Nakoaia Ibonga 19:28 - Te B'aib'ara

²⁸ ke ni korokoroingkami, ke n taitaiingkami i bukin taromaurian te mate.

Nakoaia Ibonga 19:28 ပူးပေါင်းရင်းမြစ်များ

1.Uea 18:28

Ao a tatakarua ana burabeti ao a korokoroi rab'ataia n taiani kabaang ma taiani biti ni karokoa ae a raraabuabua. Ao anne aroia n tataro,

Ieremia 16:6

E na bon ti te bo aron mateia aika a kaub'ai ma aika a maiu ni kainano b'a a na tiku n aki taunaki. Bon akea aika a na tang n nanoangaia ma ni kaota nanokawakiia ni korokorea rab'ataia ke ni kamaraa atuuia.

Ieremia 48:37

A bane n tia ni koromaraia ma ni korobuai. A a bane n tia ni korokoroi aon baiia, ao a bane ni kunnikaiia ni kunnikai n aki akaaka.

Nakoaia Ibonga 19:27

I tangiringkami b'a kam na aki iman iran atumi, ke ni koroi buaimi,

Nakoaia Ibonga 19:29

Tai kariaia natimi aine b'a a na riki b'a ainen matawaan te tembora, b'a e kona n riki aei b'a kamaamaeaia ao kamaamaean naba te aba.

Nakoaia Ibonga 21:1

E anganaki Moote kaetieti aikai iroun te UEA i bukiia m'aane ake natin Aaron ake ibonga: Ko riki ni kam'araa ngkana ko riinga rab'atan te aomata ae mate. Ma ngaia are, tai kaania am koraki ane e mate,

Nakoaia Ibonga 21:11

Tai kam'araeko ni kaania rab'atan te mate, e aoria ngkana oin tamam ke tinam.

Nakoaia Ibonga 21:5

Tai korea iran atuum ke tao buaim, ke tao ni korokoroiko ni kaotia ae ko nanokawaki.

Mareko 5:5

E memena ni nneia maate ao ri buakoni maunga ni katoa te bong ao te ngaina. E aki toki n tatakarua ao ni kokorokoroia n atiibu.

Ioane 20:25

Ma ngaia are, a taku nakoina reirei akekei, “Ti a tia n nora te Uea!” Ma e taku Toma nakoia, “Ngkana I aki noori mwin neera i baina, ao I aki karina tabonibaiu i nanoni mwin neera, ao ngkana I aki karina baiu i nanon rarikina, ao I bon aki kona ni kakoauaingkami.”

Te Tua-Kaua 14:1

Kaain Iteraera, bon Ana ataei te UEA ngkami, ma ngaia are, ngkana kam tang i bukin te mate, ao kam na aki korokoroi rab'atami, ke ni koromarai moan atuumi.

Te Kaotioti 14:11

Ao e aetorake n aki totoki bubun te ai are a b'ainikirinaki ni kamarakaki iai; ao akea motirawaia ni ngaina ao ni bong te koraki ake a taromauria te man ma te bouananti are katotongana, ao te koraki ake a anganaki kanikinaean arana.”

Te Kaotioti 14:9

Ao te anera riki temanna ae te kateniman, e ri mwin are te kauoman, ao e kaangai n te b'ana ae korakora, “Ngkana e taromauriaki te man arei ma te bouananti are katotongana iroun te aomata temanna, ao ngkana e kanikinaeaki te aomata anne i aon ram'ana ke i aoni baina,

Te Kaotioti 15:2

Ao I nora te b'ai ae kanga ai aroni marawa ae te kiraati ae renganaki n te ai; ao I nooriia naba ake a tokanikai i aon te man arei, ma te bouananti are katotongana, ao i aon naba are e tei te ware i bukin arana, b'a a tei i aoni marawa are te kiraati, n tau aabi ake mairoun te Atua.

Te Kaotioti 16:2

Ao e nako te moa n anera, ao e kab'aroa kanoan ana boora i aon te aba; ao e riki iai te kaboa ae buakaka ae kamaraki irouia aomata ake a kanikinaeaki n ana kanikina te man arei, ao i rouia naba ake a taromauria te bouananti are katotongana.

Te Kaotioti 19:20

Ao e tauaki te man are tiritiri, ma te burabeti ni kewe are karaoi kanikina i matana, ake e m'am'anaia iai te koraki ake a kanikinaeaki n ana kanikina te man are tiritiri, ma te koraki naba ake a taromauria te bouananti are karaoaki b'a katotongana. E teweaki nako te man are tiritiri ma te burabeti ni kewe, ngke e maiu, i nanon te nama are te ai are ura n te burimton.

Te Kaotioti 20:4

Ao I noori kaintokanuea ma ake a tekateka i aoia b'a a anganaki te kona ni motiki taeka: bon aomataia ni koaua te koraki ake a tia ni mate ngke a kabakuaki i bukin tataekinan te koaua are E kaotiotia Iesu, ao i bukin tataekinan ana taeka te Atua. A aki taromauria te man are tiritiri, ao a aki taromauria naba te bouananti are katotongana; a aki kanikinaeaki ram'aia ma baiia n ana kanikina te man arei; ao a maiu, ma n uea ma te Kristo tengaa te ririki.