Nakoaia Ibonga 19:18 - Te B'aib'ara

¹⁸ Toki man te unun ao tai kataia ni kabooa kaim. Bon te UEA Ngai ae Atuami, ao I tuangngkami b'a kam na kakorakorai ngkami n tangiriia raomi n ai aron tangirakimi i boni i roumi.

Nakoaia Ibonga 19:18 ပူးပေါင်းရင်းမြစ်များ

Karikani B'aai 4:23

Ao e taku Rameka nakoia buuna, “Nei Ata, ao Nei Tiira, ongora irou. Kakauongo raoi nakon te b'ai ae N na tuangngkami. I a tia n tiringa te aomata are e kaikoakai, ao I a tia naba n tiringa te ataei are e kammarakai.

2.Tamuera 13:22

Ao e bon karaoa naba ae e raoiroi Abetarom nakon Amnon kaanga akea te b'ai ae e riki, ma e bon rangi n ribaa Amnon n te b'ai are e karaoia nakon m'anena are Nei Tam'aa.

2.Tamuera 13:28

Ma e tuangiia ana taan m'akuri b'a a na kaaki mataia i aon Amnon. Ngkana e a reke angina teuana n te wain ma ni kukurei, ao N na anga te kanikina. Ao ngkami, kam a tiringnga naba! Boni Ngai ae I tuangkami b'a kam na karaoia, ma ngaia are, kam na aki maaku. Kam na korakora ao kam na ninikoria.”

Taian Areru 103:9

Tiaki n ae E na teimatoa arona ni boaa te aba, Ke e na reiti nako unna n akea tokina.

Te Otinako 20:16

Ko na aki bukina temanna n te aro ni kewe.

Taeka n Rabakau 20:22

Ko na aki kataia ni kabooa mwiin te buakaka. Onimakina te UEA, ao ane e na buokiko.

Nakoaia Ibonga 19:34

Ma karaoa ae e raoiroi nakoia n ai aron ae ko karaoia nako ia kaain te aba, ao tangiriia n ai aron tangiram. Uringnga, bon te naa n iruwa ngkami ngkoa n te aba are Aikubita. Boni Ngai te UEA ae Atuami.

Mataio 19:16

Ao noria, e roko te aomata temanna iroun Iesu, ao e taku, “Te Tia Reirei, tera ae raoiroi ae N na karaoia, b'a e aonga n reke iai i rou te maiu are aki toki?”

Mataio 19:19

Ko na karinea tamam ma tinam, ao, Ko na tangira ane maeka n ua kaani ma ngkoe n ai aron tangiram i bon i roum.”

Ioane 13:34

I anganingkami te tua ae boou: kam na i tangitangiri; n ai arou ngke I tangiringkami, b'a kam aonga n i tangitangiri.

M'akuri 16:28

Ma e kanenea b'anaana B'auro n taetae nakoina ni kaangai, “Tai karaoa ae buakaka nako im, b'a ti bane ni mena ikai!”

I-Rom 12:17

Tai karaoa ae buakaka nakon te aomata ae karaoa ae buakaka nako im, ma karaoi baika raraoi i mataia aomata nako.

I-Rom 12:19

Ngkami aika kam tangiraki, tai iri taangami; E na karaoia te Atua; b'a e koreaki ae kaangai: E taku te UEA, “Au b'ai te irantaanga, N na kabobo Ngai.”

I-Rom 13:4

B'a ana aomata te Atua ngaia ao tabena bon te buokiko nakon ae e raoiroi. Ma ngkana ko karaoa ae buakaka ao ko bon riai ni maku, i bukina b'a bon iai m'aakana ni kareke kai: b'a ana aomata te Atua ngaia ae te tia irantaanga ae karaoa nanon te Atua ni karekea kain ane karaoa ae buakaka.

I-Rom 13:9

B'a aikai tuua, “Ko na tai wene ni bure; Ko na tai kamateia aomata; Ko na tai ira; Ko na tai mataai” ao ngkana tao iai riki, ao a bane i nanon te tua ae kaangai, “Ko na tangira raom n ai aron tangiram i bon i roum.”

I-Karatia 5:14

B'a e kabaneaki te Tua n touaki mwina n ae kaangai, “Ko na tangira raom n ai aron tangiram i bon iroum.”

I-Karatia 5:20

te taromauri bouananti, te tabunea, taian riribai, te kauntaeka, te tauaninne, taian un, taian unra i marenaia ami botaki nako, taian i raraaure, taiani kakaokoro n iango,

I-Ebeto 4:31

Kam na kaaki aromi ni maraki n nano, ma n unun, ma n riribai, ma n tatakarua ni b'aana n un, ma n taetae n iowawa, ma aromi ni kabane aika buakaka.

Te Tua-Kaua 32:25

Ti te bo aroia aika ikawai ma ataei a na mate i nanon kawain te kaawa ao a na maaku i nanon aia auti.

Te Tua-Kaua 32:35

A na reke kaiia ara kairiribai n te tai ae aki maan ao ane a na karina ni marannako ao e na waekoa n taorimwiiaki n te kabuanib'ai ae korakora.

I-Korote 3:8

Ma ngkai, kam na aki manga karaoi baikai: te un, te nanobuaka, te karekekai, te taetaebuaka, ao te taetae ae aki riai mai wiimi.

Ebera 10:30

B'a ti ata Teuare kangai, “Au b'ai te kareke kai; N na kabobo Ngai”; Ao manga aio: “E na motiki taekaia ana botannaomata te Uea.”

Iakobo 2:8

Ma kam karaoa ae e raoiroi ngkana kam toua mwin te tua are mairoun te Uea, are e koreaki ni kaangai, “Ko na tangira raom n ai aron tangiram i bon i roum.”

1.Betero 2:1

Ma ngaia ae kam na kaaki taian nano n riribai, ma te uarao, ma te baka n raoiroi, ma taiani bakantang, ma taeka ni kamaraki nano ni kabane,

1.Ioane 4:21

Ao aei te tua ae ti anganaki mai Rouna: b'a ane tangira te Atua, ao e na tangira naba tarina.