Nakoaia Ibonga 22:18 - Te B'aib'ara

¹⁸ b'a e na tuangiia Aaron ma natina m'aane, ao te koraki ni kabane tuua i bukin te angakarea. E taku, man aika kawakawa akana a na kabuokaki ni kabane i aon te baonikarea, ngkana tao te karea i bukin kakoroan mwiin te boraraoi ke bon te karea ae te anganano,

Nakoaia Ibonga 22:18 ပူးပေါင်းရင်းမြစ်များ

2.Rongorongo 31:14

E anganaki Kore are natin Imna tib'angana kaawakinan te Mataroa are Mainiku, ao e mwiokoaki naba i bukin butim'aean taian angab'ai n anganano nakon te Atua ao tib'akiia naba nakoia taian ibonga ao kanoan Rewi.

Taian Areru 116:14

N aia tai ni bootaki ae ab'ab'aki ana Aomata, ao N na kakoro bukini baike I a tia n atong ake au taeka ni bau b'a N na karaoi.

Taian Areru 116:18

N na kakoro bukini baike I a tia n atong n au taeka ni bau nakon te UEA ngkana a bootaki am aomata

Taian Areru 22:25

N tain te bootaki ae ab'ab'aki, ao N na neboiko i bukini baike Ko a tia ni karaoi. N na anga i mataia aomata aika taromauriko karea ake I a tia n taku b'a N anga;

Taian Areru 56:12

Te Atua, I bae n au taeka ni bau nakoim: N na anganiko au katituaraoi b'a au karea,

Taian Areru 61:5

Te Atua, Ko a tia n ongo au taeka ake I taku b'a N na kakoro bukiia; Ao Ko a tia n anganai te kab'aia are aia b'ai akana karineko.

Taian Areru 61:8

N na anene n nebonebo nakoim, Ao N na kakoro bukin au taeka ake I a tia n taku b'a N na kakoro, n te bong ae koraki.

Taian Areru 65:1

Te Atua, e bon riai iroura b'a ti na neboiko i Tion, Ao ti na kakoro bukin ara taeka ni bau

Taian Areru 66:13

N na uoti karea ni kabuokaki nakon am Auti; N na anganiko baike I a tia n atong n au taeka ni bau.

Te Otinako 12:5

Ko na rinea te tiibu ke te kooti, ko na anaa ae teuana ana ririki ni maiu ae te mm'aane ae akea toabuakan rab'atana.

Te Minita 5:4

Te Atua e aki tangiriia aomata aika a nanobaba. Ma ngaia ae, ko na aki waeremwe ni kakoroa bukin am taeka ni berita nakon te Atua.

Nakoaia Ibonga 1:10

Ngkana iai ane e na anga ana tiibu ke ana kooti, ao e riai n anga te m'aane ae akea toabuakan rab'atana.

Nakoaia Ibonga 1:2

i bukiia Iteraera b'a a na karaoi nanoia ngkana a anga aia karea. Ngkana iai temanna ane e anga man aika kawakawa b'a ana karea, ao e riai n anga temanna mai buakon ana nanai ni kao, ke ana nanai n tiibu ao ni kooti.

Nakoaia Ibonga 17:10

Ngkana iai Iteraera ke iruwa i nanon te maeka aika kana te iriko ma raraana. E na katannakoa matana te UEA mai rouia, ao E na aki araniia b'a ana aomata.

Nakoaia Ibonga 17:13

Ngkana iai te Iteraera ke te iruwa n te maeka ae e kaeman, ke e tau mannikiba, ao ngkana e reke i rouna te man ane e itiaki, ao e na katiinakoa raraana nako aontano ao n taunna n te tano.

Nakoaia Ibonga 22:17

E tuangaki Moote iroun te UEA

Nakoaia Ibonga 23:38

A riai n rungaaki tooa aikai b'a raon te Taabati, ao taai naba ake kam anga b'aintangira iai, ao n raon naba karea i bukini kaawakinan te berita ke karea n anganano.

Nakoaia Ibonga 7:16

Ngkana arona b'a e roko te aomata ma te karea n raoi b'a kakoroan nanon ana taeka ni bau, ke bon oin ana karea n anganano, a na aki kanaki ni kabane n te bong are e karaoaki iai te angakarea, ma ngkana iai nikirana a na manga kanaki nakon te bong are i mwiina.

Amota 4:5

Naako kabuoki kariki b'a karea ni kaitau nakon te Atua, ao uotii naba ami karea n anganano man kamooi ngkami iai! B'a bon te b'ai ae kam tatangiria.

Iona 1:16

Ao a maaka te UEA kaimoa ao a anga karea nakoina, ao n tuea b'a ana m'akuri i bukina.

Iona 2:9

Ma N na anenea kamoamoam; N na anga karea nakoim. N na karaoa are I a tia n taetae n tuea iai. Bon mairoun te UEA te maiu!

Naum 1:15

Noria, e ri aon maunga n nakomai te tia uarongorongo, ma te rongorongo ae e raoiroi! I aon kawaina n taekina te tokanikai! Kaain Iuta, karaoi ami toa, ao angan te Atua baike kam a tia ni berita iai nakoina. A na aki konaa ni manga eweka abam aomata aika a buakaka. A tia ni bane ni kamaunaaki.

Maraki 1:14

Kam anga n onei mwiin maan aika a kariaiakaki ake kam a tia ni berita iai nako iu, maan aikai aika a aki marurung. N na bon katuaaingkami i bukin aei, i bukina ngkai bon te Uea Ngai ae I kakannato, ae te UEA ae Moan te M'aaka, ae I taromauriaki irouia botannaomata n taabo nako.

Warekaia Iteraera 15:3

Maan ake kam riai ni kabuoki i aon te baonikarea bon taiani kaomm'aane, tiibu mm'aane, ao taiani kooti b'a taiani karea ake kakukureiau. Ao kam kona naba n anganano n anga ami karea, ke i bukina ngke kam a tia ni berita iai, ke i bukina naba ngke boni kanoan waakin ami Toa. I kukurei ni boiararan bubun taian karea aikai.

M'akuri 18:18

E kabatiai riki ana bong B'auro n tiku ma taari i Korinto, ao rimwi e kabo ma ngaiia, ao e borau ma Nei Beritikira ao Akura nako Turia; ao e korobuatau B'auro i Kengkirea i m'aini borauna, b'a kakoroan nanon ana taeka ni bau are e bae iai.

Te Tua-Kaua 12:17

Kam kona ni kanna n aron kanakin irikon te ria, ke te katere ae konami ngkana kam kaeman,

Te Tua-Kaua 12:6

ma ni kamaekaingkami ma te rau n te aba are E a tia n anganingkami. Ma ngkana kam a tia n tekateka, ao ane e na manga kaokoro te maiu.

Te Tua-Kaua 16:10

ao kam na nakon te tabo are E rineia te UEA b'a te tabo n taromauri, ao ni kauringa te Toa ae te Tai b'a karinean te UEA ae Atuami. Uoti ami karea aika buubura nakoina n aron ane kam kona ni karekea, n aron korakoran uaan te tai ae a tia n anganingkami. Uringnga ni kairiia natimi m'aane, natimi aine, ao ami toro. Kam na kaoiia naba aomata aika kainano, n reitaki ma kanoan Rewi, ianena, ataei aika akea aia karo, ao aine aika a mate buuia.