Nakoaia Ibonga 2:14 - Te B'aib'ara

¹⁴ Kam na anga te uita are e tinimaki ke te uita are kamantaki teutana.

Nakoaia Ibonga 2:14 ပူးပေါင်းရင်းမြစ်များ

Karikani B'aai 4:3

N te bongina, ao e uoti uaan arokana tabeua Kain, ao e anga b'a ana karea nakon te UEA.

2.Uea 4:42

Temanna te m'aane man te kaawa are B'aaratiaritia are e uoti tabeua taiani uita aika a tib'a koreaki, ao 20 taiani kariki aika a karaoaki man moani uaan te b'aare ake a taiaki. Ao e taku Eritai, “Anganiia aomata b'a a aonga n am'arake.”

Nakoaia Ibonga 2:15

Ao kam na renganna ma b'aan te oriwa, ao te b'ai ni kaboiarara are e kaakabubuaki.

Nakoaia Ibonga 2:16

Ao e na anai tatabeuta man baikanne te ibonga ni ikotaki ma b'aan te oriwa, ao te b'ai ni kaboiarara are e kaakabubuaki ao e na kabuoki b'a am'arake aika taian karea nakon te UEA.

Nakoaia Ibonga 22:29

Ngkana kam anga te karea ni kaaitau nako iu, ao kam riai ni karaoia n angana ae e na butim'aeaki iai.

Nakoaia Ibonga 23:10

b'a e na kaangai nakoia Iteraera: Ngkana kam rin n te aba are N anganingkami, ao kam na anganai te moani b'ab'ati ni uaa nako. Ma ngaia are, angan te ibonga

Nakoaia Ibonga 23:13

n ikotaki ma uoua te kiro te buraawa ae e manti raoi ae e renganaki n te oera. E na katokaa i aon te baonikarea are te buraonti, ao e na kanakoa nako Iu n te bubu ae e boiarara ae e kakukureiai. I rarikin naba baikai, kam riai naba n uota teuana te riita te wain b'a te karea ae te mooi.

Nakoaia Ibonga 23:20

E na tabeki rake te ibonga tiibu aikai ma te kariki ni katabuaki nako Iu. A tabu karea aikai ao bon au b'ai n tangira nakoia ibonga.

Maraki 1:11

E neboaki arau man te karangaina ni karokoa te airoo irouia botannaomata ni kabane n te aonnaba, ngkana a kabuoka te b'ai ni kaboiarara ma n anga te karea ae e boni kaantaningaaki nako iu.

Warekaia Iteraera 28:2

b'a e na kaangai nako ia Iteraera: Kam na anga ami karea nako Iu n ami tai n taromauri ake a tia n rineaki, b'a I aonga n aroka bubun te karea ao I kukurei iai.

1.I-Korinto 15:20

Ma E a bon tia ni manga kamaiuaki Kristo mai buakoia maate, ao E riki b'a te b'ai ni kakoaua i bukiia ake a tia ni mate b'a a na manga kamaiuaki naba man te mate.

Te Tua-Kaua 26:2

ao kam nang uniki arokami taiani uita ma b'aare iai. Ao ngkana kam a moana taian uaan arokami mai iai, ao kam na nnea are kam moan anaia i nanon te b'atiketi. Kam na uoti nakon te tabo are e a tia n rineia te UEA ae Atuami b'a te tabo are E na taromauriaki iai,

Te Kaotioti 14:4

Te koraki aei bon ake a aki kam'araeaki irouia aine, b'a roronga ngaiia aika tuai ni bo ma aine. Boni ngaiia ake a irira te Tiibuteteei nako ike E nako iai. A a tia ni kamaiuaki mai buakoia kaain aonnaba, ao a riki b'a ana aomata te Atua ma te Tiibuteteei: ti te bo ngaiia ma moa n uaa ake a anga aomata nakon te Atua b'a ana b'ai.