Nakoaia Ibonga 25:35 - Te B'aib'ara

³⁵ Ngkana iai i buakomi aika a kainano aika aki kona ni kamaiuia i bon i rouia, kam riai ni buokiia, n ai aron ae kam riai ni buokiia iruwa aika a maeka i buakomi.

Nakoaia Ibonga 25:35 ပူးပေါင်းရင်းမြစ်များ

Neemia 5:1

Ao a ngurengure tabeman m'aane ma buuia i bukiia I-Iutaia ake iai m'aakaia

Neemia 5:3

Ao a taku ake tekorakina, “Inanon tain te rongo ao ti bon anga naba ara tawaana, nnenaroka ni kureebe, ao a ara auti nakoia b'a ara kabomwi i bukin ara roun b'a ti aonga ni konaa ni kabooi taiani uita.

Iobi 31:16

I bon tuai man rawa ni buoka te aomata ae kananoanga, ao I aki naba kariaia aine aika akea buuia b'a a na kainano,

Taian Areru 112:5

E a kab'aia te aomata ae tituaraoi ae kariaia aomata b'a a na tangoi ana b'ai, ao e aki b'aina te babakanikawai.

Taian Areru 112:9

E tituaraoi n anganga nakoia aika a kai nanoia, Ao akea tokin ana ataataiaomata; e na rikirake ni kamoamoaki n arona ma ni karineaki irouia aomata.

Taian Areru 37:26

Ti te anganga b'ai ma te nano n tituaraoi n taai nako, Ao a kakab'aiaki natina.

Taian Areru 41:1

A kab'aia akana mutiakiniia akana akea aia b'ai; E na buokiia te UEA ngkana a reke n te kaangaanga.

Te Otinako 22:21

Kam na aki kabuakakaia Iruwa aika maeka i buakomi. Uringnga b'a bon iruwa ngkami i Aikubita.

Te Otinako 22:24

Ae N na bon rangi n un n te aro are N na tiringiia ami mm'aane ao ni karikiia buuia b'a aine aika a mate buuia ao natiia b'a ataei aika akea tamaia.

Te Otinako 22:25

Kam na aki tangira rakan te m'ane ae kam anga b'a e na taarauaki irouia aomata nako aika a maiu ni kainano.

Te Otinako 23:9

Kam na aki kateibuaka nakoia iruwa. Bon iruwa ngkami ngkoa i Aikubita, ao kam bon noora arona.

Taeka n Rabakau 14:31

Ngkana kam karaoa ae e aki riai nakon te aomata ae e maiu ni kainano, ao kam bon kamamaaea iai te Tia Karikib'ai; ma ngkana kam akoia, ao kam bon kaota iai karineana.

Taeka n Rabakau 17:5

Ngkana kam kamamaaea te aomata ae e kainano, ao kam bon kamaamaea iai te Tia Karikib'ai. Kam na katuaaeaki ngkana kam b'ainingarea te aomata ae e reke n te kangaanga.

Taeka n Rabakau 19:17

Tararuaakin te kainano bon te angab'ai nakon te UEA, ao ane kam na manga kabooaki raoi.

Nakoaia Ibonga 19:34

Ma karaoa ae e raoiroi nakoia n ai aron ae ko karaoia nako ia kaain te aba, ao tangiriia n ai aron tangiram. Uringnga, bon te naa n iruwa ngkami ngkoa n te aba are Aikubita. Boni Ngai te UEA ae Atuami.

Nakoaia Ibonga 25:25

Ngkana iai i buakomi Iteraera ae e maiu ni kainano ae e kairoroaki b'a e na kabooa nako abana, am koraki ni kaan ae na kabooa ni kaokia,

Mataio 25:35

b'a I baki ao kam anganai kanau; I taka ni kani mooi, ao kam anganai te moi; te iruwa Ngai, ao kam akoai;

Mareko 14:7

B'a a bon aki toki ni mena i rarikimi aomata aika aki kaub'ai, ao ngkana kam kani karaoa ae raoiroi nako ia ao kam kona; ma N na aki mena i roumi n taai nako.

Ruka 6:35

Ma kam na tangiriia ami kairiribai, ao karaoa ae raoiroi nako ia, ao aanga n aki manga kaantaninga booni mwiina b'a e na okiringkami; ane e na bati te kab'aia ane na reke i roumi iai, ao ane kam na riki b'a natin Teuare Moan te Rietaata; b'a E akoi te Atua nakoia akana bangaomata ao akana iangoia i bon i rouia.

Ioane 12:8

A boni memena i rarikimi aomata aika aki kaub'ai, ma Ngai e na bon toki memenau i rarikimi.”

M'akuri 11:29

A reke nanoia taan onimaki i Antioka b'a a na kanakoa aia buoka n aron are e kona n reke iroun temanna ma temanna, nakoia taari ake a maeka i Iutaia.

I-Rom 12:13

Kam na anga ami b'ai nakoia ake a itiaki b'a buokani kainnanoia, ao kam na butim'aia n akoia ni mwengami.

I-Rom 12:18

Ngkana kam konaa, ao karaoi b'aai ni kabane aika kam na kona iai ni maeka n rau ma aomata ni kabaneia.

I-Rom 12:20

Ma kam na karaoa are taekinaki ni kaangai: “Ngkana e kan am'arake te tia ribaiko, ao kaam'arakea; ao ngkana e kani moi, ao kamoiia; b'a ngkana arom anne, ao ai aron ae ko ikoikoti m'akaron te ai i aon atuna iai.”

2.I-Korinto 8:9

B'a kam ata ana akoi ara UEA are Iesu Kristo, b'a ngke E kaub'ai, ao E riki n aki kaub'ai i bukimi, b'a kam aonga ni kaub'ai n ana aki kaub'ai.

2.I-Korinto 9:1

Tiaki te b'ai ae kainanoaki b'a N na koroboki nako imi i bukin taekan te m'akuri are karaoaki i bukiia ake a itiaki i Iutaia;

I-Karatia 2:10

Ao akea te bae a butira iai, ma ti na ti uringiia ake a aki kaub'ai; ao bon aei te b'ai are e a kaman ingainga iai nanou ni kani karaoia.

Te Tua-Kaua 23:19

Ngkana ko anga te m'ane ke te am'arake, ke te b'ai teuana ni kataarauia Iteraera iai, ao ko na aki anaa te raka.

Ebera 13:2

Kam na ururinga akoaia iruwa. Iai tabem'aang aika karaoa anne, ao a aki ataia iai b'a a tia naba n akoia anera.

1.Ioane 3:17

Ma ane iai ana b'ai aika b'ain te maiu aei, ao ngkana e nora tarina b'a iai kain nanona, ma e aki nanoangaia, ao e na kanga n taku b'a e mena i nanona tangiran te Atua?