Nakoaia Ibonga 24:11 - Te B'aib'ara

¹¹ N te bong teuana ao e un natiia aei ma temanna te m'aane ae te I-Iteraera, ao e taetaebuaka aran te UEA. Ma ngaia are, e a katikitikaki nakoni Moote,

Nakoaia Ibonga 24:11 ပူးပေါင်းရင်းမြစ်များ

2.Tamuera 12:14

Ao e taku Natan, “Eng, ko a tia! Ko bon aki tabe ma te b'ai ae e tangiria te UEA. E a tia ni kab'araa am bure, ma ngaia are, ko na aki mate. Ma e na mate natim are e a tia ni bungiaki.”

1.Uea 21:10

Ao karekeia uoman aomata aika taani kewe aika a na mena i rarikin Naabota ni kaaitaraa ao a na taetae n tuea b'a e a tia Naabota n taetaebuaka te Atua ao te uea. Ao i mwiina, kaotinakoa Naabota ao karebanaia n taian atiibu ni karokoa matena. Ao e tiainaa n aran Aaba ao e titamb'anna naba n ana titamb'a. Ao e a kanakoa nakoia taani kairiiri n te kaawa.

1.Uea 21:13

Ao a bukinna ni taetaebuaka te Atua ao te uea, ma ngaia are, a uaakinna aomata nako tinaniku ao a karebanaia n atiibu ni karokoa matena.

2.Uea 18:30

Kam na aki onimakinna ngkana e tuangngkami b'a aongkoa E na kaawakiningkami te UEA mairoun uean Aturia.

2.Uea 18:35

Bon akea mai buakoia anti aikai ae e konaa ni kaawakiniia ana aomata mairoun uean Aturia. E nang konaa riki te UEA ae Atuami ni kamaiungkami?’ ”

2.Uea 18:37

Ma ngaia are, a raeuai aia kunnikai i bukin rawawatan nanoia, ao a kaongoraea Etekia b'aai ni kabane ake e a tia n taekin mataniwiin te taanga ni buaka mai Aturia.

2.Uea 19:10

Ko na aki onimakina Atuam ke ni kaburababaaki n ana taeka are aongkoa E na kaawakina Ierutarem mairou.

2.Uea 19:22

Tennakeriba, ko taetae ni karereanti, ko takaarua, ao ko b'ainingareai, Ngai ae Atuan Iteraera ae e Tabu

2.Uea 19:6

ao e tuangiia Ana rongorongo te UEA aikai nakon Etekia: Bon te UEA ngai. Kam na aki kakiriwei nanomi n taian taeka ni kakaewenako ibuku mairoun ana tia uarongorongo uean Aturia.

Iobi 1:11

Ma ngkana Ko anai b'aai ni kabane ngkai mai rouna-ane na taetae n aki akaaka nako Im bon i reben taningam!”

Iobi 1:22

E bon aki roko n te bure Iobi ni bukina te Atua ni b'aai ni kabane ake a tia n riki.

Iobi 1:5

E aki toki n ututi Iobi ni karangainan te bong are i mwiin aia baka natina akekei n anga ana karea i bukiia natina n tatabemaniia nako b'a aonga ni kaitiakaki. E kakaraoa aei i bukina ngke e tataku n ana iango b'a n ae e a tia natina temanna ni kamatauninga te Atua n tiaki nanona.

Iobi 2:5

Ao iangoia b'a aongkoa ko kamaraka rab'atana, ane na taetae n aki akaaka nako Im bon i reben matam!”

Taian Areru 74:18

Ma Ko na uringnga, te Atua, b'a a ngareakiniko am Kairiribai, Ao akea onimakinam ma karineam irouia.

Taian Areru 74:22

Te Atua, teirake, ao taetae i bukim! Uringiia aomata ake akea karineam irouia ni ngareakiniko n te bong koraki.

Te Otinako 18:22

Ko na kam'akuriia b'a taani moti i bukiia aomata, i aon tuua aika a tia ni kamatoaaki. Ao a kona ni uoti taiani kangaanga nako im, ma a kona ni baairei taiani kamangaongao i bon irouia aika uarereke. Ko na rangi ni bebete iai ngkai a i buokanib'aia rawawatam.

Te Otinako 18:26

Ao a riki b'a taani moti i bukiia aomata i aon tua ake a tia ni kamatoaaki, ma ni uoti taiani kangaanga nakon Moote, ma a boni baairei taiani kamangaongao aika a uarereke.

Te Otinako 20:7

“Kam na tai kabongana arau i bukin m'akuri aika buakaka, b'a bon te UEA Ngai ae Atuami ae katuaaia akana a aki kabongana arau n te aro ae eti. Bon te UEA Ngai ae Atuami, ao N na bon katuaaea ane e kamanenaa arau n aki akaaka.

Te Otinako 22:28

Kam na aki taekina ae e buakaka nakon Iu ke nakon ami tia kairiiri.

Te Otinako 3:15

Ko na tuangiia b'a bon te UEA Ngai ae Atuaia aia bakatibu, Atuan Aberaam, Itaaka, ao Iakob'a, ae I kanakoko nako ia. Bon aei arau n aki toki, Aio arau ae a na aranai iai rooro aika rimwi.

Itaia 8:21

A na minomino ni maraki ao a na rangi ni baki n te aro are a na karereantia aia uea ao antiia. Ao ngkana a kataia ni kakaaea buokaia mai karawa

Nakoaia Ibonga 24:10

E mareaki ma te I-Aikubita Nei Teromita ae natin Nei Riberi man te baronga are Taan, ao iai natiia te m'aane.

Mataio 26:65

Ao e raea kunnikaina mataniwiia ibonga, ao e taku, “E taetae ni bakanatua! E aera b'a ti na tangiriia riki taani bukibuki? Kam a tia ngkai n ongo ana taeka ni bakanatua!

I-Rom 2:24

B'a e koreaki ae kaangai: “I bukin aromi, ngkami aika I-Iutaia, ao e a riki n taetaebuakaki iai aran te Atua irouia aomata aika tiaki I-Iutaia.”

1.Timoteo 1:13

Bon te tia taetaebuaka ngai ngkoa, te tia b'ainikirina te aba, ao te tia iowawa; ma I nanoangaki, i bukina ngke I karaoi arou akanne ma te roo n nano b'a I tuai n onimaki.

Te Kaotioti 16:11

ao a taetaebuaka Atuani karawa i bukini marakiia ma kaboaia; ao a aki rairaki ni kitan aia m'akuri aika bubuaka.

Te Kaotioti 16:21

Ao aomata a b'akaraki mai karawa n te karau ae matoatoa, ae taian aiti aika bububura, aika tao kaka tebubua te rawawata rawawataia ke e raka riki; ao a taetaebuaka te Atua i bukin te karau n aiti are kamamate; b'a e bon rangi ni kamamate.