Nakoaia Ibonga 25:24 - Te B'aib'ara

²⁴ Ngkana e na kaboonakoaki te aba, ao e riai n anganaki moa te tia b'aib'ai ni koaua iai b'a e na kabooa.

Nakoaia Ibonga 25:24 ပူးပေါင်းရင်းမြစ်များ

Ieremia 32:7

Ieremia, e na kawariko ai tarim are Anamera, are natin tarin tamam are Tiarum. Ane e na kabonakoa ana tawaana are i rarikin te kawa are Anatota, ma i bukina ngkai bon am koraki ni kaan, ao bon iai riaim ni kabooa, ao ngkana ko karaoa anne, e na bon tiku ni kaawakinaki n te utu.” E a tia n tuangai te UEA b'a N na kabooa

Etekiera 7:13

ao aomata akana a kaboonakoi aia b'ai a na aki konaa ni manga kabooi ni kaoki aia b'ai, i bukina b'a kam na bane ni katuaaeaki i bukin ami bure. N na bon aki bita nanou!

Nakoaia Ibonga 25:23

Akea te aba ae na kabooaki ni karekeaki raoi, ke ni kabooaki nako raoi. Abau ni kabane, tiaki abami, b'a kam ti maeka iai i nanon te tai ae e uarereke.

Nakoaia Ibonga 25:25

Ngkana iai i buakomi Iteraera ae e maiu ni kainano ae e kairoroaki b'a e na kabooa nako abana, am koraki ni kaan ae na kabooa ni kaokia,

Nakoaia Ibonga 25:27

Ngkana e nang okiriko b'a ko nangi manga bon abanna, ao ko riai ni kab'aka nakon te aomata ane e mena i rouna ngkai abam anne, te m'aiti ae e na kaaitaraa m'aitin are e nang reke i rouna i m'ain rokon Ririkin te Iubire.

Nakoaia Ibonga 25:31

Ma te auti ae e mena i tinanikun te kaawa, e kona ni kabooaki ni kaokaki n te tai n aki akaaka kanga ai aron te tawaana. Ao e riai ni kaokaki nakon te aomata are bon abana ni koaua n Ririkin te Iubire.

I-Rom 8:23

Ma tiaki ti baika karikaki ae e reke aei i rouia, b'a ngaira naba, aika iai iroura te Tamnei are te moanib'ai n ana b'ai n tituaraoi te Atua: ti ngirangira i nanora ni kaantaninga te natinaki ao kainaomatan rab'atara ni kabane.

1.I-Korinto 1:30

Ma E a tia te Atua n reitingkami ma Kristo Iesu, ao E a tia naba ni karika Iesu b'a rabakaura. A reke reitaki ma te Atua i Rouna; ti a riki b'a ana aomata te Atua ngaira, ao ti a kainaomataki i Rouna;

I-Ebeto 1:14

Ngkai ti anganaki te Tamnei ao ti aki nanokokoraki b'a a na bon reke iroura baike E a tia te Atua n taekin b'a E na anganiia ana aomata; ao n tokina E na anganiia ake ana b'ai te kainaomataaki man te bure, b'a e aonga ni kamoamoaki mimitongina.

I-Ebeto 1:7

are ti karekea te kainaomataaki i rouna n raraana are nanona b'a a kab'araki ara bure. Ai m'aitira ana akoi,

I-Ebeto 4:30

Tai karawaawata te Tamnei are Raoiroi, are Tamnein te Atua, are Ngaia are karika te aki nanokokoraki iroumi, b'a n te tai teuana ao kam na kainaomataaki man te bure.