Nakoaia Ibonga 24:14 - Te B'aib'ara

¹⁴ E a tia n taetaebuakai teuaei. Uotia nako tinanikun te maeka ao a na katokai baiia taani kakoaua i aon atuna. Ao i mwiina tuangiia Iteraera ni kabane b'a a na karebanaia n atiibu ni karokoa matena.

Nakoaia Ibonga 24:14 ပူးပေါင်းရင်းမြစ်များ

1.Uea 21:10

Ao karekeia uoman aomata aika taani kewe aika a na mena i rarikin Naabota ni kaaitaraa ao a na taetae n tuea b'a e a tia Naabota n taetaebuaka te Atua ao te uea. Ao i mwiina, kaotinakoa Naabota ao karebanaia n taian atiibu ni karokoa matena. Ao e tiainaa n aran Aaba ao e titamb'anna naba n ana titamb'a. Ao e a kanakoa nakoia taani kairiiri n te kaawa.

Nakoaia Ibonga 13:46

E na tiku ni kam'araa ni karokoa tokin aorakina, ao e na riai ni maeka i tinanikun te maeka, ni kararoa mairouia aomata.

Nakoaia Ibonga 20:2

b'a e na kaangai nako ia Iteraera: Te tuaa nakoia kaain te aba ao iruwa ngkana a anga natiia b'a te karea nakon te anti are Moreka bon te karebanaaki n te atiibu ni karokoa te mate.

Nakoaia Ibonga 20:27

Ngkana ko taku b'a e reke iroum te rongorongo mairoun te mate, ko na karebanaaki ni karokoa matem, b'a aei ae ko kaantaningaia.

Nakoaia Ibonga 24:13

N tokina ao e taku te UEA nakoni Moote:

Ioane 8:59

Ma ngaia are, a anai atibu b'a a na karebanaia, ma E karabaa Iesu, ao E kitana te Tembora.

Te Tua-Kaua 17:5

Ma kam na riai ni karekeia taani kakoaua aika uoman nakon te teniman, b'a e aki tau te tia kakoaua ae ti temanna ni kakoauaa buren te tia bukinaki. Kam na iangoi aroia aomata aika karaoi aekaki ni bure aikai ni kamaunaia. Kairiia nako mataroan ami kaawa ao tuangiia aomata ni kabane b'a a na karebanaia ni karokoa mateia. Ma a na moani kare aomata ake taani kakoaua.

Te Tua-Kaua 21:21

Ao a na karebanaa te nati te m'aane anne n taian atiibu m'anen te kaawa anne ni karokoa matena, b'a e aonga ni mauna nako te m'akuri ae buakaka ae karikirakea te aomata anne man te kaawa anne. Ao ane a na maaku iai Iteraera ngkana a ongo aron katuaaean te aomata anne.

Te Tua-Kaua 22:21

ao e na kairaki te ainenum'a anne nako mataroan ana auti tamana ao e na karebanaaki n taian atiibu ni karokoa matena. E a tia ni karokoa te m'akuri ae kammaira i nanon te kaawa ngke e wenenibure ma te m'aane temanna i m'aain marena, ao kam na riai n kamaunaa te m'akuri ae buakaka aei n tiringa te aine anne.

Iotua 7:25

Ao e taku Iotua nakoina, “Bukin tera ngkai ko karika te kaangaanga nakoira? E nang karokoa te kaangaanga ae ab'ab'aki te UEA i aom!” Ao a bane ni karea Akan ma ana utu Aomatan Iteraera ni kamateia. Ao a kabuoki rab'ataia ma aia b'ai ni kabane.