kakaraoia tinau. Ko a tia ni kamaiuai man te mate.

Te Otinako 13:3

Ao E taku Moote nakoia aomata, “Kam na ururinga te bong aei, te bong are kam kiitana iai Aikubita, are te tabo are kam toronaki iai. Bon aio te bong are E kaotinakoingkami iai te UEA ni m'aakana. Bon akea te kariki ae karikaki ae na kanaki.

Te Otinako 20:2

“Bon te UEA Ngai ae Atuami, are I kaotinakoi ngkami mai Aikubita, are kam toronaki iai ngkoa.

Itaia 43:3

Ngai te Uea, ae Atuam. I anga Aikubita, Itiobia, ao aonon Tieba b'a oneani mwiim.

Nakoaia Ibonga 25:42

I kairiia mai Aikubita b'a au taani m'akuri, ma a na aki kabooaki nako b'a tooro.

Nakoaia Ibonga 25:54

Ngkana e a bon reke angan kainaomataakina man aanga aikai, ngaia ma natina a na kainaomataaki n Ririkin te Iubire.

Nakoaia Ibonga 26:1

E taku te UEA, “Boni Ngai te UEA ae Atuami. Ma ngaia are, tai karaoa ke n taromauria te bouannanti teuana ke katotoongan b'aai tabeua.

I-Rom 6:14

B'a e na aki uea te bure i aomi; b'a kam aki mena i aan te tua, ma kam mena i aan te akoi.

I-Rom 6:22

Ma ngkai kam kainaomataki man te bure, ao kam riki b'a ana toro te Atua, ao iai mwina nakoimi b'a te riki b'a ana aomata ni koaua te Atua, ao tokina b'a te maiu are aki toki.

1.I-Korinto 9:19

B'a e ngae ngke I inaomata b'a akea ae I toro i rouna, ma I karikai b'a te toro ngai nakoia aomata ni kabaneia b'a N na kabatiaia konau.

1.I-Korinto 9:21

Ao ngkana I m'akuri i buakoia aomata ake aki tautaekanaki n te tua, ao I riki n ai aroia n aki tautaekanaki n te tua, b'a a aonga n riki b'a Kiritian; ma tiaki nanona b'a aongkoa akea ana tua te Atua i rou, b'a I boni mena i aan ana tua Kristo.

I-Karatia 5:13

B'a kam weteaki nakon te aro n inaomata, taari; ma kam na tai b'aina te aro n inaomata b'a aonami i bukini baika e tangiri te rab'ata; ma kam na i torotoro iroumi n te tangira.