Nakoaia Ibonga 24:5 - Te B'aib'ara

⁵ Kamanenaa am buraawa ae e manti raoi ao karaoi tengaun ma uaai kariki aika kaka uoua te kiiro rawawataia

Nakoaia Ibonga 24:5 ပူးပေါင်းရင်းမြစ်များ

1.Uea 18:31

Ao i mwiina, e anai tebwi ma uoua te atiibu ni karaoa iai te baonikarea b'a karinean te UEA. E tei teuana te atiibu i bukin barongan Iteraera ake tebwi ma uoua,

1.Rongorongo 23:29

Bon tabeia naba tararuaakin te kariki are e tabu, ao te buraawa are b'ain te karea are te uita, taian kariki are a mmani, ao karea ni kabane ake a umunaki, ao te buraawa are e renganaki ma b'aan te oriwa. Bon kanoan Rewi aikai ake a na baairei rawaawatan ma m'aitin taiani karea.

1.Rongorongo 9:32

Kanoan Rewi ake man te kaainga are Koata boni ngaiia ake a tabena kam'aakin taiani kariki ake a tabu ni katoa Taabati.

2.Rongorongo 13:11

A anga karea uoua te tai n te bongina ao a kabuoki b'aai ni kaboiarara nakon te UEA. A uota te kariki are e tabu nako aon te taibora aika a tia ni kaitiakaki, ao a kaurai taian taura ni kaintaura are te koora ni katoa bong ngkana e a bung taai. Ti karaoa ana mwioko te UEA ae te Atua are ko a tia n tannako mai rouna!

Neemia 10:33

Ti karaoa aei i bukin boon te kariki are e tabu ao ai uana naba ma te karea are b'ain te bong koraki ao te karea ae e okoro n aron ake a kareanaki n te Taabati ao i nanon naba te Toa ae Moan Otin Nam'akaina ao taian toa naba ake tabeua. E na riki naba b'a boon te karea i bukin kab'araan buure ao taian kabanem'ane i bukin taromaurian te Atua n te Tembora.

Neemia 10:34

Ti a tia n iangoia b'a e na katauraoaki te aia i bukin te tembora ni katoa ririki irouia utuia nako taian ibonga, Kanoan Rewi, ao ai bon aomata n aki akaaka, b'a e aonga ni konaa ni karaoaki te anga karea i aon te baonikarea, n aron are e a tia n tuangiira iai te UEA ae Atuara.

Te Otinako 25:30

E na riai ni kaawakinaki te taibora i nanon te tabo are e rangi n tabu, ao a na katokaaki naba i aona taian kariki.

Te Otinako 39:36

te taibora ma b'aina nako, ao te kariki are te angab'ai nakon te Atua;

Te Otinako 40:23

ao e katokaa te kariki are te angab'ai nakon te UEA i aon te taibora, n aron are E a tia ni baaireia te UEA.

Te Otinako 40:4

Karina te taibora, ao katokai b'aina nako i aona. Karina naba kaintein te taura, ao katokai taian taura i aona.

Warekaia Iteraera 4:7

Ao i mwiina, a na manga rabuna taiboran te Kariki ae Tabu Aaron ma natina mm'aane n te kunnikai naba ae buru. Ao a na katokai taiani raurau, ma booran te b'ai ni kaboiarara, ma te m'angko, ma tiaekin te wain, ao ai uana naba ma te Kariki ae Tabu i aon te kunnikai.

Mataio 12:4

Ao arona ngke e rin n te um'antabu ao e kana te berena are kaotiotaki, are e tabu n taekana n te tua b'a e na aki kanna ke a na aki kanna uake raona, ma ti ibonga aika kariaiakaki?

M'akuri 26:7

are te taeka are a kaantaningaia ara baronga ake tengauni ma ua baronga, b'a e na kakoroaki bukina nakoia, ngkai a bane nanoia n tataromauria te Atua ni bong ao ni ngaina. Te uea, I bukinaki irouia I-Iutaia i bukin te kaantaninga aei.

Ebera 9:2

B'a e kateaki te um'anrianna, ae iai i nanona te moa n ruu ae aranaki b'a te tabo ae tabu, are mena i nanona nen te taura n tei ao te taibora ma kariki aika katabuaki i bukin te Atua.

Iakobo 1:1

Mairoun Iakobo, ae ana toro te Atua ma te Uea are Iesu Kristo; nakoia ana aomata nako te Atua ake a uamaae i aonnaba; kam na mauri.

1.Tamuera 21:6

Ma ngaia are, e angan Tawita te kariki are e tabu, i bukina ngke bon ti kariki ake a kareanaki nakon te Atua ake a mena i rouna, ake e a tia ni kanakoi man te taibora are e tabu ao e a manga onei mwiina n te kariki ae e boou.

1.Tamuera 21:7

E mena ikekei ana mataniwi ni kaawakin man Tauro ae arana Toeka, are kaain Etom, b'a e roko ikekei n te bong arei, b'a e na kakoroa nanon tuan te taromauri.