Nakoaia Ibonga 19:33 - Te B'aib'ara

³³ Tai kaebuiia iruwa akana a maeka i abami.

Nakoaia Ibonga 19:33 ပူးပေါင်းရင်းမြစ်များ

Te Otinako 22:20

Tuaan te angakarea nakoia anti tabem'aang, bon te tiringaki akea riki b'a bon ti Ngai.

Te Otinako 22:21

Kam na aki kabuakakaia Iruwa aika maeka i buakomi. Uringnga b'a bon iruwa ngkami i Aikubita.

Te Otinako 23:9

Kam na aki kateibuaka nakoia iruwa. Bon iruwa ngkami ngkoa i Aikubita, ao kam bon noora arona.

Ieremia 7:6

Katoka karawaawataia iruwa, ma ataei aika a akea aia karo, ao aine aika akea buuia. Kam na aki tiringiia aika akea aia bure. Ao katoka taromauriaia anti tabem'aang.

Etekiera 22:29

A bon kewe ma ni kimoa aomata i bon irouia; a kabuakakaia aika a maiu ni kainano ao a aonikaia ianena.

Etekiera 22:7

Bon akea maibuakomi ae e karinea ana karo, ao kam m'am'anaia iruwa, ataei aika akea tamaia, ao aine aika a mate buuia.

Maraki 3:5

E taku te UEA ae Moan te M'aaka: I aoni kawaiu ngkai ni motika taekami. N na kabuakakaia ni kabane aika a kakaraoa te tabunea ke ni kewe n tain te mare ke n taekina te kewe i nanon te kabowi ke taani m'akuri aika a kimoaaki booia ke aine aika a mate buuia aika a aki karauaki ao naati aika akea aia karo ke iraean aia b'ai ianena ke aika a rawa ni karineai.

Te Tua-Kaua 24:14

Ngkana kam kabooia aomata aika kainano b'a a na m'akuri i bukimi, ao kam na aki kamaani booia iroumi, e aoria ngkana bon Iteraera ke te ianena ae maeka n ami kaawa.

Te Tua-Kaua 24:17

Kam na riai ni kakoauaa b'a kam bon kakaraoa ae raoiroi nakoia ataei aika akea aia karo, ao iruwa. Ngkana kam anga te m'ane nakon te aine ae mate buuna, man taua ana b'ai teuana b'a kakoauaan ana taarau are riai ni kab'ara, ao kam na aki ana teuana man ana kunnikai.

Te Tua-Kaua 24:18

Bon tooro ngkoa ngkami ngke kam mena i Aikubita ni karokoa E kamaiungkami te UEA ae Atuami. Ao bon aei bukina ngkai I anganingkami iai tuua aikai.