Nakoaia Ibonga 20:3 - Te B'aib'ara

³ A tia ni kamaamaea te tabo ike I taromauriaki iai ni ikotaki ma Arau ae e tabu. Ma ngaia are, N na ekinakoia ao a na aki manga riki b'a raoia au Aomata.

Nakoaia Ibonga 20:3 ပူးပေါင်းရင်းမြစ်များ

Te Otinako 30:33

Ko na aki manga riki b'a ana aomata te UEA ngkana ko karaoa anne.”

Etekiera 20:39

Waaki nako n taromauria ami bouannanti n te tai aei, ngkoe ae Iteraera, b'a N nang karaoiko b'a ko na aki karineai n te tai ae e aki maan b'a ko nang anga b'aintangira nakoia.

Etekiera 5:11

E a tia ami bure aika a rangi n ribaaki ni karika au Tembora b'a te tabo ae e aki tau i bukin taromauriakiu. Ma ngaia ae, I tuea i bon i Rou b'a N na tannako mairoumi ao N na aki manga nanoangaingkami.

Nakoaia Ibonga 15:31

Ao te UEA, E tuanga Moote b'a e na kauringiia Iteraera i bukin aia bure, b'a a aonga n aki kamatauninga ana Um'antabunrianna te UEA, are e mena i nukan te maeka. B'a ngkana a kamatauninga ana Um'antabunrianna te UEA, ao a na tiringaki.

Nakoaia Ibonga 17:10

Ngkana iai Iteraera ke iruwa i nanon te maeka aika kana te iriko ma raraana. E na katannakoa matana te UEA mai rouia, ao E na aki araniia b'a ana aomata.

Nakoaia Ibonga 18:21

Ko na tai anga natim nakon taromaurian te atua are Moreka, b'a anne boni kamaamaean aran te Atua, are te UEA.

Nakoaia Ibonga 19:12

Tai kabonganaabuaka Arau ni karaoan berita aika kam na bon aki kaawakin. Bon te UEA Ngai ae Atuami.

Nakoaia Ibonga 20:4

Tabeman i buakomi tao kam kona ni kariaia b'a a na anga aia karea ae te aomata,

Nakoaia Ibonga 21:6

Boni Ngai te UEA ae Atuami, ao I a tia n rineiko n ti ngkoe b'a ko na anga te karea ae te am'arake nako Iu i aon te baonikarea. Anne bukina ngkae ko na riai n tabu.

Nakoaia Ibonga 7:20

ma ngkana e kanaki iroun te aomata ae e kam'araa, ao e na aki atongaki te aomata anne b'a ana Aomata te Atua.

Nakoaia Ibonga 7:21

Ngkana arona b'a e kanaki naba te iriko ni man ae te karea aei i mwiin boona ma te b'ai teuana ae e kam'araa, tao b'ain rab'atan te aomata ke te man ae e kam'araa, ao e na aki atongaki te aomata anne b'a ana Aomata te Atua.

Warekaia Iteraera 19:13

Ngkana tao arona b'a kam riinga rab'atan te mate, ao kam rawa n tebokingkami n te ran are renganaki ma mannangin te kao, ao kam na boni bure iai ni kam'araea au Um'antabunrianna, ao kam na aki atongaki b'a Iteraera.

Warekaia Iteraera 19:20

Ngkana kam kam'ara, ao kam rawa ni kaitiakaki n tebokaki n te ran are e renganaki ma te mannang, ao kam na boni bure iai ni kam'araea au Um'antabunrianna, ao kam na aki manga atongaki b'a Iteraera

2.I-Korinto 6:16

Ao tera reitakin ana um'antabu te Atua ma bouannanti? B'a ngaira bon ana um'antabu te Atua ae maiu, n ai aron ana taeka te Atua are kangai: “N na mamaeka i buakoia ao N na nakonako i buakoia; N na riki b'a Atuaia, ao a na riki b'a au aomata.”

1.Betero 3:12

B'a E tarataraia akana raoiroi te Uea, ao E ongo aia tataro, ma E ekianako akana karaoa ae buakaka.”