Nakoaia Ibonga 23:19 - Te B'aib'ara

¹⁹ Kareana te kooti b'a te karea i bukin te bure, ao uoman tiibu aika kaka teuana aia ririki b'a te naa ni karea n raoi.

Nakoaia Ibonga 23:19 ပူးပေါင်းရင်းမြစ်များ

Nakoaia Ibonga 16:15

I mwiin anne, e na tiringa te kooti i bukin kab'araan aia bure aomata, ao e na uota raraana nakon te Tabo are Moan te Tabu, ao e na taataauria aon matan te Atiniberita, ao i mwiina, nanoaan te Atiniberita, n aron are e karaoia naba ma raraan te kaom'aane.

Nakoaia Ibonga 23:18

N te tai naba aei, ao Iteraera a na riai n uoti itiman te tiibu teteei aika ai tib'a kaka teuana aia ririki, temanna te kao te teei ae te m'aane, ao uoman tiibu aine. Man aika kawakawa aikai a riai n akea nukaia, ao a riai ni kareanaki b'a karea ni kabuokaki nakon te UEA, n raonaki ma karea ake a uangingi, ao te karea are te mooi te wain.

Nakoaia Ibonga 23:20

E na tabeki rake te ibonga tiibu aikai ma te kariki ni katabuaki nako Iu. A tabu karea aikai ao bon au b'ai n tangira nakoia ibonga.

Warekaia Iteraera 15:24

Ngkana kam bane n aki ongotaeka nakon Au tua teuana n tiaki nanomi, ao kam na anga te kaomm'aane b'a te karea are kakukureiau, n ikotaki ma te karea ae te uita, ao te angab'ai are te wain, ao te kooti b'a te karea i bukin kab'araani buure.

Warekaia Iteraera 28:30

Ao kam na anga naba te kooti b'a te karea ni kab'ara bure.

I-Rom 8:3

B'a te bae e aki kona ni karaoia te Tua ngke e mamara i bukin te rab'ata, ao E karaoia te Atua: b'a E kanakoa bon Natina ma rab'atana ae ai aron rab'atara ae bubure, b'a E na motika taekan te bure ae n te rab'ata ni kabuakakaa, ao b'a E na kamaunaa te bure.

2.I-Korinto 5:21

Teuare babanga karaoan te bure, E karaoia te Atua b'a kaanga ai aron te tia bure i bukira; b'a ti aonga n riki b'a aomata aika karaoa nanon te Atua n arora n reitaki ma Kristo.