Nakoaia Ibonga 21:1 - Te B'aib'ara

¹ E anganaki Moote kaetieti aikai iroun te UEA i bukiia m'aane ake natin Aaron ake ibonga: Ko riki ni kam'araa ngkana ko riinga rab'atan te aomata ae mate. Ma ngaia are, tai kaania am koraki ane e mate,

Nakoaia Ibonga 21:1 ပူးပေါင်းရင်းမြစ်များ

Etekiera 44:25

E na kam'araa te aomata ngkana e riinga te mate. Ma ngaia are, e aki riai te ibonga n aki kaaniia te mate, ma ti ngkana bon temanna mai buakoia ana karo ke natina, ke tarina ke m'anena ae e tuai mare.

Otea 5:1

Ongora, ngkami aika ibonga! Kakauongo raoi, Iteraera! Ongora, ngkami aika kaain te utu n uea. Bon tabemi karaoan te motikitaeka ae eti. Ma kam kam'aneia aomata i Mitib'a ao te Maunga are Tabora.

Nakoaia Ibonga 19:28

ke ni korokoroingkami, ke n taitaiingkami i bukin taromaurian te mate.

Nakoaia Ibonga 21:11

Tai kam'araeko ni kaania rab'atan te mate, e aoria ngkana oin tamam ke tinam.

Maraki 2:1

Bon iai te b'ai ae N na taekinna nakoia ibonga Ngai ae te UEA ae Moan te M'aaka.

Maraki 2:4

I tuangngkami te b'ai aio, b'a I aonga ni konaa ni kaawakina au boraraoi ma ami bakatibu are Rewi,

Warekaia Iteraera 19:11

Ngkana kam riinga rab'atan te mate, ao kam na kam'ara i nanon itiua te bong.

Warekaia Iteraera 19:14

Ngkana kam mena n te auti n rianna ae mate te aomata iai, ao kam na kam'ara i nanon itiua te bong. Ao e kam'ara naba te aomata ane a manga rin i nanon te auti n rianna rimwi riki.

Warekaia Iteraera 19:16

Ngkana kam riinga rab'atan te mate ae e tiringaki, ke e mate ngke a boni kara, ke ngkana kam riinga te ri, ke te ruanimate, ao kam na kam'ara iai i nanon itiua te bong.

Warekaia Iteraera 5:2

b'a e na kaangai nakoia Iteraera, “Kam na kanakoa ana auti n rianna te aomata ae rebera, ao ane meira te buri, ke ane e a tia n riinga rab'atan te mate.

Warekaia Iteraera 6:6

I nanon te tai are e riki iai te aomata b'a te Natiraite, ao e na aki kaakaniia ma te mate,