Nakoaia Ibonga 23:4 - Te B'aib'ara

⁴ Tataekin tooa aikai n taia.

Nakoaia Ibonga 23:4 ပူးပေါင်းရင်းမြစ်များ

Neemia 8:15

A tib'a ataia naba ae a na riai n nako buakonikai ma ni karekei m'anganikaai ma aroka aika a m'aiti baaia n aron oriwa, motere, ao taiani baam i bukin taiani katantan.

Te Otinako 12:14

Kam na bukamarua te bong aei b'a te bong ae te toa are kauringaakimi n te b'ai are E a tia n karaoia te UEA. Kam na kaakaraoia n taai nako ni boong aika a na roko.”

Te Otinako 23:14

Kam na karaoi taian Toa aika tenua ni katoa ririki b'a karineau.

Itaia 29:1

Ierutarem ae ana kaawa Tawita, are nnen au baonikarea, Ko a reke n te kaangaanga! bukamarui am toa n te ririki teuana ma teuana.

Etekiera 44:24

A na babaaire n ri aon taian tua ni kaineti ma au Tua nako. A na riai naba n kaawakin taian toa ni kabane akana a tangiraki n au Tua ao a riai ni karinea te Taabati n taai nako.

Nakoaia Ibonga 23:2

b'a e na tuangiia Iteraera ni kaangai: I a tia n rinei taai i bukimi b'a kam na bootaki n taromauriai.

Nakoaia Ibonga 23:21

Aio bon te bongi n runga ma n taromauri, ae te tai ni motirawa man ami m'akuri. Ngkami ma kanoami kam riai n ongotaeka nakon te tua aei.

Nakoaia Ibonga 23:37

I a tia n rinei taian toa aikai b'a aia tai au aomata n roko ao ni bootaki n taromauri, ao n anga naba te naa ni karea aika maan aika kawakawa, uaanikai aika a uangingi, ao te wain. E na anga te aba karea aikai ni bongiia.

Naum 1:15

Noria, e ri aon maunga n nakomai te tia uarongorongo, ma te rongorongo ae e raoiroi! I aon kawaina n taekina te tokanikai! Kaain Iuta, karaoi ami toa, ao angan te Atua baike kam a tia ni berita iai nakoina. A na aki konaa ni manga eweka abam aomata aika a buakaka. A tia ni bane ni kamaunaaki.