Nakoaia Ibonga 20:24 - Te B'aib'ara

²⁴ Bon te UEA Ngai ae Atuami, ao I a tia ni beritana abaia nako imi are e kaub'ai n te miriki ma aia karewe manibeeru. I a tia n rinei ngkami b'a kam na kaokoro ma ngaiia.

Nakoaia Ibonga 20:24 ပူးပေါင်းရင်းမြစ်များ

1.Uea 8:53

Ngke Ko kaotinakoia ara bakatibu mai Aikubita, ao Ko tuanga Moote are am toro b'a e na taetae nakoia ni kaangai, E a tia n rineingkami te UEA ae te Atua mai i buakoia aomatan te aonnaba b'a ana Aomata ni koaua.

Te Otinako 13:5

E berita ngkoa te UEA nakoia ami bakatibu b'a E na anganingkami abaia kaain Eta, kaain Amora, kaain Iwa, ao kaain Iebuti.

Te Otinako 3:17

ao I berita b'a N na kairiia ni kaotinakoia man aia kangaanga. N na anganiia te aba ae e m'aiti iai te miriki ao ana karewe te manibeeru, ike a maeka iai ngkai kaain Kanaan, kanoan Eta, kaain Amora, kaain Berita, kaain Iwa, ao kaain Iebuti.

Te Otinako 3:8

ao I ruo rikaaki ngkai b'a N na kamaiuia mairouia kaain Aikubita. N na kaotinakoia Au aomata mai Aikubita nakon te aba ae e maiu reirei, ae e m'aiti iai te miriki ma ana karewe te manibeeru. N na anganiia te aba are a maeka iai ngkai kaain Kanaan, kaain Eta, kaain Amora, kaain Berita, kaain Iwa ao kaain Iebuti.

Te Otinako 33:1

E taku te UEA nakon Moote: Ko na kairiia aomata ni kaotinakoia mai Aikubita. Katauraoiko ngkai b'a ko na kairiia nakon te aba are I a tia ni berita iai nakoia aia bakatibu ake Aberaam, Itaaka, ao Iakob'a.

Te Otinako 33:16

Ma ngkana Ko iriira, ao a na bane n ataia aomata b'a Ko kukurei i rouia am aomata ao Ngai, ao n aron are ti na kaokoro iai ma aomatan nako te aonnaba.”

Te Otinako 33:3

aika kaain Kanaan, kaain Amora, kaain Eta, kaain Iwa, ao kaain Iebuti, N na iriia au aomata, ma a bon rangi ni kamangao, ai ngaia are N na kamaunaia i m'aain rokoia ikekei.

Te Otinako 6:8

N na karokoi ngkami n te aba are I karaoa iai au berita ae e matoa nako ia Aberaam, Itaaka, ao Iakob'a, ao e na riki b'a ami b'ai. Bon te UEA Ngai.”

Nakoaia Ibonga 14:34

ake tuan te rebera are a reke n auti nako. (A na kamanenaaki tuua aikai irouia Iteraera ngkana a rin n te aba are Kanaan, are te aba are E a kaman anganiia te UEA b'a abaia.)

Nakoaia Ibonga 20:26

Boni Ngai te UEA ae Atuami ae tabu. Kam a tia n rineaki b'a au aomata, ao kam riai n tabu naba.

Warekaia Iteraera 23:9

“I taratara rikaaki mai taubukin te Maunga ao I nooriia Iteraera, Ana aomata te Atua aika ongotaeka.

Ioane 15:19

Ngkana ana b'ai te aba ngkami, ao e na tangiringkami b'a e tangiriia ana b'ai; ma ngkai tiaki ana b'ai te aba ngkami, ao I rineingkami mai iai, ao bon aei bukina ae e ribaingkami iai te aba.

2.I-Korinto 6:17

Ao E kangai naba te UEA: “Ma ngaia ae kam na m'awa mai buakoia, kam na kaokoroingkami; Kam na aki riinga te bae kam'ara, Ao N na butim'aingkami;

Te Tua-Kaua 14:2

E a tia n rineingkami te UEA ae Atuami mai buakoia bootanaomatan te aonnaba b'a Ana b'ai. Kam a b'ainaki iroun te UEA, ma ngaia are, kam na aki katotoongia aomata aika tataromauria atua riki tabeman.

Te Tua-Kaua 7:6

Iteraera, bon ana Aomata te UEA ae Atuami ngkami aika kam rineaki. A rangi ni m'aiti botannaomata n te aonnaba aei, ma E ti rinea Iteraera b'a ana Aomata aika bon Ana b'ai.

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.