Nakoaia Ibonga 20:8 - Te B'aib'ara

⁸ I a tia n rineingkami b'a au Aomata, ao I kantaningaingkami b'a kam na ongotaeka nakon au Tua nako.

Nakoaia Ibonga 20:8 ပူးပေါင်းရင်းမြစ်များ

Te Otinako 31:13

Bon au b'ai te Taabati. I tuangkami ngkai ma ami kariki nako b'a kam na ongotaeka n taai nako nakon tuan nako te Taabati. I bukin karaoan aei i Rou, b'a kam aonga n ataia b'a I a tia n rineingkami b'a au aomata ni koaua.

Etekiera 20:12

Ao I tuangiia b'a a na karinea te bong ae te Taabati b'a kanikinaeana b'a a tabu b'a Au b'ai.

Etekiera 37:28

A na bane n ataia botannaomata n te aonnaba ae e mena au Tembora i Iteraera ao I a tia n rineia Iteraera b'a Au aomata.

Nakoaia Ibonga 19:19

Kamenaia am nanai ni man aika kawakawa aika ti te arona b'a a na boni kariki i rouia, ao tai uniki uaekaki te aroka i nanon te tawaana ae ti teuana ke tao ni b'ain kunnikai aika a karaoaki man moti ni kunnikai aika uaekaki.

Nakoaia Ibonga 19:37

Kam na ongotaeka nakon au tua nako.

Nakoaia Ibonga 20:26

Boni Ngai te UEA ae Atuami ae tabu. Kam a tia n rineaki b'a au aomata, ao kam riai n tabu naba.

Nakoaia Ibonga 21:8

b'a I tabu. Ma ngaia are, a riai ni karaoaki raoi b'aai nako im n te aro ni karinerine ae riai, ngkae ko anga te karea ae te am'arake nako Iu, ngai ae Atuan te tabu.

Nakoaia Ibonga 22:32

Kam na tai karika taetaebuakaan Arau ae e tabu; a riai Iteraera ni kabane n ataia ae I tabu. Boni Ngai te UEA, ao I tabuingkami;

Mataio 12:50

B'a ane toua mwin ana taeka Tamau are i karawa, ao bon tariu, ao m'aneu, ao tinau.”

Mataio 23:17

Te koraki ni baba aika mataki! B'a e nga ae kakawaki riki, te koora ke te um'antabu are ngaia ae karekea ae e na riki n tabu iai te koora?

Mataio 5:19

Ma ngaia aei, b'a ane kamamaraaea m'aakan te Tua teuana ae maraurau riki i buakon tuua aikai, ao e reireiia aomata b'a e a toki manenana, ao e na atongaki b'a moan te mangori n Uean te Atua; ma ane tou mwin tuua aikai n reireiia aomata iai, ao e na atongaki b'a e kakannato n Uean te Atua.

Mataio 7:24

Ma ngaia aei, b'a ane ongo au taeka aikai ao e iri nanoia, ao ai aron te aomata ae wanawana, are katea ana auti i aon te b'a.

Ioane 13:17

Ngkana kam atai baikai, ao kam a kab'aia ngkana kam karaoi.

1.I-Korinto 1:30

Ma E a tia te Atua n reitingkami ma Kristo Iesu, ao E a tia naba ni karika Iesu b'a rabakaura. A reke reitaki ma te Atua i Rouna; ti a riki b'a ana aomata te Atua ngaira, ao ti a kainaomataki i Rouna;

1.I-Tetaronike 5:23

Ao Atuan te raoiroi E na karaoingkami b'a kam na riki n ai arona n aromi nako; ao a na kawakinaki tamneimi, ma maiumi, ma rab'atami, b'a a na aki konaki ni kabuakakaki i matan ara Uea are Iesu Kristo.

2.I-Tetaronike 2:13

Ma e riai b'a ti na katituaraoa te Atua n taai nako i bukimi, taari, akana kam tangiraki iroun te Uea. I bukina b'a E a tia n rineingkami te Atua b'a moan aomata ake a ana kamaiuaki ni m'aakana iroun Tamneina are Raoiroi b'a kam aonga n Raoiroi, ao ni kaaki ami onimaki n te koaua.

Iakobo 1:22

Kam na aki m'am'anaingkami n iangoia b'a ti taan ongora ngkami n ana taeka te Atua; ma kam na riki b'a taan toua mwina.

Te Kaotioti 22:14

A a kab'aia akana teboki aia kunnikai aika m'arairai, b'a e na reke nakoia te kona n roko n te kai ni maiu, ao te kona n rin nako i nanoni mataroan te kaawa, b'a a aonga n rin n te kaawa.