Nakoaia Ibonga 2:1 - Te B'aib'ara

¹ Ngkana iai ane anga ana karea are te kaaitau nako iu, ao e na riai moa ni kamanta raoi ana buraawa, ao e na renganna ma b'aan te oriwa, ao te b'ai ni kaboiarara are e kaakabubuaki,

Nakoaia Ibonga 2:1 ပူးပေါင်းရင်းမြစ်များ

Te Otinako 29:2

Ao i mwiina, kam na karaoi ten aekaki taian kariki aika aki karikaki. Tabeua mai iai b'a taian kariki aika a buubura, ao tabeua b'a taiani kariki aika uarereke aika renganaki ma b'aan te oriwa, ao nikirana a na karaoaki b'a taian kariki aika mmani aika kabiraki aoia n te oera.

Itaia 43:23

Ko a tia n aki karineai ni karean taian tiibu ma maan riki tabeua. Ao I tuai ni karawaawatako n tangiri taian karea ke taiani b'ai ni kaboiarara.

Itaia 66:20

A na uotiia mai ami koraki man taiani botannaomata b'a taian karea nako iu, Ngai ae te UEA. A na roko i aon taian aoti, taian kaanibuaka ao kaani m'am'ananga, miure ao taiani kaamero nako Ierutarem, ae Au maunga ae e tabu. A na riki b'a kaanga Iteraera aika a uoti taian karea nakon au Tembora.

Etekiera 46:20

ao E taku, “Aikai taian ruu ni kuuka ike a na kaburoa iai te iriko ni man are a na anga ibonga b'a te karea are i bukin kaetan b'aai. A na kam'ai naba taian uita n taian ruu ni kuuka aikai. Aei are e a katoka te kangaanga are uotakin taian angab'ai aika a tabu ri nanon te katawanang are i tinaniku, b'a e kaawa n ae e a ti rina naba ni bo ma temanna n tiaki nanona, ao e na reke n te kangaanga.

Ioera 1:9

A aki manga oki n uotaki nakon ana Tembora te UEA taian angab'ai ake taian uita ma te wain. A rangi n nanokawaki Ana tia m'akuri ake taian ibonga.

Ioera 2:14

Bon te UEA Ngai ae Atuami. E na mena ngkoa ao N na manga bita nanou ma n nanoangaingkami. Ao ane kam na kakab'aiaki n anganaki taian uita ao te wain ae e tau i bukin te angakarea nako iu.

Nakoaia Ibonga 14:10

N te kawanua ni bong e na uoti uoman taian tiibuteteei aika m'aane aika akea toabuakan rab'ataia, ao uoman naba tiibu aine aika kaka teuana aia ririki, aika akea naba toabuakan rab'ataia, ao tenua te kirokuraem te buraawa ae renganaki ma b'aan te oriwa, ao te katenim'akoro te riita b'aan te oriwa.

Nakoaia Ibonga 24:7

I rarikin te rinan n tatabeua nako kamenaa teutana te boiarara ni koaua ae e na kanakoaki boina n te ai, b'a e a aki kareanaki te kariki nako Iu, ma ai te boiarara.

Nakoaia Ibonga 5:11

Ngkana arona b'a e aki konaa te aomata ni karekei uoman taian taobe ke uoman taian bitin, ao e na riai ni uota teuana te kirokuraem te buraawa b'a te karea ni kab'ara bure. E na aki riai ni kaaki b'aan te oriwa teutana i aon te baonikarea ke teutana naba te b'ai ni kaboiarara are e kaakabubuaki, i bukina b'a te karea ni kab'arabure, ao tiaki te karea are te uita.

Nakoaia Ibonga 6:7

E na anga te karea te ibonga i bukin ana bure te aomata, ao e na kab'araaki iai ana bure te aomata anne.

Nakoaia Ibonga 9:17

E kaota te karea are te uita ao e anaa te abutana te buraawa ao e kabuokia i aon te baonikarea. (Aio are raon te karea ni katoa bong.)

Nakoaia Ibonga 9:4

ao te kaom'aane ma te tiibu m'aane b'a te karea n raoi. A na riai n anga b'a aia karea nakon te UEA n reitaki ma te karea are te uita ae e renganaki ma b'aan te oriwa. A na riai ni karaoa aei i bukina b'a E na kaoti te UEA n te bong aei.”

Maraki 1:11

E neboaki arau man te karangaina ni karokoa te airoo irouia botannaomata ni kabane n te aonnaba, ngkana a kabuoka te b'ai ni kaboiarara ma n anga te karea ae e boni kaantaningaaki nako iu.

Warekaia Iteraera 18:9

n reitaki naba ma m'akoron te karea are te uita, ao m'akoron naba te karea ni kabomwi. Ami b'ai man te karea aei bon te m'akoro are aki kabuokaki i aon te baonikarea.

Warekaia Iteraera 28:5

Ao a na raonaki ni uoua te rawawata te buraawa are e rangi ni manti are renganaki ma uoua te b'ainti b'aan te oriwa.

Warekaia Iteraera 29:18

kam na anga n reitaki ma karea ake a kainanoaki i bukin te moani bong,

Warekaia Iteraera 7:13

ao ana anga karea bon teuana te raurau ae ab'ab'aki ae te tirewa, ae rawatana 130 te tiekera ke e kaan teuana ma te iterana te kirokuraem (1.495 kg) rawawatana, ao teuana te boora te tirewa ae itibwi te tiekera ke 805 te kuraem (805g) rawawatana uaia n on n te buraawa ae manti raoi ae renganaki n te b'aa b'a te iriko n anga karea:

Warekaia Iteraera 7:19

e anga teuana te raurau ae te tirewa, ae tebubua tenibwi te tiekera ke e kaan teuana ma te iterana te kirokuraem (1,495 kg) rawatana, teuana te boora n tirewa ae itibwi te tiekera ke 805 te kuraem (805g) rawatana, n ai aron tiekeran te um'a are tabu; a uaia n on n te buraawa ae manti raoi ae renganaki ma te b'a i bukin te iriko n anga karea;

Warekaia Iteraera 8:8

A na uota mai te kao mm'aane, ao te uita are te karea ni koaua, are te buraawa ae renganaki ma b'aan te oriwa. Ao a na manga uota mai te kao mm'aane are te kauoman b'a te karea ni kab'arai bure.

Ioane 6:35

E taku Iesu nakoia, “Boni Ngai te am'arake ni kamaiu; ane nako iu ao e na bon aki manga kona ni baki, ao ane onimakinai ao e na bon aki taka.

1.Ioane 2:20

Kam a tia ni kabiraki iroun Teuare Moan te Raoiroi, ao kam atai b'aai ni kabane.

1.Ioane 2:27

Ao ngkami, E a tia Kristo ni karuoa Tamneina are Raoiroi i aomi. Ngkai e teimatoa aromi anne i Rouna, a aki kai nanomi ngkana kam aki reireiaki iroun temanna. Ma ngkai kam reireiaki iroun Tamneina are Raoiroi ni b'aai ni bane, ao baike e reireingkami iai bon te koaua, tiaki te kewe. Teimatoa n ana reirei te Tamnei are Raoiroi, ao ni maeka n te nano ae ti teuana ma Kristo.

Iuta 1:20

Ma ngkami aika kam tangiraki, kam na waki ni kateitei aromi i aon ami onimaki ae moan te tabu; ao kam na tataro n aroni kairami iroun te Tamnei are Raoiroi;

Te Kaotioti 8:3

Ao e roko te anera temanna, ao e tei i rarikin te baonikarea, ao iai i rouna te baan ae te koora ae te baan i bukini kabuokani karea aika boiarara; ao e anganaki karea aika boiarara aika bati, b'a e na uaia ni kaaki ma aia tataro ake a itiaki ni kabaneia i aon te baonikarea are te koora are i nanoaan te kaintokanuea.