Nakoaia Ibonga 25:17 - Te B'aib'ara

¹⁷ Boni Ngai te UEA ae Atuami, ongotaeka i Rou ao tai kataia ni baabakanikawaiia tabeman.

Nakoaia Ibonga 25:17 ပူးပေါင်းရင်းမြစ်များ

Karikani B'aai 20:11

Ao e kaeka Aberaam, “I taku ngai b'a akea ae karinea te Atua ikai, ao I maaku iai b'a kam rawa n tiringai, ao kam anaa buu.

Karikani B'aai 22:12

Ao E taku te anera, “Ko na tai kaikoaka te ataei, ke ni karaoa te b'ai teuana nakoina. I ataia ngkai b'a ko bon ongotaeka iroun te Atua, b'a ko aki taua natim te mm'aane ae te rikitemanna mai Rouna.”

Karikani B'aai 39:9

I bon rangi ni kakannato i rouna b'a bon akea te b'ai teuana ae taua mai rou, ma bon ti ngkoe. Ao N na kanga ngkanne ni karaoa te m'akuri ae buakaka, ao ni karaoa te bure nakon te Atua?”

Karikani B'aai 42:18

Ao e taku Ioteb'a nakoia n te katenibong, “Bon te aomata ngai ae I mamaaka te Atua, ao ti teuana te anga are N na kona ni kamaiu ngkami iai.

2.Rongorongo 19:7

Ma ngaia ae, kam na karaoa ami m'akuri ma karineana ao kam na riai n ataia b'a e aki kariaia b'a kam na karaoa ae e aki eti nakoia aomata nako ke ni babakanikawai.

Neemia 5:15

Taian kowana ni kabane ake i m'aaiu a bon karawaawataia aomata ni karaoia aomata b'a a na kabooi kanaia ma nimaia ao a tangira abwi te m'ane te tirewa ni katoa bong. Ao bon taian mataniwi naba aika a karawaawataia aomata. Ma I karinea te Atua, ao I taku b'a e aki riai te karawaawataia aomata.

Neemia 5:9

Ao I reitanako au taeka ao I taku, “E bure te b'ai ae kam a tia ni karaoia! Ti na karinea Atuara n arora ni maiu, b'a a aonga tientaire n aki noora te kaairua iroura.

Taian Areru 19:9

Te b'ai ae e raoiroi karinean te UEA: E na kakaraoaki n aki toki. A eti ana Moti te Atua; a aki nanonano.

Te Otinako 20:20

Ao e taku Moote, “Kam na aki maaku, E bon ti roko te Atua ni kan kataingkami ma ni karaoingkami b'a kam na teimatoa n ongotaeka i Rouna, b'a kam aonga n aki bure.”

Taeka n Rabakau 1:7

Karinea ao ongotaeka iroun te UEA! Aio bon moanan te rabakau. Bon te nanobaba ane e aki butim'aea te wanawana ma te reirei.

Taeka n Rabakau 14:31

Ngkana kam karaoa ae e aki riai nakon te aomata ae e maiu ni kainano, ao kam bon kamamaaea iai te Tia Karikib'ai; ma ngkana kam akoia, ao kam bon kaota iai karineana.

Taeka n Rabakau 16:6

Ngkana ti tangira te Atua ma nanora ni koaua ao a na kab'araaki ara bure; ngkana ti kaota karineana, ao ti na kararoaira man te bure.

Taeka n Rabakau 22:22

Kam na aki karekea aromi mairoun ae e maiu ni kainano ke ni kam'aneia n te kabowi.

Itaia 3:14

E na bon motikitaekami naba ngkami taan tautaeka ao taani kairiiri i aoia ana botannaomata. Kam tiringa arokana taiani kureebe ao kam kaon ami auti nako ni b'aai aika kam kimoai mairouia aomata aika a maiu ni kainano.

Ieremia 22:16

Ao bon anne raoi nanona ae kam na ataai raoi. Ma ngaia are, e maiu raoi ao e teimatoa n reereke kanana ma nimana ae e tau.

Nakoaia Ibonga 19:13

Tai iraa ke tao ni kam'anea temanna, ao tai toki ni kab'akai booia ami taani m'akuri ni katoa tokin te bong.

Nakoaia Ibonga 19:14

Bon te UEA Ngai ae Atuami, ao I tuangngkami b'a kam na tai b'ainigareiia akana a bonotaninga, ke tao ni kab'aka te matakii.

Nakoaia Ibonga 19:32

I tuangngkami b'a kam na kaota karineakiia aomata aika a kara, ao ongotaeka nako Iu n te maaku ma te rurubenebene.

Nakoaia Ibonga 25:14

Ma ngaia are, ngkana kam kabooa ni karekea ke tao kam kabooa nako te tabo n ununiki, baairea raoi boona ao tai babakanikawai.

Nakoaia Ibonga 25:36

Tai karekeia b'a b'aai ni kareke raka n te aro are e na anaaki te bakao mai rouia, ke tao ni kabooa nako te am'arake nakoia ni karekea te raka iai.

Nakoaia Ibonga 25:43

Ma ngaia are, ongotaeka i Rou, ao tai b'ainikiriniia aika a aki kaub'ai.

Maraki 3:5

E taku te UEA ae Moan te M'aaka: I aoni kawaiu ngkai ni motika taekami. N na kabuakakaia ni kabane aika a kakaraoa te tabunea ke ni kewe n tain te mare ke n taekina te kewe i nanon te kabowi ke taani m'akuri aika a kimoaaki booia ke aine aika a mate buuia aika a aki karauaki ao naati aika akea aia karo ke iraean aia b'ai ianena ke aika a rawa ni karineai.

Ruka 12:5

Ma N na tuangngkami ae kam na makua: kam na maaka Teuare kona n tetewe nako Keenna, ngkana E a tia n kamaamate; eng, I tuangngkami b'a kam na makua.

M'akuri 10:2

E kakaonimaki Korenerio nakon ana kaantaninga te Atua, ao e rangi ni karinea te Atua, ti te bo arona ma kaain ana utu; e aki toki n angaanga b'aai n tituaraoi, ao e b'aina te tatataro nakon te Atua.

M'akuri 10:35

E kukurei iroun ane iai i rouna karineana ae moan te bati, ao e kakaraoa ae e raoiroi, e aoria b'a kaain te botannaomata ra ngaia.

M'akuri 9:31

E wene n rau ngkanne te ekaretia i aon Iutaia ni kabuta, ma Kariraia, ma Taamaria, ao e kateimatoaki; a kaotia ni maiuia kaaina b'a iai karinean te Atua i rouia, ao e rikirake m'aitini kaaina n ana buobuoki te Tamnei are Raoiroi.

I-Rom 11:20

E koaua ane ko taku; a oteaki i bukin aia aki-onimaki, ma ngkoe, ko mena ni nem ane ko mena iai i bukin am onimaki. Ma ngaia ae tai b'aina te kainikatonga, ma ko na b'aina te mamaku.

I-Rom 3:18

Akea i rouia makan te Atua.

Te Tua-Kaua 25:18

Ngke kam a kua, ao a ririmwingkami, ao a buakania raomi ake mai buki ake a aki kona ni kawaekoaia. A boni kaotia kaain Amareka b'a a aki karinea te Atua.

1.I-Tetaronike 4:6

E na aki bure temanna nakon raona ke ni babakanikawaia ni baika kaeti ma aron te mm'aane nakon te aine b'a te Uea boni Ngaia te tia kareke-kai i bukini baikai ni kabane, n ai aron are ti tuangngkami rimoa, ma ni kaotiotia naba.

1.Tamuera 12:24

Kam na riai n ongotaeka iroun te UEA Kam na riai n taromauriia ma nanomi ni kabane, ao uringi b'aai ni kabane aika ab'ab'aki ake E a tia ni karaoi i bukimi.