Nakoaia Ibonga 22:21 - Te B'aib'ara

²¹ Ngkana kam anga te karea n raoi, e na riai n akea nukanukan te man ane kawakawa anne. E koaua aei, e aoria ngkana tao kanoan te berita ke tao bon te anganano.

Nakoaia Ibonga 22:21 ပူးပေါင်းရင်းမြစ်များ

Karikani B'aai 28:20

Ao e karaoa ana berita Iakob'a nakon te UEA, ao e taku, “Ngkana tao Ko irai mani kaawakinai ni kawaiu aei ma n anganai te am'arake ma te kunnikai,

Taian Areru 50:14

E na riki ami katituaraoi b'a ami karea nakon te Atua, Ao kam na kakoro bukin ami taeka ni bau nakon Teuare Moan te Rietaata.

Te Otinako 35:29

Ao e a tia Moote n tuangiia aomata te b'ai are E tangiriia te UEA b'a a na karaoia, ao angiia mai buakoia a baaireia b'a a na uoti aia b'aintangira.

Taeka n Rabakau 7:14

“N na anga au karea ao e rangi ni m'aiti nikiran te iriko ni man i bukin te baka n am'arake.

Nakoaia Ibonga 22:22

Tai anga b'a te karea te man ae kawakawa ae matakii, ke ae ikoaki, ke ae iai i rouna te man aoraki, ke iai aorakin kunna.

Nakoaia Ibonga 3:1

Ngkana iai ane e anga temanna ana man mai buakon ana nanai ni kao b'a te Karea n Raoi, ao e na riai n anga te kao m'aane ke te kao aine ae akea toabuakan rab'atana.

Nakoaia Ibonga 3:6

Ngkana iai ane e na kamanena te tiibu ke te kooti b'a ana Karea n Raoi, ao e na riai n anga te m'aane ke te aine ae akea toabuakan rab'atana.

Warekaia Iteraera 15:3

Maan ake kam riai ni kabuoki i aon te baonikarea bon taiani kaomm'aane, tiibu mm'aane, ao taiani kooti b'a taiani karea ake kakukureiau. Ao kam kona naba n anganano n anga ami karea, ke i bukina ngke kam a tia ni berita iai, ke i bukina naba ngke boni kanoan waakin ami Toa. I kukurei ni boiararan bubun taian karea aikai.

Warekaia Iteraera 15:8

Ngkana e kareanaki te kaomm'aane b'a te karea are kakukureiau, ke i bukin butiakiu Au kakab'aia,