Nakoaia Ibonga 24:4 - Te B'aib'ara

⁴ Aaron e na karaoa kaintein te taura n te tabo are moan te tabu i nanon te Um'antabunrianna are e tabu. E na kaurai taura akana itiua n te tabo anne i matan te UEA, ao a na kateimatoaki n ura ni karokoa te ngaina, ni moa man te bong aei ni karokoa boong aika a na roko. E na tai bitaki te tua aei.

Nakoaia Ibonga 24:4 ပူးပေါင်းရင်းမြစ်များ

1.Uea 7:49

Tebwina kaintein te taura ake a katukaki i matan te tabo are Moan te Tabu; katotongan taiani uee, ao taian taura ma m'anai aika koorai;

1.Rongorongo 28:15

n ikotaki ma kaintein te taura ao taian taura,

2.Rongorongo 29:7

A kain mataroana, ao a manga tiring taurana ao a katoka kabuokan taiani b'ai ni kaboiarara ma te anga karea i nanona.

Te Otinako 31:8

te taura ma b'aina nako, baonikarean te b'ai ni kaboiarara are e kaakabubuaki, te baonikarea i bukin taian karea ma b'aina nako,

Te Otinako 39:37

kaintein te taura are te koora ae itiaki, taurana ma b'aina nako, ao b'aan te taura;

Ieremia 52:19

A anai b'aai ni kabane ake a karaoaki man te koora ma te tirewa: taiani boora, baanin te ai, taiani boora ni katimtim, taiani baan, kaintei ake a buubuti, taian raurau i bukin te b'ai ni kaboiarara, ao m'angkon te wain.

Nakoaia Ibonga 24:3

Ni katoa tairiki ao Aaron e na kauraa te taura aei ni karokoa e ngaina i matan te UEA, i tinanikun rokin te Atiniberita, are e mena n te ru are moan te tabu.

Warekaia Iteraera 3:31

Aia m'akuri n te Um'antabunrianna bon kaawakinan te Ati ni Berita, te Taibora i bukin te Kariki ae Tabu, Kaintein te Taura, te Bao ni Karea, B'ain nako te Taromauri, ao te Roki are i matan te Tabo are Moan te Tabu. Tabeia kanoan Koata bon te katei baikai, ao manga te kab'aranakoi.

Warekaia Iteraera 4:9

A na rabuna naba kaintein te taura n te kunnikai ae buru n reitaki ma taian taura, b'ain tiringan te taura, baanin te ai, ao te tiaeki are nnen b'aan taian taura.

Warekaia Iteraera 8:2

“Ko na tuanga Aaron b'a e na katokai taura ake koora i aon kaintein te taura b'a aonga n oota nako mooa.”

Ebera 9:2

B'a e kateaki te um'anrianna, ae iai i nanona te moa n ruu ae aranaki b'a te tabo ae tabu, are mena i nanona nen te taura n tei ao te taibora ma kariki aika katabuaki i bukin te Atua.

Te Kaotioti 1:20

Ao aio te kaantaninga ae raba ae nanonaki n itoi ake itiua, ake ko noori i nanoni baiu ae ataiu, ma kain-tei n taura ake koora ake a tei ma taura i aoia n tatabeua nako: Itoi ake itiua bon aia anera ekaretia ake itiua; ao kain-tei n taura ma taura i aoia n tatabeua nako bon ekaretia ake itiua.

Te Kaotioti 11:4

Taani kakoaua akekei bon oriwa ake uakai, ao kain-tei n taura ake uaai ake a tei i matan Uean aonnaba.

Te Kaotioti 2:5

Ma ngaia ae ko na uringa te aro are ko b'aka mai iai, ao ko na raira nanom, ao karaoi m'akuri ake ko karaoi ngke ko moa n riki b'a te Kristian; ao ngkana ko aki, ao ae N na nako im, ao N na uota nako am kain-tei n taura mani nena.