Nakoaia Ibonga 23:3 - Te B'aib'ara

³ Iai onoua ami bong ae kam kona ni karaoi ami m'akuri iai, ma e tabu te kaitiua ni bong ni katoa wiiki i bukina b'a bon au bong. E aki akaaka b'a kam mena ia, ma kam riai ni motirawa n te Taabati ao ni bootaki n taromauri iai. E na tai bitaki te tua aei.

Nakoaia Ibonga 23:3 ပူးပေါင်းရင်းမြစ်များ

Te Otinako 16:23

ao e taku nako ia, “E a tia n tua te UEA b'a bon te bong ni motirawa nakon te ingabong. Te bong ae katabuaki i bukina. Kam'ai n te bong aei, akana kam tangiri ni kaburoi, ao nikiraia kam na kaawakin i bukin te ingabong.”

Te Otinako 16:29

Uringnga b'a I a tia n anganingkami te bong ni motirawa Ngai ae te UEA, ao bon anne bukina are I aki toki n anganganingkami iai kanami ae tau i nanon te ka onoua ni bong i bukin uabong. B'a a na bane aomata n aki nakonako man te tabo are a mena iai n te kaitiua ni bong, ma n aki kiitan aia auti.”

Te Otinako 16:30

Ma ngaia are a aki m'akuri aomata n te kaitiua ni bong.

Te Otinako 23:12

Kam na m'akuri ni bong ake onobong n te wiiki, ao kam na motirawa ma ni katoki kuami n te kaitiua ni bong. E na aki ti b'ainaki te tua aei i roumi, ma irouia naba ami kaomm'aane, aati, ao ami toro, ai uana naba ma iruwa akana a maeka i buakomi.

Te Otinako 34:21

Kam na karaoa ami m'akuri i nanon onobong ao kam na motirawa n te kaitiua ni bong, e aoria naba ngkana e b'akara nanon bongin te ununiki ma te tai.

Itaia 56:2

N na kakab'aia aomata nako akana a karinea te Taabati ma n rawa ni karaoa te kaairua.

Itaia 56:6

Ane a na irai ianena. A na tangirai ao a na taromauri n arau; a na karinea te Taabati ao a na kaawakina ara booraraoi.

Itaia 58:13

Ma i m'aain anne, kam na riai moa ni karinea te Taabati ae kaanga ai aron kakukurein te bong n taromauri. Kam riai ni katoka karaoan ao tataekinan te b'ai ae kam tangiria ni karaoia n te bong ae e rine aei.

Nakoaia Ibonga 19:3

Karinea tamam ma tinam, katabua te Taabati,

Ruka 13:14

Ao e un te tia taua taekani m'aneabaia I-Iutaia iroun Iesu ngke E kamaiu n te Taabati, ao e taku nakoia aomata, “Iai boong aika onoua ake a riai ni karaoaki m'akuri iai; rooko ni boong akanne b'a kam na kamaiuaki iai, ma tiaki n te bong ae te Taabati.”

Ruka 23:56

A oki ngkanne, ao a karaoi baika boiarara ma kabira. A motirawa n te Taabati n ai aron taekana n te tua.

M'akuri 15:21

B'a iai ake a tataekina ana tua Mote ma ngkoangkoa i nanoni kaawa nako, ao a warekaki ana tua i nanoni m'aneaba n te Taabati ae koraki.

Te Kaotioti 1:10

I mena i aani m'aakan ana kairiri te Tamnei are Raoiroi n ana bong te Uea, ao I ongo te b'ana ae korakora, mai akuu, ae kanga tangin te bu,