Nakoaia Ibonga 21:10 - Te B'aib'ara

¹⁰ Ngkana te ibonga ngkoe, ao ko riai n aki katuka iran atum n aki komwiaki, ke tao n raeuai kunnikaim ni kaota nanokawakim i bukin te mate.

Nakoaia Ibonga 21:10 ပူးပေါင်းရင်းမြစ်များ

Karikani B'aai 37:34

Ao e raeuai kunnikaina Iakob'a, ao e karin kunnikai aika a raeraeaki. Ao e tanginiwenei i bukin natina arei i nanon te tai ae maan.

2.Tamuera 15:30

Ao e waaki nako Tawita nako karaabeen te Maunga are Oriweta. E bon aki kaunna ao e tang, ao e karabaa atuuna ni kaota rawawatana. Ao a bane n tang ake iria, ao a rabuni naba atuuia.

Etita 6:12

Ao e a manga okira te bareti Moretekai, ao Aaman e kawaekoa n okira ana auti, ao e karabai matana ni baina b'a e mamaa.

Iobi 1:20

Ao e teirake Iobi, ao e raeuai kunnikaina i bukin rawawatan nanona. E koromara atuuna, ao e b'aka ni boobaraaki i aontano, ao n taromauriia te Atua,

Taian Areru 133:2

Ai aron te kabira ae kakawaki are waa rikaaki mai atun Aaron nakoni buaina, ao mai buaina nakon roroan niiniirana;

Te Otinako 29:7

ao i mwiina, kam na katabua ni kab'aroa i aon atuuna b'aan te oriwa.

Etekiera 24:17

Ko na tang n te aro ae akea ae e na ongo tangim ao ko na kaotia b'a ko aki rawaawata. Ko na aki kanakoa am m'aita ke ni kanakoi am kauniwae; ko na aki rabun matam ni kaota nanokaawakim, ke ni kang am'arake aika a kaakang taan nanokawaki.”

Nakoaia Ibonga 13:45

E na riai ni b'ainna te aomata ae e iai i rouna aorakin te kun n te kunnikai ae e raeraeaki, ao e na aki koom'a irana, e na rabuna ubuna are mai nano, ao e na tatakarua ni kaangai, “I kam'araa! I kam'araa!”

Nakoaia Ibonga 16:32

E na riai n anga ana karea te ibonga are e rietaata i bukin kab'araan te bure, ao e na kunnikainna n taian riinen aika tabu.

Nakoaia Ibonga 4:3

Ngkana tao te ibonga ae e bure ni kabuakakaia te botannaomata, ao e na uota te kao teteei ae te m'aane ae akea toabuakan rab'atana, ao e na tiringnga b'a ana karea i bukin ana bure.

Nakoaia Ibonga 8:12

Ao E katabua Aaron ni kab'aroa te b'aa teutana i aon atuuna.

Warekaia Iteraera 35:25

Ngkana ko aki reke ni bure, ao ko na kaawakinaki mairouia ana utu te mate, ao ko na kanakoaki nakon Kaawa ni Kamauri ni karokoa te tai are mate iai te ibonga are rietaata.

Warekaia Iteraera 6:7

e aoria naba ngkana bon tamana, ke tinana, ke tarina, ke mm'aanena. E na riki ni kam'ara ngkana e karaoa aei.

Mataio 26:65

Ao e raea kunnikaina mataniwiia ibonga, ao e taku, “E taetae ni bakanatua! E aera b'a ti na tangiriia riki taani bukibuki? Kam a tia ngkai n ongo ana taeka ni bakanatua!