Nakoaia Ibonga 25:14 - Te B'aib'ara

¹⁴ Ma ngaia are, ngkana kam kabooa ni karekea ke tao kam kabooa nako te tabo n ununiki, baairea raoi boona ao tai babakanikawai.

Nakoaia Ibonga 25:14 ပူးပေါင်းရင်းမြစ်များ

2.Rongorongo 16:10

Ao ngke e ongo aei Ata, ao e rangi ni maraki nanona, ao e kaina Anani n te Karabuuti. Ao e bon karaoa naba ae e aki raoiroi nakoia ana aomata tabeman.

Taian Areru 10:18

Ko na ongo tangiia ni kani buokaki akana kananoanga ma akana akea aia karo; ao Ko na nanoangaiia n am Babaaire nako, b'a e aonga n toki aia m'akuri taani bangaomata.

Taeka n Rabakau 14:31

Ngkana kam karaoa ae e aki riai nakon te aomata ae e maiu ni kainano, ao kam bon kamamaaea iai te Tia Karikib'ai; ma ngkana kam akoia, ao kam bon kaota iai karineana.

Taeka n Rabakau 21:13

Ngkana kam aki buoka te aomata ae e maiu ni kainano, tai iangoia b'a a na ongo b'anaam aomata ngkana kam tang ni buubuti buokami.

Taeka n Rabakau 22:16

Kam ruuti ngkana kam kewea te aomata ae e maiu ni kainano ke kam anga te b'aintangira nakon te kaub'ai.

Taeka n Rabakau 28:16

Bon te nanobaba te tia kairiiri ae akea ana atatai, ma e na ab'ab'aki maiun ane e rawa ni karekei kaub'aina man aonikaiaia aomata.

Taeka n Rabakau 28:3

Ngkana e a manga onomwi te aomata ae e maiu ni kainano mani kairiia aika a maiu ni kainano ni karawaawataia, ao bon kaanga ai aron te karau ae e korakora ae e uruan aron uitan te tawaana.

Taeka n Rabakau 28:8

Ngkana ko kareerekea am m'ane man kabuuburaan am raka, ao ane e na bua ni kabane nakon temanna ae e tararuaia aika a maiu ni kainano.

Te Minita 5:8

Ko na aki kubanako ngkana a kabuakakaaki aomata aika a maiu ni kainano i aon abam, ao e na oneaki mwiin te eti n te kaairua. A na riai ni karaoa te b'ai are a tuangaki mataniwi aika a rinano irouia ake a rietaata.

Itaia 1:17

ao reireiningkami ni maiuakina te raoiroi. Kakoaua raoi b'a e na karaoaki te babaaire ae e eti. Teei i bukiia aine aika a tia ni mate buuia ao ataei aika akea aia karo ao buokiia aika a tangira buokaia.”

Itaia 33:15

Ma e na iai kaniwangaia aika a eti maiuia ma n tataekina te koaua, i bukiia aomata ake a rawa n anaa te m'ane n te matoa ke a rawa ni butim'aea te baabakanikawai, ao nakoia ni kabane ake a ribaa te tiriaomata ao taian m'akuri ni kakeru.

Itaia 5:7

Bon te UEA Ngai ae Moan te M'aaka! Bon te nne n aroka ni kureebe Iteraera, ao te nne n aroka Iuta ae I tararuaia. I kaantaningaa te raoiroi ao te eti, ma I tii kunea te buakaka ma tangiran te nanoanga.

Itaia 58:6

N na tuangngkami nanon raoi taromaurian te UEA. Kanakoi tieiniia buure ake a kabaeaki n te aro ae e aki eti. Kainaomataia akana a kabuakakaki!

Ieremia 22:17

Ma ti te b'ai ae ko rangi n iaiangoia bon aron te kewe ke te kabuakaka ke tiringaia tabem'aang aika akea aia bure.

Etekiera 22:7

Bon akea maibuakomi ae e karinea ana karo, ao kam m'am'anaia iruwa, ataei aika akea tamaia, ao aine aika a mate buuia.

Nakoaia Ibonga 19:13

Tai iraa ke tao ni kam'anea temanna, ao tai toki ni kab'akai booia ami taani m'akuri ni katoa tokin te bong.

Nakoaia Ibonga 25:15

E na riai ni baireaki boona mani m'aitin te uaa are e na kona ni karekeaki mai iai i m'ain rokon Ririkin te Iubire are e na roko.

Nakoaia Ibonga 25:17

Boni Ngai te UEA ae Atuami, ongotaeka i Rou ao tai kataia ni baabakanikawaiia tabeman.

Mika 7:3

A rangi n rabakau ni karaoan te m'akuri ae e buakaka. A ukoukora te kamaraato b'aakuaku ma Taani Motikitaeka. A mara atoia taan tautaeka, ao a kangaraoi mooti nakon nanoia ake a kamarai atoia

Ruka 3:14

A titirakinna naba tautia ni kangai, “Ao ngaira, tera ae ti na karaoia?” Ao e taku Ioane nako ia, “Kam na aki anaa ana m'ane te aomata n te aro n iowawa ke n te aro ni bukibuki ni kewe, ma a na rau nanomi ni boomi n ami m'akuri.”

1.I-Korinto 6:8

Ma boni ngkami aika kam karaoi m'akuri aika bubuaka, ma m'akuri ni m'am'anateaba; ao kam boni karaoi nakoia raomi n onimaki.

Tani Motiki-taeka 4:3

Bon iai ana kaanibuaka Iabin aika taian biti aika m'aitiia 900, ao e karawawataai maiuaia Iteraera i nanon 20 te ririki, ni karokoa a bubutiia te UEA buokaia.