Nakoaia Ibonga 21:15 - Te B'aib'ara

¹⁵ N te aro aei, ao kanoam a kona n toro i Rou. Uringnga b'a bon te UEA Ngai, ao I a tia n rineiko.

Nakoaia Ibonga 21:15 ပူးပေါင်းရင်းမြစ်များ

Karikani B'aai 18:19

I a tia n rineia n te aro b'a e na manga mwiokoia natina mm'aane, ma kanoana b'a a na ongotaeka irou ma ni kakaraoa te raoiroi ma te eti. Ngkana a karaoa aei, ao N na karaoi b'aai ni kabane ake I a tia ni berita iai.”

Etira 2:62

Ma a aki konaa n reke araia utu aika tenua aikai, ao bon akea mai buakoia aika a kariaiakaki b'a a na riki b'a ibonga.

Etira 9:2

A tia tabeman m'anen Iteraera ni mare ma aine aika Ianena, ao a kariaia natiia m'aane b'a a na karaoa naba ae ai aron are a karaoia. Ara mataniwi ma ara taani kairiiri bon taani moan karaoa te bure ae moan te kam'araa aei, ao ngkai ana Aomata te Atua aika a tabu a irengan ma aomata aika Ianena.

Te Otinako 34:16

Ane a na mare ami mm'aane ma aia aine ma ni kakairi n taromauriaia antiia.

Nakoaia Ibonga 19:2

kaangai nako ia Iteraera:

Nakoaia Ibonga 20:7

Katabuingkami nako Iu, ao kam bon riai n tabu b'a boni Ngai te UEA ae Atuami.

Nakoaia Ibonga 21:14

man oin am botannaomata. Tai mare ma te aine ae e raure ma buuna ke ae e a tia ni m'aan mai m'aaina, ao tiaki naba ma ainen matawaan te tembora.

Nakoaia Ibonga 21:16

E tuangaki Moote iroun te UEA

Nakoaia Ibonga 21:8

b'a I tabu. Ma ngaia are, a riai ni karaoaki raoi b'aai nako im n te aro ni karinerine ae riai, ngkae ko anga te karea ae te am'arake nako Iu, ngai ae Atuan te tabu.

Nakoaia Ibonga 22:16

Tai kam'araaia ni kanakin te am'arake ae e tabu aei. Uringnga b'a Boni Ngai te UEA are I katabui karea aikai.

Maraki 2:11

Kam a tia ngkami aika kaain Iuta ma Ierutarem n aki kakaonimaki nakon te UEA. Kam a tia ni kamatauningaa ana Tembora are e tangiria, ao kam a tia ni karaoa te bure ae e rangi n ribaaki are taromauriaia anti tabem'aang.

Maraki 2:15

E bon aki karikingkami te Atua b'a kam na riki n ti teuana ma buumi? Ao e aera ngkai E karaoa aei? B'a kam aonga ni karikiia natimi, ao kam na kairiia b'a a na riki b'a a na aomata te Atua. Kam na aki manga oki ni karaoa aromi n aki kakaonimaki nakoia buumi.

Mataio 23:17

Te koraki ni baba aika mataki! B'a e nga ae kakawaki riki, te koora ke te um'antabu are ngaia ae karekea ae e na riki n tabu iai te koora?

I-Rom 11:16

Ngkana e katabuaki m'akoron te kariki b'a ana b'ai te Atua, ao are nikirana bon ana b'ai naba; ao ngkana e katabuaki wakaan te kai b'a ana b'ai te Atua, ao bon ana b'ai naba m'angana.

1.I-Korinto 7:14

I taekina aei i bukina b'a te mm'aane ae aki onimaki e a warekaki b'a temanna ngaia i buakoia ana aomata te Atua i bukin arona ni katiteuanaki ma buuna; ao te aine ae aki onimaki e a riki b'a temanna ngaia i buakoia ana aomata te Atua i bukini buuna ngkae e onimaki. B'a ngkana tiaki arona aei, ao natiia a na katotoong aroia ataei aika natiia beekan; ma ngkana arona aei, ao a butim'aeaki natiia iroun te Atua.