Nakoaia Ibonga 23:17 - Te B'aib'ara

¹⁷ Uoti uoua kariki ni buraawa b'a a na tabekaki rake ni katabuakaki nako Iu. Kariki ni buraawa aikai n tatabeua nako a na karikaki ma te iti ao uoua te kiro te buraawa ae manti raoi ake mani moani m'akoron ami tai.

Nakoaia Ibonga 23:17 ပူးပေါင်းရင်းမြစ်များ

Neemia 10:37

Ti na uoti nakoia taiani ibonga n te Tembora taiani kariki aika a aki manti raoi ma moan uaan te tai, n reitaki ma raraoin uaan arokara, ao ara angab'ai are te wain ae e boou ma b'aan te oriwa. Ti na uoti naba katebwinan m'akoron ara tai are te uita nakoia kanoan Rewi ake tabeia riko aia n ara kaawa nako.

Te Otinako 22:29

Kam na kakaonimaki n anga te karea are te uita ao te wain ake bon au b'ai. Kam na katabuia natimi mm'aane b'a au b'ai

Te Otinako 23:16

Kam na karaoa te Toa ae M'anganikaai ni katoa taai ngkana e a kaan banen bongin te aumeaang ngkana kam moana taian ami uita, ngkana kam karaoa te Toa ae M'anganikaai.

Te Otinako 23:19

Kam na katoa ririki ni uota m'akoron ami moa ni uaa aika kabanea n raoiroi nakon te tabo n taromauri. Kam na aki kaburoa te bun ni kooti i nanon mirikin tinana.

Te Otinako 34:22

Kam na bukamarua te Toa ae M'anganikaai ni karokoa tokin te aumeaang ngkana kam taiia uaan te uita, ao ni bukamarua te Toa ae M'anganikaai ni katoa tokin te aumaiaki ngkana kam kiniki uaa.

Te Otinako 34:26

Bon te UEA Ngai ae Atuami, ma ngaia are, kam riai ni uoti moan uaan ami tai nakon te tabo n taromauri. Kam na aki kaburoa te kooti ae e uarereke i nanon mirikin tinana.

Nakoaia Ibonga 2:12

Kam na uoti ami karea are uaan te moan tai n te ririki, ma kam na aki kabuoki i aon te baonikarea.

Nakoaia Ibonga 23:10

b'a e na kaangai nakoia Iteraera: Ngkana kam rin n te aba are N anganingkami, ao kam na anganai te moani b'ab'ati ni uaa nako. Ma ngaia are, angan te ibonga

Nakoaia Ibonga 23:18

N te tai naba aei, ao Iteraera a na riai n uoti itiman te tiibu teteei aika ai tib'a kaka teuana aia ririki, temanna te kao te teei ae te m'aane, ao uoman tiibu aine. Man aika kawakawa aikai a riai n akea nukaia, ao a riai ni kareanaki b'a karea ni kabuokaki nakon te UEA, n raonaki ma karea ake a uangingi, ao te karea are te mooi te wain.

Nakoaia Ibonga 7:13

N raonaki ma anne, e na riai naba n anga te kariki ae e karaoaki ma te iti.

Warekaia Iteraera 15:17

Ngkana kam kana te am'arake n te aba ae I anganingkami,

Warekaia Iteraera 18:12

N aron aei, ngkana a uoti aia moani b'a ma aia moani wain, ao aia moani uita Iteraera, ao kam na b'aini kabanean tamaroan m'akoron b'aintangira aikai.

Warekaia Iteraera 18:13

Ao ami b'ai naba moa ni uaa n arokan aia katawanang ma aia nne ni kureebe. A na anga baikai aomata nako Iu, ao a na kona n anai tabeua mai iai kaain ami utu akana a itiaki.

Warekaia Iteraera 28:26

Kam na motirawa man ami m'akuri ni moanibongin te Toa ae M'anganikaai. Kam na ikotaki n taromauri, ao uota te karea are te uita ae boou.

Mataio 13:33

E a manga tuangiia te rongorongo ni kabotau teuana, ao E kangai, “Uean te Atua ai aron te iti, are e anaia te aine ao e renganna ma te buraawa ae abwi rawawatana, ao e kabanea ni karikirakea te buraawa.”

I-Rom 8:23

Ma tiaki ti baika karikaki ae e reke aei i rouia, b'a ngaira naba, aika iai iroura te Tamnei are te moanib'ai n ana b'ai n tituaraoi te Atua: ti ngirangira i nanora ni kaantaninga te natinaki ao kainaomatan rab'atara ni kabane.

1.I-Korinto 15:20

Ma E a bon tia ni manga kamaiuaki Kristo mai buakoia maate, ao E riki b'a te b'ai ni kakoaua i bukiia ake a tia ni mate b'a a na manga kamaiuaki naba man te mate.

Iakobo 1:18

E karikira n oin nanona, n te taeka are te koaua, b'a ti na riki b'a kanga moani-b'ai i buakoia akana karikaki i rouna.

Te Kaotioti 14:4

Te koraki aei bon ake a aki kam'araeaki irouia aine, b'a roronga ngaiia aika tuai ni bo ma aine. Boni ngaiia ake a irira te Tiibuteteei nako ike E nako iai. A a tia ni kamaiuaki mai buakoia kaain aonnaba, ao a riki b'a ana aomata te Atua ma te Tiibuteteei: ti te bo ngaiia ma moa n uaa ake a anga aomata nakon te Atua b'a ana b'ai.