Nakoaia Ibonga 24:6 - Te B'aib'ara

⁶ ao uoti nako nanon te Um'antabunrianna, ao kawenei n uoua te rinan ae kaka onoua i aon te taibora are te koora.

Nakoaia Ibonga 24:6 ပူးပေါင်းရင်းမြစ်များ

1.Uea 7:48

Ao aikai b'ain nanon te Tembora ake e tuatua Toromon b'a a na karaoaki man te koora: te baonikarea; te taibora are e totoka i aona te kariki are e tabu;

2.Rongorongo 13:11

A anga karea uoua te tai n te bongina ao a kabuoki b'aai ni kaboiarara nakon te UEA. A uota te kariki are e tabu nako aon te taibora aika a tia ni kaitiakaki, ao a kaurai taian taura ni kaintaura are te koora ni katoa bong ngkana e a bung taai. Ti karaoa ana mwioko te UEA ae te Atua are ko a tia n tannako mai rouna!

2.Rongorongo 4:19

Ao aikai naba b'ain nanon te Tembora ake e tua Toromon b'a a na karaoaki man te koora: te baonikarea, taiboran taiani kariki are e tabu,

Neemia 10:33

Ti karaoa aei i bukin boon te kariki are e tabu ao ai uana naba ma te karea are b'ain te bong koraki ao te karea ae e okoro n aron ake a kareanaki n te Taabati ao i nanon naba te Toa ae Moan Otin Nam'akaina ao taian toa naba ake tabeua. E na riki naba b'a boon te karea i bukin kab'araan buure ao taian kabanem'ane i bukin taromaurian te Atua n te Tembora.

Neemia 10:34

Ti a tia n iangoia b'a e na katauraoaki te aia i bukin te tembora ni katoa ririki irouia utuia nako taian ibonga, Kanoan Rewi, ao ai bon aomata n aki akaaka, b'a e aonga ni konaa ni karaoaki te anga karea i aon te baonikarea, n aron are e a tia n tuangiira iai te UEA ae Atuara.

Te Otinako 25:30

E na riai ni kaawakinaki te taibora i nanon te tabo are e rangi n tabu, ao a na katokaaki naba i aona taian kariki.

Te Otinako 39:36

te taibora ma b'aina nako, ao te kariki are te angab'ai nakon te Atua;

Etekiera 41:22

te baonikarea te kai. Bon teuana ma te iterana te miita rietana ao teuana te miita rababana ma ab'akina, ao a karaoaki koonana, aana, ao iterana nako man te kairababa. E taku te m'aane arei nako iu, “Bon aei te kauring b'a E teimatoa te UEA n tarataraa ana Tembora.”

1.I-Korinto 14:40

Ma a na bane b'aai ni karaoaki n te aro ae tara raoi ma n eti raoi.

Ebera 9:2

B'a e kateaki te um'anrianna, ae iai i nanona te moa n ruu ae aranaki b'a te tabo ae tabu, are mena i nanona nen te taura n tei ao te taibora ma kariki aika katabuaki i bukin te Atua.