Nakoaia Ibonga 22:2 - Te B'aib'ara

² b'a e na kaangai nakon Aaron ma natina m'aane: Bon te UEA Ngai ae te Atua, ao I tuangngkami b'a kam na karinea arau ae e tabu ni kaotan ami karinerine nakon te karea are e uotaki nako Iu mairouia Iteraera.

Nakoaia Ibonga 22:2 ပူးပေါင်းရင်းမြစ်များ

Etira 8:28

Ao I taku nakoia ibonga: Ngkami bon ana Aomata te UEA ae Atuaia ami bakatibu, ao bon ana b'ai naba baikai. A tia n anga tirewa ma koora aomata ma nanoia ni koaua, b'a aia b'aintangira nakon te UEA.

Te Otinako 13:12

ao kam na anga ami man karimoa aika mm'aane b'a Ana b'ai te UEA. A na bane ami man aika karimoa mm'aane n riki b'a ana b'ai te UEA,

Te Otinako 28:38

b'a e aonga ni konaa ni katokaa i aon ram'ana. E kaotaki n aei b'a e na katokaa i aona aia bure nako Iteraera ake a tia ni karaoi n aia tai n anga b'aintangira nako Iu, ao N na kab'arai aia bure iai.

Itaia 52:11

Kam na kiitana te kaawa ae e buubura ae B'aburon! Kam na tai riinga te b'ai teuana ae e buakaka. Teboki baimi. Tauraoi ni uoti rikaaki b'aai aika a tabu ake bon ana B'ai te UEA.

Etekiera 44:8

Ngke kam bon riai ni karaoa raoi kawain taromauriau, kam a manga kateia ianena b'a a na tararuaa te taromauri i nanon au Tembora.

Nakoaia Ibonga 15:31

Ao te UEA, E tuanga Moote b'a e na kauringiia Iteraera i bukin aia bure, b'a a aonga n aki kamatauninga ana Um'antabunrianna te UEA, are e mena i nukan te maeka. B'a ngkana a kamatauninga ana Um'antabunrianna te UEA, ao a na tiringaki.

Nakoaia Ibonga 18:21

Ko na tai anga natim nakon taromaurian te atua are Moreka, b'a anne boni kamaamaean aran te Atua, are te UEA.

Nakoaia Ibonga 19:12

Tai kabonganaabuaka Arau ni karaoan berita aika kam na bon aki kaawakin. Bon te UEA Ngai ae Atuami.

Nakoaia Ibonga 20:3

A tia ni kamaamaea te tabo ike I taromauriaki iai ni ikotaki ma Arau ae e tabu. Ma ngaia are, N na ekinakoia ao a na aki manga riki b'a raoia au Aomata.

Nakoaia Ibonga 21:6

Boni Ngai te UEA ae Atuami, ao I a tia n rineiko n ti ngkoe b'a ko na anga te karea ae te am'arake nako Iu i aon te baonikarea. Anne bukina ngkae ko na riai n tabu.

Nakoaia Ibonga 22:1

E tuangaki Moote iroun te UEA

Nakoaia Ibonga 22:32

Kam na tai karika taetaebuakaan Arau ae e tabu; a riai Iteraera ni kabane n ataia ae I tabu. Boni Ngai te UEA, ao I tabuingkami;

Warekaia Iteraera 18:32

Kam na bon aki katuaaeaki ngkana kam kanna, ti ngkana kam a tia n anga nako Iu m'akorona ake a rangi n raoiroi. A na teimatoa n tabu taiani b'aintangira ma karea ake a uoti aomata nako imi, ao ngkana kam kang tabeua mai iai i m'aain ae kam anga nako Iu, ao kam na bon tiringaki.

Te Tua-Kaua 15:19

Ngkana te karimoa te m'aane natin te kao ke te tiibu ke te kooti, ao e na riai n anganaki te UEA. Kam na aki anaia karimoa m'aane aika kao b'a ami man ni m'akuri, ke ni koroburaea te karimoa te tiibu ae te m'aane.