Nakoaia Ibonga 23:34 - Te B'aib'ara

³⁴ b'a e na kaangai nakoia Iteraera: Ni moanaki mani katebwi ma nimauani bongin te kaitiua n nam'akaina n reiti nako ni karokoa itiua te bong, ni kabane te koraki a na kauringa te Toa ae M'anganikaai i bukin karineau.

Nakoaia Ibonga 23:34 ပူးပေါင်းရင်းမြစ်များ

1.Uea 12:32

Ao e manga iangoa naba te bong n toa ae e boou i bukiia Iteraera n te bong ae tebwi ma nimaua bongin te kawanua n nam'akaina, kaanga aron are e kakaraoaki i Iuta. Ao n te bong anne, e nako iai Ieroboam nako Betaera ao e anga iai ana karea iai i aon te baonikarea nakon te kaoteteei are te koora are e a tia ni katikua ikekei. Ao i mwiina, e a anganiia ibonga tib'angaia nako.

1.Uea 8:65

Ao e karaoa aia bootaki ae e buubura Toromon ma aomata ni bukamarua te Toa ae M'anganikaai i nanon te Tembora itiua te bong. Ao a roko aomata man taabo aika a raroa; mani karaangan Aikubita ae uarereke i maiaki ao mai Rebo Amata i meang.

Etira 3:4

Aomata a irii tuua i bukin kauringaan te Toa ae M'anganikaai, ao a anga taiani karea aika a tangiraki ni katoa bong.

Neemia 8:14

are e a tia te UEA n angan Moote. A ataia man te Tua ae a na riai aomatan Iteraera ni maeka i aani m'anganikaai ngkana a bukamarua te toa n te kaitiua n nam'akaina n te ririki.

Te Otinako 23:16

Kam na karaoa te Toa ae M'anganikaai ni katoa taai ngkana e a kaan banen bongin te aumeaang ngkana kam moana taian ami uita, ngkana kam karaoa te Toa ae M'anganikaai.

Te Otinako 34:22

Kam na bukamarua te Toa ae M'anganikaai ni karokoa tokin te aumeaang ngkana kam taiia uaan te uita, ao ni bukamarua te Toa ae M'anganikaai ni katoa tokin te aumaiaki ngkana kam kiniki uaa.

Etekiera 45:25

E na moanaki te Toa ae M'anganikaai ni katebwi ma nimauani bongin te kaitiua n nam'akaina, ao e na reiti nako i nanon itiua te bong. E na katoa bong te tia tautaeka ni kakatauraoa m'aitin te man n aron are e karaoia naba are n te Toa are Riao, ni kabane bongin te Toa aei, ao ai uana naba ma te m'aiti n uita ao b'aan te oriwa i bukin taiani karea.

Nakoaia Ibonga 23:33

E tuangaki Moote iroun te UEA

Nakoaia Ibonga 23:42

A riai ni maeka Iteraera n te naan um'anrianna i nanon itiua te bong,

Nakoaia Ibonga 23:43

b'a a aonga n ataia rooro aika a na roko b'a I kamaekaia aia bakatibu i nanon um'anrianna ngke I kaotinakoia mai Aikubita. Boni Ngai te UEA ae Atuami.

Warekaia Iteraera 29:12

E na moanaki te Toa ae M'anganikaai man katebwi ma nimauan te kaitiua n nam'akaina ao n reitinako i nanon itiua te bong, ike a na bane iai aomata ni bukamarua te Toa ae M'anganikaai b'a karineau.

Ioane 1:14

E riki n aomata te Taeka, ao E maeka i buakora. E on n te akoi ma te koaua, ao ti nora mimitongina, are mimitongina n arona b'a ti Ngaia Natin te Atua.

Ioane 7:2

E a kaan roko tain aia botaki I-Iutaia teuana are te Toa are te Um'anrianna.

Te Tua-Kaua 16:16

Iai tenua taian Toa i nanon teuana te ririki ike a na bane ni m'ananga iai m'anen Iteraera nakon te tabo are a tia n rineia te UEA b'a E na taromauriaki iai. Taian Toa aikai bon: Te Toa are te Kariki ae e aki karikaki, te Toa ae M'angani Kaai, ao te Toa ae M'anganikaai. Ao tai m'am'aninga ni uota te b'aintangira nakon te UEA.

Te Tua-Kaua 31:10

Ao e tuangiia ibonga ma taani kairiiri Moote ni kaangai: A na bobotaki Iteraera ni katoa ririki ni karaoa te Toa ae M'anganikaai n te tabo are E a tia n rineia te UEA b'a te tabo n taromauri. Kam na wareki tuua ma reirei aikai nakoia aomata n tain te toa ni katoa te kaitiua n ririki, te ririki are a katokaki iai kab'araan taian taarau.

Ebera 11:13

A bane ni mate i nanon te onimaki Aberaam, Itaaka ao Iakob'a ngke a tuai n reke i rouia baike a atongaki n taeka n akoi akekei; ma a nori mai kiraroa, ao a kukurei iai, ao a taku b'a bon I-anena ngaiia ao aomata aika maeka n iruwa i aon te aba.

Ebera 11:9

I bukin ana onimaki Aberaam, ao e maeka n iruwa n te aba are atongaki n te taeka n akoi; ao e maeka n um'anrianna ma Itaaka ma Iakob'a, aika iai naba tib'angaia n te taeka n akoi naba aei.