Nakoaia Ibonga 2:12 - Te B'aib'ara

¹² Kam na uoti ami karea are uaan te moan tai n te ririki, ma kam na aki kabuoki i aon te baonikarea.

Nakoaia Ibonga 2:12 ပူးပေါင်းရင်းမြစ်များ

Karikani B'aai 23:17

Ao anne ngkanne aron te b'anga ni matang are ana b'ai Ebiron are e mena i Makebera are i mainikun Mamre ngke a riki b'a ai ana b'ai Aberaam. E reke naba i rouna te katawanang, ma te b'anga ni matang are i nanona, ma kaai ni kabane ake i nanon te katawanang ni karokoa tokin raoi tiana.

2.Rongorongo 31:5

Ao n te tai are a bon tib'a ongo iai aomata te b'ai are e tangiria te uea, ao a uoti naba kabwian aia b'ai ni kabane, n reitaki ma aia kabanea n raoiroi n uita, wain, b'aan te oriwa, ana karewe te manibeeru, ao uaan aia tawaana riki tabeua.

Te Otinako 22:29

Kam na kakaonimaki n anga te karea are te uita ao te wain ake bon au b'ai. Kam na katabuia natimi mm'aane b'a au b'ai

Te Otinako 23:19

Kam na katoa ririki ni uota m'akoron ami moa ni uaa aika kabanea n raoiroi nakon te tabo n taromauri. Kam na aki kaburoa te bun ni kooti i nanon mirikin tinana.

Te Otinako 34:22

Kam na bukamarua te Toa ae M'anganikaai ni karokoa tokin te aumeaang ngkana kam taiia uaan te uita, ao ni bukamarua te Toa ae M'anganikaai ni katoa tokin te aumaiaki ngkana kam kiniki uaa.

Nakoaia Ibonga 23:10

b'a e na kaangai nakoia Iteraera: Ngkana kam rin n te aba are N anganingkami, ao kam na anganai te moani b'ab'ati ni uaa nako. Ma ngaia are, angan te ibonga

Nakoaia Ibonga 23:17

Uoti uoua kariki ni buraawa b'a a na tabekaki rake ni katabuakaki nako Iu. Kariki ni buraawa aikai n tatabeua nako a na karikaki ma te iti ao uoua te kiro te buraawa ae manti raoi ake mani moani m'akoron ami tai.

Nakoaia Ibonga 7:13

N raonaki ma anne, e na riai naba n anga te kariki ae e karaoaki ma te iti.

Warekaia Iteraera 15:20

Kam na anga nako Iu te moan kabobo n te buraawa are kam karaoia man moan uitan te tai. Karaoa teuana te kariki ao anganai n aron are kam karaoia n te karea are te uita.

Warekaia Iteraera 18:12

N aron aei, ngkana a uoti aia moani b'a ma aia moani wain, ao aia moani uita Iteraera, ao kam na b'aini kabanean tamaroan m'akoron b'aintangira aikai.

1.I-Korinto 15:20

Ma E a bon tia ni manga kamaiuaki Kristo mai buakoia maate, ao E riki b'a te b'ai ni kakoaua i bukiia ake a tia ni mate b'a a na manga kamaiuaki naba man te mate.

Te Tua-Kaua 26:10

Ao ngkai te UEA, I uoti nakoim kabanean raraoin uaan te uita ma te b'aare ake Ko a bon tia n anganai.

Te Kaotioti 14:4

Te koraki aei bon ake a aki kam'araeaki irouia aine, b'a roronga ngaiia aika tuai ni bo ma aine. Boni ngaiia ake a irira te Tiibuteteei nako ike E nako iai. A a tia ni kamaiuaki mai buakoia kaain aonnaba, ao a riki b'a ana aomata te Atua ma te Tiibuteteei: ti te bo ngaiia ma moa n uaa ake a anga aomata nakon te Atua b'a ana b'ai.