Nakoaia Ibonga 24:2 - Te B'aib'ara

² b'a e na kaangai nakoia Iteraera: Kam riai n anga te oera ae moan te tamaroa ae oeran te oriwa i bukin taura ake i nanon te Um'antabunrianna, b'a a aonga n teimatoa uraia.

Nakoaia Ibonga 24:2 ပူးပေါင်းရင်းမြစ်များ

2.Rongorongo 13:11

A anga karea uoua te tai n te bongina ao a kabuoki b'aai ni kaboiarara nakon te UEA. A uota te kariki are e tabu nako aon te taibora aika a tia ni kaitiakaki, ao a kaurai taian taura ni kaintaura are te koora ni katoa bong ngkana e a bung taai. Ti karaoa ana mwioko te UEA ae te Atua are ko a tia n tannako mai rouna!

Taian Areru 119:105

E riki am Taeka b'a kanga te taura ni kaota kawaiu n nakonako.

Taian Areru 119:130

E karekea ootan nanoia akana bangab'ai am Taeka, Ao e kawanawanaia naba.

Te Otinako 39:37

kaintein te taura are te koora ae itiaki, taurana ma b'aina nako, ao b'aan te taura;

Te Otinako 40:24

E karina kaintein te taura i nanon te Um'antabunrianna, n tainimainiku ni kaaitaraa te taibora,

Taeka n Rabakau 6:23

Bon te taura ana Tua te UEA, ao e oota n raaitiiti ana reirei. Te kaetaki ma tauan aromi i bon iroum boni ngaia are e na kairiko nakon te maiu.

Itaia 11:2

E na meemena taamnein te UEA i rouna n anganna te ataib'ai, te rabakau, ao te wanawana. E na korakora, ao e na ataa te UEA ma ni karinea.

Itaia 8:20

b'a tera ae e na karaoia.” Bon akea mai buakoia aika a konaa n taetae n aron anne ae e na maiu ma n noora ootan te bong!

Nakoaia Ibonga 24:1

E tua te UEA nakoni Moote

Nakoaia Ibonga 24:3

Ni katoa tairiki ao Aaron e na kauraa te taura aei ni karokoa e ngaina i matan te UEA, i tinanikun rokin te Atiniberita, are e mena n te ru are moan te tabu.

Mataio 4:16

A nora te oota ae te oota ae korakora aomata ake a tekateka n te roo; ao e kaoti te oota nakoia ake a tekateka i aban te mate ao i nuuna.”

Mataio 5:16

Ao ai aromi naba, kam na kaoti ami oota i mataia aomata, b'a a na noori ami m'akuri aika raraoi, ao a na neboa Tamami are i karawa iai.

Ruka 1:79

N anga te oota nakoia ake a mena n te roo ao n nuun te mate, ao te oota aei e na oota ao ni kairiira nakoni kawain te kamaiu.

Ruka 12:35

Kam na b'aina te tauraoi, ao a na ura ami taura,

Ioane 1:4

E mena mwin te maiu i rouna; ao ootaia aomata te maiu arei.

Ioane 1:9

Bon arei te Oota ni koaua, are E roko i aon te aba, ao E oota i aoia aomata ni kabaneia.

Ioane 5:35

Ai aron te taura Ioane are ura ao e oota nako urana, ao kam a tia ni kariaia b'a kam na kim'areirei n ootana i nanon tabeua te bong.

Ioane 8:12

E a manga taetae Iesu nakoia aomata, ao E taku, “Ngai te oota nakoia aomata i aonnaba. Ane irai, ao e na bon aki nakonako n te roo, ma e na reke i rouna te oota are na anganna te maiu.”

M'akuri 26:18

b'a ko na kaure mataia, b'a a na rairaki man te roo nakon te oota, ao mani m'aakan Tatan nakon te Atua, b'a e aonga n reke i rouia kab'aran aia bure ao neia i buakoia aomata ake a kaitiakaki n onimakinau.

2.I-Korinto 4:6

B'a bon te Atua, are kangai, “E na oota te oota mai buakon te roo!” Bon te Atua naba aei are kaota ana oota i nanora, b'a ti na ata mimitongin te Atua b'a e oota man ubun Iesu.