Nakoaia Ibonga 23:24 - Te B'aib'ara

²⁴ b'a e na kaangai nakoia Iteraera: E na riai n riki moa ni bongin te kaitiua n nam'akaina b'a te bongi ni motirawa ae e b'anin. Ma ngaia are, n tangin te naa ni bu, ao kam riai ni bootaki n taromauri ao n angakarea i aon te baonikarea.

Nakoaia Ibonga 23:24 ပူးပေါင်းရင်းမြစ်များ

1.Rongorongo 15:28

Ngke e tabe ni uotaki te Atiniberita nako Ierutarem, ao a bane aomata ni bukamaruia n takaarua ao ni katangi b'aini katangitang aika taiani konete, buu, timbara, aabi, ao b'aai ni katangitang riki tabeua ake taiani karai.

2.Rongorongo 5:13

Tebubua uangaun te ibonga aika a raoniia taani katangitang aikai, ao a katangi taian buu. A neboa te UEA ni katangi b'aini katangitang ma n anene: “E raoiroi te UEA, ao akea tokin ana tangira.” Ao e a karina naba ni kaonaki nanon te Tembora n te nang ngke a kiitana te tabo are moan te tabu ibonga.

Etira 3:6

E ngae ngke e tuai waaki te m'akuri i aon te Tembora, ma e boni waakinaki te angakarea i aon ana baonikarea te UEA ni moani bongin te kaitiua n nam'akaina n te ririki arei.

Neemia 8:2

Ao i mwiina, a titirakina Etira, are bon te tia reirei n ana Tua Moote, b'a e na wareka nakoia kanoan te Tua anne are e a tia n anga te UEA nakoia ana aomata. Ao e roko Etira ma te Tua ao e tei i mataia te koraki ni m'aane, aine ao ataei akekei aika a boni konaa n ataa nanon te b'ai are e warekaki.

Taian Areru 89:15

Te UEA, ai kab'aia ra akana anene n taromauriko, Akana karaoia i matam ae Ko kukurei iai.

Taian Areru 98:6

Katang taiani bu, ao kanene b'anaami ni kim'areirei nakon te UEA ae ara uea.

Itaia 27:13

E na ongo te aba tangin te bu ae e tangi m'aaka. Ao i mwiina, a na oki n taromauria te UEA i aon ana maunga ae e tabu i Ierutarem aomatan Iteraera ake a uaakinaki nako ngkoa nako Aturia ao Aikubita.

Nakoaia Ibonga 23:23

E tuangaki Moote iroun Te UEA,

Nakoaia Ibonga 25:9

n te katebwina ni bong n te kaitiua n nam'akaina, ae te Bong ni Kab'arabure, a na katangaki te naa ni bu i aon te aba ni kabane.

1.I-Korinto 15:52

n te tai ae moan te waekoa, n te rube ni mata, n tangin te kabanea ni bu. B'a ane e na tangi te bu, ao a na manga kamaiuaki maate n aki kona ni mka, ao ti na onikaki.

1.I-Tetaronike 4:16

B'a ane E na ruo te Uea mai karawa ma te b'anaa ae takarua n taetae, ma b'anaan te anera ae kakannato, ma tangin ana bu te Atua. Ao a na manga uti moa ake a mate ake a onimakina Kristo,