Nakoaia Ibonga 20:2 - Te B'aib'ara

² b'a e na kaangai nako ia Iteraera: Te tuaa nakoia kaain te aba ao iruwa ngkana a anga natiia b'a te karea nakon te anti are Moreka bon te karebanaaki n te atiibu ni karokoa te mate.

Nakoaia Ibonga 20:2 ပူးပေါင်းရင်းမြစ်များ

1.Uea 11:7

E karaoi taian baangota Toromon i aon te tabuki are i mainikun Ierutarem i bukin taromaurian Kemoti are antiia kaain Moaaba ae e rangi ni kam'araa, ao Moreka are antiia kaain Ammon ae e rangi ni kam'araa.

2.Uea 17:17

A kabonganaa te tabunea, ao m'akuri ni ibonga i bukiia anti, ao a anga oin natiia b'a taiani karea. A kakaraoi b'aai ake E ribaai te UEA Iteraera.

2.Uea 23:10

E kanakoia tabeman m'aane Iotia nakon te M'arua are Innom are i tinanikun Ierutarem ma ana taeka ae a na aki kariaiakaki baonikarea ikekei b'a b'aai n taromauri. N te aro anne, are a aki konaa iai aomata ni manga kamanenai i bukin kareanakin aia ataei nakon Moreka.

2.Rongorongo 28:3

ao e anga karea n te M'arua are Innom. Ana bure ae e rangi ni buakaka ngke e anga oin natina te m'aane b'a ana karea, are bon te katei ae moan te buakaka ngkoa irouia te botannaomata ake a kanakoaki iroun te UEA mai aon Iteraera.

2.Rongorongo 33:6

ao e katea naba te atiibu are taamnein antiia ianena. E kaakaraoa naba taiani m'akuri n tabunea ao ni b'ainikawai,

Taian Areru 106:38

A kamateia natiia aika akea aia bure, ao e kam'araeaki aon te aba i bukini m'akuri n tiritiri aikai.

Ieremia 32:35

Ao a kairiia kaain Iuta nakon te bure ngke a manga karaoi taabo i bukin taromaurian B'aara n te M'arua are Innom, ike a karean iai natiia mm'aane ma natiia aine nakon Moreka. I bon tuai man tuangiia b'a a na karaoi buure aika a rangi n ribaaki aikai.

Ieremia 7:31

Kam a tia ni katea te baonikarea i Tobeta n te M'arua are Innom ike kam tiringiia ami ataei iai ma ni kabuokiia b'a taiani karea nako ia anti tabem'aang. I bon tuai man tuangkami b'a kam na karaoa te aekaki aei.

Etekiera 20:26

ao I kariaia b'a a na anga nako iu taiani karea aika a aki kariaiakaki, n reitaki ma naati m'aane ake taiani karimoa. I karaoa aei b'a N na kakamaakuia b'a a na ataia b'a boni Ngai ae te UEA ae I katuaaia.

Etekiera 20:31

b'a a manga taromauri bouannanti ao a anga oin natiia b'a taiani karea. A karaoi taiani bure aikai ao a bon teimatoa naba ni kaantaningaia b'a a bon konaa n bubutiai te rongorongo b'a N na kaotia nakoia. Ngkai bon te UEA ae te Atua Ngai ae I maiu, ao N na bon aki anganiia te kaeka.

Etekiera 23:37

E a tia n aki kakaonimaki ngke a taromauri taiani bouannanti, ao a tia ni karaoa te bure n tiritiri ngke a karean oin natiia b'a aia angab'ai nakon taian bouannanti.

Etekiera 23:39

A kabuakaka au Tembora ni bon te bong are a anga iai natiu b'a aia karea nakon taiani bouannanti!

Nakoaia Ibonga 17:13

Ngkana iai te Iteraera ke te iruwa n te maeka ae e kaeman, ke e tau mannikiba, ao ngkana e reke i rouna te man ane e itiaki, ao e na katiinakoa raraana nako aontano ao n taunna n te tano.

Nakoaia Ibonga 17:15

Ngkana iai aomata n aki akaaka, te Iteraera ke te iruwa ae kana irikon te man ae e boni mate i rouna, ke ni mate iroun raona ni man, e riai n teboki moa kunnikaina, e na tebotebo, ao n tataningaa te tairiki ike e a itiaki iai.

Nakoaia Ibonga 17:8

Ngkana iai te I-Iteraera ke te iruwa i nanon te maeka ae e anga ana karea ni kabuokaki, ke te aeka ni karea riki teuana

Nakoaia Ibonga 18:21

Ko na tai anga natim nakon taromaurian te atua are Moreka, b'a anne boni kamaamaean aran te Atua, are te UEA.

Nakoaia Ibonga 20:1

E tuangaki Moote iroun te UEA

Nakoaia Ibonga 20:27

Ngkana ko taku b'a e reke iroum te rongorongo mairoun te mate, ko na karebanaaki ni karokoa matem, b'a aei ae ko kaantaningaia.

Nakoaia Ibonga 24:14

E a tia n taetaebuakai teuaei. Uotia nako tinanikun te maeka ao a na katokai baiia taani kakoaua i aon atuna. Ao i mwiina tuangiia Iteraera ni kabane b'a a na karebanaia n atiibu ni karokoa matena.

Nakoaia Ibonga 24:16

E aoria ngkana te Iteraera ngaia ni bungiakina, ke ngkana te iruwa ae maeka i rarikimi.

Nakoaia Ibonga 24:23

Ngke e toki n taetae Moote, ao aomata a karaoa naba are e tua te UEA nakoni Moote, ike a karebanaa naba teuare e taetaebuaka ngkoa te UEA. A karebanaia ni karokoa e mate.

M'akuri 7:43

Ao kam tabeka um'ani Moroka n uouotia, ma ana itoi te anti are Reban, ake bouananti ake kam karaoi b'a kam na taromauriia; ao N na kanakoingkami nakon aaba ake i tinanikuni B'aburon.”

Te Tua-Kaua 12:31

Kam na bon aki karaoa anne. B'a te UEA, E ribaai aroia botannaomata aikai n taromauriia antiia, i bukina b'a a kabuoki natiia m'aane ao natiia aine b'a aia karea.

Te Tua-Kaua 17:2

E anganingkami ami kaawa aika kam na maeka iai te UEA. Ma n te tai teuana rimwi, ao iai tabeman ane a na manga waakina taromauriaia atua riki tabeman, ni karokoa a na bon taromauria naba taai, nam'akaina, ke taian itoi. I a tia ni kauringngkami b'a kam na aki taromauriia atua riki tabeman, b'a ane taromaurii, ao e aki ongotaeka iai nakon te UEA, ao e urua te boraraoi are E a tia te UEA ni karaoia ma ngkami.

Te Tua-Kaua 18:10

Kam na aki kareani natimi m'aane ke natimi aine. Ao kam na aki naba kataia ni karaoi taian m'akuri n tabunea, ke m'akuri ni ibonga irouia anti n tataekin kanoan boong aika tuai roko ke ni kamaraiaia aomata, ke n taetae ma tamneia aika mate.

Te Tua-Kaua 21:21

Ao a na karebanaa te nati te m'aane anne n taian atiibu m'anen te kaawa anne ni karokoa matena, b'a e aonga ni mauna nako te m'akuri ae buakaka ae karikirakea te aomata anne man te kaawa anne. Ao ane a na maaku iai Iteraera ngkana a ongo aron katuaaean te aomata anne.

Te Tua-Kaua 22:21

ao e na kairaki te ainenum'a anne nako mataroan ana auti tamana ao e na karebanaaki n taian atiibu ni karokoa matena. E a tia ni karokoa te m'akuri ae kammaira i nanon te kaawa ngke e wenenibure ma te m'aane temanna i m'aain marena, ao kam na riai n kamaunaa te m'akuri ae buakaka aei n tiringa te aine anne.