Nakoaia Ibonga 24:7 - Te B'aib'ara

⁷ I rarikin te rinan n tatabeua nako kamenaa teutana te boiarara ni koaua ae e na kanakoaki boina n te ai, b'a e a aki kareanaki te kariki nako Iu, ma ai te boiarara.

Nakoaia Ibonga 24:7 ပူးပေါင်းရင်းမြစ်များ

Karikani B'aai 9:16

Ngkana e kaoti Nei Wirara i buakon taian nang, ao ane N na nooria, ao N na uringa iai au boraraoi i marenau ma ngkami ae akea tokina.

Te Otinako 12:14

Kam na bukamarua te bong aei b'a te bong ae te toa are kauringaakimi n te b'ai are E a tia n karaoia te UEA. Kam na kaakaraoia n taai nako ni boong aika a na roko.”

Te Otinako 13:9

E na riki te botaki aei b'a te b'ai ni kauring, kaanga te kanikina ae kabaeaki i aoni baimi, ke i aon toan ram'ami, e na bon kauring ngkami b'a kam na teimatoa n taetaekinna ma ni kamateb'aia ana tua te UEA, i bukina b'a E kaotinakoi ngkami te UEA mai Aikubita ni m'aakana ae korakora.

Te Otinako 17:14

Ao i mwiin arei, E taku te UEA nakon Moote, “Koroi taekan te tokanikai aei ao warekia nakon Iotua. I tangiriia kaain Amareka b'a a na mauna nako taekaia n aki toki.”

Te Otinako 28:12

N te aro aei are e na uouoti iai araia barongan Iteraera Aaron ngkana e rin te tabo are e tabu, ao N na aki konaa ni m'aninga iai taekaia au aomata.

Itaia 43:23

Ko a tia n aki karineai ni karean taian tiibu ma maan riki tabeua. Ao I tuai ni karawaawatako n tangiri taian karea ke taiani b'ai ni kaboiarara.

Nakoaia Ibonga 2:1

Ngkana iai ane anga ana karea are te kaaitau nako iu, ao e na riai moa ni kamanta raoi ana buraawa, ao e na renganna ma b'aan te oriwa, ao te b'ai ni kaboiarara are e kaakabubuaki,

Nakoaia Ibonga 2:2

ao e na uoti nakoia ibonga ake natin Aaron. Ao e na abuta te abutana te buraawa te ibonga, ma b'aan te oriwa, ao te b'ai ni kaboiarara are e kaakabubuaki ni kabane, ao e na kabuoki i aon te baonikarea b'aai ake tatabeuta akekei man taian am'arake ake karea b'a kaanga ai onean mwiin naba te am'arake ni kabane are te karea nakon te UEA. E rangi ni kakukureia te UEA te karea aei, are te am'arake.

Nakoaia Ibonga 2:9

Ao e na anai tatabeuta mai iai te ibonga b'a kaanga arina, are e na anganaki te UEA, ao e na kabuokia i aon te baonikarea. E na rangi ni kakukureia te UEA boiararan te am'arake aei are te karea.

Ioane 6:35

E taku Iesu nakoia, “Boni Ngai te am'arake ni kamaiu; ane nako iu ao e na bon aki manga kona ni baki, ao ane onimakinai ao e na bon aki taka.

Ioane 6:51

Ngai te am'arake ae reke te maiu mai iai are ruo mai karawa. Ane kana te am'arake aei, ao e na maiu n aki totoki; ao te am'arake ae N na anga i bukini maiun te aonnaba bon irikou.”

M'akuri 10:31

ao e kaangai, ‘Korenerio! E ongo am tataro te Atua, ao a ururingaki am m'akuri n tituaraoi i matana.

M'akuri 10:4

Ao ngaia e kam'ataua taraana ma te maaku ae bati, ao e taku, “Te uea, tera?” Ao e kaeka te anera ni kangai, “E kukurei te Atua i roum n am tataro ao n am b'ai nako n tituaraoi, ao E ongo i roum.

I-Ebeto 1:6

Ti na neboa te Atua b'a E rangi n tituaraoi nako ira i bukin Natina are tatangiraki i rouna,

Ebera 7:25

Ma ngaia ae E kona ngkai ao n taai nako ni kamaiuia akana nako n te Atua i Rouna, ngkae E maiu n aki toki b'a E na bubuti i bukiia.