Nakoaia Ibonga 22:16 - Te B'aib'ara

¹⁶ Tai kam'araaia ni kanakin te am'arake ae e tabu aei. Uringnga b'a Boni Ngai te UEA are I katabui karea aikai.

Nakoaia Ibonga 22:16 ပူးပေါင်းရင်းမြစ်များ

Taian Areru 38:4

A rangi ni bati au bure, Ai aron te ieka ae I a b'ab'a iai; a rangi n rawaawata n te uotaki.

Te Otinako 28:38

b'a e aonga ni konaa ni katokaa i aon ram'ana. E kaotaki n aei b'a e na katokaa i aona aia bure nako Iteraera ake a tia ni karaoi n aia tai n anga b'aintangira nako Iu, ao N na kab'arai aia bure iai.

Nakoaia Ibonga 10:17

“E aera ngkai kam kana te karea ni kab'arabure n tiaki te tabo are e tabu? E bon rangi n tabu, ao E a tia n anganingkami te UEA b'a kam aonga ni konaa ni kab'araa aia bure aomata.

Nakoaia Ibonga 20:8

I a tia n rineingkami b'a au Aomata, ao I kantaningaingkami b'a kam na ongotaeka nakon au Tua nako.

Nakoaia Ibonga 21:15

N te aro aei, ao kanoam a kona n toro i Rou. Uringnga b'a bon te UEA Ngai, ao I a tia n rineiko.

Nakoaia Ibonga 21:23

ma a aki kona n rin n te tabo are e tabu ke ni karaoi m'akuri nako Iu i aon te baonikarea. Uringnga b'a boni Ngai te UEA are I katabuia ibonga.

Nakoaia Ibonga 21:8

b'a I tabu. Ma ngaia are, a riai ni karaoaki raoi b'aai nako im n te aro ni karinerine ae riai, ngkae ko anga te karea ae te am'arake nako Iu, ngai ae Atuan te tabu.

Nakoaia Ibonga 22:17

E tuangaki Moote iroun te UEA

Nakoaia Ibonga 22:9

Ongotaeka i Rou, ao ngkana ko aki ao ko na mate i aon am m'akuri i bukin kamamaaean te tabo n taromauri. Uringnga b'a Boni Ngai te UEA, are I katabua te ibonga.

Nakoaia Ibonga 7:18

Ngkana arona b'a e kanaki te am'arake n te katenibong, ao e na aki butim'aea ana karea te aomata anne te Atua. E na aki warekaki te karea anne b'a raoiroina, ma e na atongaki b'a kam'araana, ngkana iai ane e kanna, e na manga bon okiraki ni mwiina.

Warekaia Iteraera 18:1

Ao E taku te UEA nakon Aaron, “Tabem ngkoe ma natim mm'aane ao kanoan Rewi ake tabeman ake man te kaainga are Koata, tararuaan b'aai aika riki n te Um'antabunrianna. Ao ngkoe ma natim mm'aane, tabemi tararuaan aia m'akuri ibonga.

Warekaia Iteraera 18:32

Kam na bon aki katuaaeaki ngkana kam kanna, ti ngkana kam a tia n anga nako Iu m'akorona ake a rangi n raoiroi. A na teimatoa n tabu taiani b'aintangira ma karea ake a uoti aomata nako imi, ao ngkana kam kang tabeua mai iai i m'aain ae kam anga nako Iu, ao kam na bon tiringaki.

Mataio 23:17

Te koraki ni baba aika mataki! B'a e nga ae kakawaki riki, te koora ke te um'antabu are ngaia ae karekea ae e na riki n tabu iai te koora?

1.Betero 2:24

Ao E uoti ara bure n rab'atana i aon te kai, b'a ti na mate nakon ara bure ni kitan, ao ti na kabane maiura i bukini karaoan nanon te Atua. Ao kam kamaiuaki n oreana.