Nakoaia Ibonga 25:39 - Te B'aib'ara

³⁹ Aongkoa iai tabeman i buakoia ami koraki aika rangi ni kainano n te aro are a nang kabooia nako nako imi b'a tooro.

Nakoaia Ibonga 25:39 ပူးပေါင်းရင်းမြစ်များ

2.Uea 4:1

Ao te bong teuana, ao e taku neiere buun ana burabeti te UEA temanna ae e a tia ni mate nakon Eritai, Bon am tia m'akuri naba temanna teuare buu ngke e maiu, ao bon te tia taromauria naba te UEA. Ma e taarau iroun te aomata temanna, ao ngkai e nang anaiia natiu m'aane aika uoman aikai te m'aane anne b'a ana toro.

2.Rongorongo 28:10

Ngkana kam karikiia b'a ami toro kaain Iuta ma Iteraera, ao kam na bure kaakaiaki n ai aroia nakon te UEA.

Neemia 5:5

Bon I-Iutaia naba ngaira n ai aroia, ao bon ti te bo naba raoiroia ara ataei ma aia ataei. Ma ti bon kaakabooi nako ara ataei b'a taian toro, ao a tia n tauaki natira aine tabeman. Bon akea buokara; ao a tia naba n anaaki mairoura ara tawaana ma nnen arokara kureebe.”

Te Otinako 1:14

A kam'akuria n aia waaki ni kateitei, ao n ribanai abaia, ao bon akea aia nanoanga teutana nako ia.

Te Otinako 21:2

Ngkana kam kabooa te toro ae te Ebera, ao e na riki b'a ami toro i nanon onoua te ririki. Ma kam na kainaomata ngkana e koro itiua ana ririki iroumi, ao akea te b'ai ae e na kabooa iai inaomatana mairoumi.

Te Otinako 22:3

Ngkana ko iraea te kao mm'aane, te aati, ke te tiibu, ao a bon maiu, ao ko na kataboroa m'aitiia n anga nakon are ana man.

Ieremia 25:14

N na katuaaia kaain B'aburon i bukin taian kairua ake a tia ni karaoi. E na tauaki B'aburon irouia uea aika a kakannato ma botannaomata ake tabeua ma ni kairoroia b'a a na riki b'a aia toro.

Ieremia 27:7

A na bane ni m'akuri i bukina botannaomata ni kabane, ao a na m'akuri i bukin natina te mm'aane ma tibuna te mm'aane ni karokoa te tai are e na b'aka iai oin ana botannaomata. Ao i mwiina, ane a na m'akuri ana botannaomata i bukiia botannaomata aika a korakora ma uea aika a kakannato.

Ieremia 30:8

Kam a riki b'a aia toro ngkai botannaomata ake tekorakina, ma N na motiki aia tiein ao N na urui amoia ake a tautoroningkami.

Ieremia 34:14

Ao e taekinaki ni m'akoron te boraraoi anne b'a kam na riai ni kainaomataia tooro aika kaain Ebera i mwiin onoua aia ririki ni m'akuri iroumi. Ma a aki kan kubarai ke n ongo n te b'ai are I taekinna ami bakatibu.

Ieremia 34:8

Ao a tia ni karaoa te boraraoi te Uea are Tetekia ma kaain Ierutarem b'a a na kainaomataia

Ieremia 34:9

aia toro ake bon kaain Ebera, aika mm'aane ma aine, b'a e na akea temanna ae e na torona raona n Iteraera.

Nakoaia Ibonga 25:46

Kam kona ni b'ainiia, ao kam kona naba ni katikuia irouia natimi ngkana kam mate, ma tai toroniia oin ami aomata, ke tao ni b'ainikiriniia.

Mataio 18:25

ao i bukina ngke e aki kona ni kab'aka, ao e tua te uea b'a e na kabooaki nako ma buuna ma natina ma ana b'ai ni kabane ake iai i rouna, b'a e aonga n reke booni mwin are e aki kona ni kab'aka.