Nakoaia Ibonga 23:29 - Te B'aib'ara

²⁹ N na kamaunaa ane e rawa ni karaoa te aki mamatam.

Nakoaia Ibonga 23:29 ပူးပေါင်းရင်းမြစ်များ

Karikani B'aai 17:14

Te mm'aane ane aki korotabonim'aneaki, e na bon aki atongaki b'a au Aomata, i bukina ngke aki kawakina au boraraoi ma ngaia.”

Etira 8:21

I a buubutiia aomata ngke ti mena i rarikin te Karaanga are Aawa, b'a a na aki am'aam'arake ao a na tataro. Ti kananorinanoira ao ti buubutia te Atua b'a e na anganiira ma natira te mauri i aon Ierutarem ao i aon ara b'ai ni kabane.

Te Otinako 30:33

Ko na aki manga riki b'a ana aomata te UEA ngkana ko karaoa anne.”

Itaia 22:12

Ngke a koro bukin b'aai aikai ni kabane, ao e tuangingkami te UEA ae Moan te M'aaka b'a kam na katu ranin matami ma n tang, ma ni koro marai atuumi, ao n kunnikain kunnikai aika a mangaingai.

Ieremia 31:9

Ane a na tang ma n tataro ngkana I a kaokiia nakon mwengaia. N na kairiia i nanon raanga n ran. A na nakonako i aon te kawai ae e booraoi ao a na aki reke waeia. Boni Ngai tamaia Iteraera, natiu ae I rangi n tangiriia.

Etekiera 7:16

A na biri nako akana a reke maiuia nakon taian tabuki, kaanga taian taobe aika a kiitan taiani m'arua ni kakaaea kamaiuaia. Kam na bane n tang i bukin ami bure.

Nakoaia Ibonga 13:46

E na tiku ni kam'araa ni karokoa tokin aorakina, ao e na riai ni maeka i tinanikun te maeka, ni kararoa mairouia aomata.

Nakoaia Ibonga 23:27

N te Katebwina ni bongin te kaitiua n nam'akaina bon te Bong ae Kakannato i bukin te Kab'arabure: Boni bongin te taromauri; a riai aomata ni kabane n aki am'arake ni kaota nanokawakiia i bukin aia bure, ao a riai ni kabuokaki karea.

Nakoaia Ibonga 23:30

Bon akea temanna irouia au aomata ae e na karaoa te m'akuri naba teutana n te bong anne, ngkai ao ni boong aika a na roko. N na kanakoia akana karaoa te m'akuri.

Nakoaia Ibonga 23:32

Mani bungin taai ni karuaiwan bongin te nam'akaina nakon bungin taai ni katebwinan bongina kam na motirawa iai, ao akea te bae kam na kanna naba iai.

Nakoaia Ibonga 7:20

ma ngkana e kanaki iroun te aomata ae e kam'araa, ao e na aki atongaki te aomata anne b'a ana Aomata te Atua.

Nakoaia Ibonga 7:21

Ngkana arona b'a e kanaki naba te iriko ni man ae te karea aei i mwiin boona ma te b'ai teuana ae e kam'araa, tao b'ain rab'atan te aomata ke te man ae e kam'araa, ao e na aki atongaki te aomata anne b'a ana Aomata te Atua.

Warekaia Iteraera 5:2

b'a e na kaangai nakoia Iteraera, “Kam na kanakoa ana auti n rianna te aomata ae rebera, ao ane meira te buri, ke ane e a tia n riinga rab'atan te mate.

M'akuri 3:23

Ao te b'ai ae na riki nakoia aomata nako akana rawa n ongo iroun te Burabeti arei, a na bane ni kamaunaki mai buakon te botannaomata.”