Nakoaia Ibonga 19:32 - Te B'aib'ara

³² I tuangngkami b'a kam na kaota karineakiia aomata aika a kara, ao ongotaeka nako Iu n te maaku ma te rurubenebene.

Nakoaia Ibonga 19:32 ပူးပေါင်းရင်းမြစ်များ

Karikani B'aai 31:35

Ao e taku Nei Rakera nakon tamana, “Ko na tai marakinnanoai ngkana I aki roko i matam b'a I aki kona n teirake b'a I aoraki n aine.” E kua ni kakae Raab'an ma e bon aki roko n te reke bouan antin ana utu.

Karikani B'aai 48:12

Ao i mwiina, e anaia natina Ioteb'a mai aon waen Iakob'a, ao e bobaraaki i matana ni kabooa matana ma aontano.

1.Uea 2:19

Ao ngke e a nako Nei B'atateb'a ni kawara Toromon, ao e teirake Toromon ngke e roko tinana, ao e boobaraaki nakoina. E tekateka ao e kawaekoa teuana riki te kaintokanuea i bukin tinana b'a e na tekateka i angaataina.

2.Uea 17:36

Taromauriai n ti Ngai. Boni Ngai are I kamaiungkami mai Aikubita ni korakorani m'aakau. Bobaraaki nako iu ao angakarea nako iu.

Iobi 32:4

E tataninga moa banen aia taetae aomata akekei Eriu i bukina ngke boni ngaia te kabanea ni uarereke i buakoia.

Iobi 32:6

ai ngaia are e a moana taetaena. I uarereke, ao ngkami kam a kara, ma ngaia are, I maaku n tuangkami baika I atai.

Taeka n Rabakau 16:31

Bon te baunuea ae mimitong te ira ae e iaia ao e kabonganaaki irouia aika a tia ni maiuakina te raoiroi.

Taeka n Rabakau 20:29

A kainikatonga ni korakoraia aomata aika rikirake, ma a taamaroa riki, aika a iaia atuuia ao a wanawana.

Taeka n Rabakau 23:22

Kam na ongo iroun tamami, ao tai ribaa tinami ngkana e a kara.

Itaia 3:5

Ane kam na iowawa n tatabemaningkami nako nakoia raoraomi ao kaain rarikimi. Ane a na taetae ni kamatauningaiia aia ikawai aomata aika a uarereke; ao bon akea ae e na karineia aomata aika a bon riai n aki karineaki.

B'aeb'aeti 5:12

A anaaki ara taan kairiiri ao a kabaeaki roroaia, a akea karineaia ara unim'aane.

Nakoaia Ibonga 19:14

Bon te UEA Ngai ae Atuami, ao I tuangngkami b'a kam na tai b'ainigareiia akana a bonotaninga, ke tao ni kab'aka te matakii.

I-Rom 13:7

Anga b'aai ni kabane akana kam bae iai: te taekiti nakoia taan anai taekiti, te tiute nakoia taan anai tiute, te maaku nakoia akana riai ni makaki, ao te karinerine nakoia akana riai ni karineaki.

1.Timoteo 5:1

Ko na tai boaa ane e a unimm'aane, ma ko na anganna am taeka ni buokia b'a kanga tamam. Ko na reitaki ma rorobuaka b'a kanga tarim,

1.Betero 2:17

Kam na karineia aomata ni kabaneia, ao tangiriia raomi ni Kristian. Maaka te Atua. Karinea te king.